ಜಿಐಟಿಯಿಂದ 40 ಕ್ಕೂ ಹೆಚ್ಚು ವೆಬಿನಾರ್

 ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ – ಬೆಳಗಾವಿಯ ಕೆ ಎಲ್ ಎಸ್ ಗೋಗಟೆ ತಾಂತ್ರಿಕ ಮಹಾವಿದ್ಯಾಲಯ, ಜಾಗತಿಕವಾಗಿ ಬೆಳೆಯುತ್ತಿರುವ ಕೋವಿಡ್ 19 ಸಾಂಕ್ರಾಮಿಕ ಸಮಯದಲ್ಲಿ ಬೋಧನೆ ಮತ್ತು ಕಲಿಕೆಯ ಪ್ರಕ್ರಿಯೆಯನ್ನು ಮುಂದುವರಿಸುವ ನಿಟ್ಟಿನಲ್ಲಿ ನಿಯಮಿತವಾಗಿ ಆನ್‍ಲೈನ್ ವೆಬ್‍ನಾರ್  ಆಯೋಜಿಸುತ್ತಿದೆ.

ಶೈಕ್ಷಣಿಕ ಚಟುವಟಿಕೆಗಳನ್ನು ಉಳಿಸಿಕೊಳ್ಳುವುದು ಮತ್ತು ಕೋವಿಡ್ 19 ಸಾಂಕ್ರಾಮಿಕ ಸಮಯದಲ್ಲಿ ಬೋಧನೆ ಮತ್ತು ಕಲಿಕೆಯ ಮುಂದುವರಿಕೆಗೆ ಬೆಂಬಲ ನೀಡುವುದು ಈ ವೆಬ್‍ನಾರ್   ಮೂಲ ಉದ್ದೇಶವಾಗಿದೆ.

ಈ ಪ್ರತ್ಯೇಕತೆಯ ಸಮಯದಲ್ಲಿ, ವಿದ್ಯಾರ್ಥಿಗಳು, ಅಧ್ಯಾಪಕರು ಮತ್ತು ಇತರರಿಗೆ ಅನುಕೂಲವಾಗುವಂತೆ ವಿವಿಧ ಸಮಕಾಲೀನ ವಿಷಯಗಳ ಕುರಿತು 40 ಕ್ಕೂ ಹೆಚ್ಚು ವೆಬ್‍ನಾರ್ ಗಳನ್ನು ಜಿಐಟಿಯಲ್ಲಿ ಈಗಾಗಲೇ ನಡೆಸಲಾಗಿದೆ. ಐಐಟಿ ಮದ್ರಾಸ್, ಎನ್‍ಐಟಿಕೆ ಸೂರತ್ಕಲ್, ಐಐಟಿ ಕಾನ್ಪುರ್, ಐಐಎಂ ಇಂದೋರ್, ಐಐಟಿ ಖರಗ್ಪುರ, ಜಾರ್ಜಿಯಾ ಸ್ಟೇಟ್ ಯೂನಿವರ್ಸಿಟಿ ಯುಎಸ್‍ಎ, ಡಿಎಎಡಿ ಜರ್ಮನಿ, ಐಸಿಟಿ ಅಕಾಡೆಮಿ, ಡಿಸೈನ್ ಇನ್ಫಿನಿಟಿ ಎಲ್‍ಎಲ್ ಸಿ ದುಬೈ, ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ಲಿಮಿಟೆಡ್, ಕ್ರೈಂಟರ್ಸ್ ಗ್ರೂಪ್, ಅಂತಹ ಹೆಸರಾಂತ ಸಂಸ್ಥೆಗಳಿಂದ ಸಂಪನ್ಮೂಲ ವ್ಯಕ್ತಿಗಳನ್ನು ಆಹ್ವಾನಿಸಿ ಸಮಕಾಲೀನ ವಿಷಯಗಳಾದ ಡಾಟಾ ಸೈನ್ಸ್, ಸಿಸ್ಟಮ್ ಮಾಡೆಲಿಂಗ್, ಆರ್ಕಿಟೆಕ್ಚರ್ ಪೆಡಾಗೊಜಿ, ಕ್ಲೌಡ್ಸಿಮ್ ಸಿಮ್ಯುಲೇಟರ್, ಆಂಟೆನಾ ವಿನ್ಯಾಸ, ಯೋಜನಾ ನಿರ್ವಹಣೆ, ರಸ್ತೆ ನಿರ್ಮಾಣ ತಂತ್ರಜ್ಞಾನ, ಐಒಟಿ, ಉದ್ಯೋಗ ಕೌಶಲ್ಯಗಳ ಮೇಲೆ ವೆಬ್‍ನಾರ್‍ಗಳಲ್ಲಿ ಚರ್ಚಿಸಲಾಯಿತು.

ಕೆಎಲ್‍ಎಸ್ ಅಧ್ಯಕ್ಷ  ಪಿ.ಎಸ್. ಸಾವ್ಕರ್, ಜಿಐಟಿಯ ಆಡಳಿತ ಮಂಡಳಿ ಅಧ್ಯಕ್ಷ  ಎಂ ಆರ್ ಕುಲಕರ್ಣಿ ಮತ್ತು ಜಿಐಟಿಯ ಪ್ರಾಂಶುಪಾಲ  ಡಾ.ಜಯಂತ್ ಕೆ ಕಿತ್ತೂರ್ ಅವರು ಈ ಕಾರ್ಯಕ್ರಮಗಳನ್ನು ಆಯೋಜಿಸುವಲ್ಲಿ ಜಿಐಟಿ ಸಿಬ್ಬಂದಿ ಮಾಡಿದ ಪ್ರಯತ್ನವನ್ನು ಶ್ಲಾಘಿಸಿದ್ದಾರೆ.