ರೈಲ್ವೆ ಮೇಲ್ಸೆತುವೆ ಬಿರುಕು: ತಪ್ಪಿತಸ್ಥರ ವಿರುದ್ಧ ಕ್ರಮ -ಅಂಗಡಿ

ಟ್ವೀಟ್ ನಲ್ಲಿ ಸುರೇಶ ಅಂಗಡಿ ಹಾಕಿರುವ ರೈಲ್ವೆ ಮೇಲ್ಸೆತುವೆ ಬಿರುಕು ಬಿಟ್ಟಿರುವ ಚಿತ್ರಗಳು 

    ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ

ಇಲ್ಲಿಯ ರೈಲ್ವೆ ಮೇಲ್ಸೆತುವೆ ಬಿರುಕು ಬಿಟ್ಟಿರುವ ವಿಷಯವನ್ನ ಗಂಭೀರವಾಗಿ ಪರಿಗಣಿಸಿರುವ ಸಂಸದ ಸುರೇಶ ಅಂಗಡಿ, ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ.

ಈ ಸಂಬಂಧ ಟ್ವೀಟ್ ಮಾಡಿರು ಅವರು, ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸುವಂತೆ ಮತ್ತು ವಿವರ ವರದಿ ನೀಡುವಂತೆ ಬೆಳಗಾವಿಯ ಪ್ರೊಫೇಶನಲ್ ಫೋರಮ್ ಸದಸ್ಯರಿಗೆ ವಿನಂತಿಸುತ್ತೇನೆ. ಅವರ ವರದಿ ನೋಡಿ ತಪ್ಪಿತಸ್ಥರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ. 

ಈ ಕುರಿತು ಪ್ರಗತಿವಾಹಿನಿಯೋದಿಗೆ ಮಾತನಾಡದ ಅವರು, ನಾನು ಇನ್ನೂ ಬೆಳಗಾವಿಗೆ ಬಂದಿಲ್ಲ. ನವದೆಹಲಿಯಿಂದ ಹುಬ್ಬಳ್ಳಿಗೆ ಬಂದು ನೇರವಾಗಿ ಸಂಕ್ರಾಂತಿ ಆಚರಿಸಲು ನಮ್ಮ ಹಳ್ಳಿಗೆ ಹೋಗುತ್ತಿದ್ದೇನೆ. ರೈಲ್ವೆ ಮೇಲ್ಸೆತುವೆ ಬಿರುಕನ್ನು ತಜ್ಞರು ಪರಿಶೀಲಿಸಿ ವರದಿ ನೀಡಲಿದ್ದಾರೆ. ನಂತರ ಸೂಕ್ತ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ತಿಳಿಸಿದರು.