*ಬಿಜೆಪಿ ಅವಧಿಯ 40% ಬಗ್ಗೆ ತನಿಖೆ ಆಗಲಿ*; *ಎಲ್ಲಾ ಪಕ್ಷಗಳ ಹಿರಿಯರಿಂದ ಹೊಂದಾಣಿಕೆ ರಾಜಕೀಯ*: *ಪ್ರತಾಪ ಸಿಂಹ ಕಿಡಿ*

ಪ್ರಗತಿವಾಹಿನಿ ಸುದ್ದಿ : ಮುಡಾ ಹಗರಣದಲ್ಲಿ ಬಿಜೆಪಿ-ಜೆಡಿಎಸ್‌ನವರೂ ಇದ್ದಾರೆ ಎಂದು ಹೇಳಲಾಗುತ್ತಿದ್ದು, ಇದಲ್ಲದೇ ಬಿಜೆಪಿ ಸರ್ಕಾರದ ಅವಧಿಯ 40% ಕಮಿಷನ್ ಹಗರಣದ ಬಗ್ಗೆಯೂ ರಾಜ್ಯ ಸರ್ಕಾರ ತನಿಖೆ ಮಾಡಿಸಲಿ ಎಂದು ಮಾಜಿ ಸಂಸದ ಪ್ರತಾಪ್ ಸಿಂಹ ಆಗ್ರಹಿಸಿದ್ದಾರೆ.

ತನಿಖಾ ಸಂಸ್ಥೆ ಪೊಲೀಸ್ ವ್ಯವಸ್ಥೆ ಅವರ ಬಳಿಯೇ ಇದೆಯಲ್ವಾ, ಹೀಗಿದ್ದು ಕಾಂಗ್ರೆಸ್ ನವರು ಏಕೆ ಈ ಬಗ್ಗೆ ದಾಖಲೆ ಬಿಡುಗಡೆ ಮಾಡಿ ಚುರುಕಾಗಿ ತನಿಖೆ ಮಾಡುತ್ತಿಲ್ಲ ಎಂದು ಪ್ರಶ್ನಿಸಿದ್ದಾರೆ. PSI ಹಗರಣದ ಬಗ್ಗೆಯೂ ಯಾಕೆ ತನಿಖೆ ಮಾಡಿಸುತ್ತಿಲ್ಲ ಎಂದು ಕಿಡಿಕಾರಿದ್ದಾರೆ.

ಇನ್ನು ಆ ಪಕ್ಷ, ಈ ಪಕ್ಷ ಅಂತಾ ಇಲ್ಲ, ಎಲ್ಲಾ ಪಕ್ಷಗಳ ಹಿರಿಯರಿಂದ ಹೊಂದಾಣಿಕೆ ರಾಜಕೀಯ ನಡೆಯುತ್ತಿದೆ. ಮೈಸೂರು ನನ್ನ ಕರ್ಮ ಭೂಮಿ. ಇಲ್ಲೇ ಇದ್ದು ರಾಜಕಾರಣದಲ್ಲೇ ಮುಂದುವರಿಯುವೆ ಎಂದಿದ್ದಾರೆ.