ಟಿಜಿಟಿ ಶಿಕ್ಷಕರ ವೇತನ ಬಿಡುಗಡೆಗೆ ಅಂತೂ ಆದೇಶ

ಪ್ರಗತಿವಾಹಿನಿ ಸುದ್ದಿ, ಬೆಂಗಳೂರು

2 ತಿಂಗಳಿನಿಂದ ವೇತನವಿಲ್ಲದೆ ಪರದಾಡುತ್ತಿದ್ದ ಎಸ್ಎಸ್ಎ ಮತ್ತು ಆರ್ ಎಂಎಸ್ಎ ಯೋಜನೆಗಳ ಶಿಕ್ಷಕರ ವೇತನ ಬಿಡುಗಡೆ ಮಾಡಲು ಶಿಕ್ಷಣ ಇಲಾಖೆ ಕೊನೆಗೂ ಆದೇಶ ಹೊರಡಿಸಿದೆ.

ಕೇಂದ್ರ ಸರ್ಕಾರದಿಂದ ಅನುದಾನ ಬಿಡುಗಡೆಯಾಗುವ ನಿರೀಕ್ಷೆಯಲ್ಲಿ 2019-20ರ ವೇತನಾನುದಾನ ಬಿಡುಗಡೆ ಮಾಡುವಂತೆ ಆದೇಶಿಸಲಾಗಿದೆ.

2 ತಿಂಗಳಿಂದ ವೇತನವಿಲ್ಲದ್ದರಿಂದ ಶಿಕ್ಷಕರು ರಜರಯ ಮಜಾ ಅನುಭವಿಸದೆ, ಮಕ್ಕಳನ್ನೂ ಹೊರಗೆ ಕರೆದೊಯ್ಯಲಾಗದೆ, ಸಾಲದ ಕಂತು ತುಂಬಲಾಗದೆ, ಮನೆ ಬಾಡಿಗೆ ಕಟ್ಟಲಾಗದೆ ಪರದಾಡುತ್ತಿದ್ದರು.

ಪ್ರತಿ ವರ್ಷ ಟಿಜಿಟಿ ಶಿಕ್ಷಕರ ಪಾಡು ಇದೇ ಆದರೂ ಈ ಸಮಸ್ಯೆಯ ಶಾಶ್ವತ ಪರಿಹಾರಕ್ಕೆ ರಾಜ್ಯ ಸರಕಾರ ಕ್ರಮ ಕೈಗೊಳ್ಳದಿರುವುದು ವಿಪರ್ಯಾಸವಾಗಿದೆ.

ಬೇರೆ ನೌಕರರು, ಅಧಿಕಾರಿಗಳ ಸಂಬಳ ಒಂದು ವಾರ ವಿಳಂಬವಾದರೂ ಸಹಿಸದವರು ಈ ಶಿಕ್ಷಕರು ಮಾತ್ರ ಪರದಾಡುವಂತೆ ಮಾಡುತ್ತಾರೆ.