ಚನ್ನಮ್ಮ ಕಿತ್ತೂರು ತಾಲೂಕಿನ ಹಿರೇನಂದಿಹಳ್ಳಿ ಗ್ರಾಮದ ಲೋಕಸಭಾ ಚುನಾವಣೆಯಲ್ಲಿ ಮಧ್ಯಾಹ್ನದ ಬಿಸಿಲು ಎನ್ನದೇ ಭಾಗವಹಿಸಿದ ವಿಕಲಚೇತನ ಶಿವಾನಂದ ಮುದಕಪ್ಪ ನರೇಂದ್ರ(ಅಂಗಡಿ) ಮತದಾನ ಮಾಡಿದ ನಂತರ ತನ್ಮ ಬೆರಳಿಗೆ ಹಾಕಿದ ಶಾಯಿಯನ್ನು ತೋರಿಸುತ್ತಿರುವುದು ಹಾಗೂ ಗ್ರಾಮಸ್ಥರಾದ ಕಲ್ಮೇಶ ಸರಶೆಟ್ಟಿ, ಶಿವಾನಂದ ಕೆಳಗಿನಮನಿ, ಮಂಜುನಾಥ ಹುರಕಡ್ಲಿ , ನಾಗರಾಜ ದಾಸನಕೊಪ್ಪ, ತೀರ್ಥಗೌಡ ಪಾಟೀಲ ಇದ್ದರು.
ಶ್ರೀಶೈಲ ಜಗದ್ಗುರುಗಳಾದ ಶ್ರೀ ಡಾ ಚನ್ನಸಿಧ್ಧರಾಮ ಪಂಡಿತಾರಾಧ್ಯ ಶಿವಾಚಾರ್ಯ ಮಹಾಸ್ವಾಮೀಜಿ ಚಿಕ್ಕೋಡಿ ತಾಲೂಕಿನ ಯಡೂರಿನ ಮತಗಟ್ಟೆ ಸಂ. ೪೬ ರಲ್ಲಿ ಮತ ಚಲಾಯಿಸಿದರು.
ಶಾಸಕಿ ಲಕ್ಷ್ಮಿ ಹೆಬ್ಬಾಳಕರ್, ಸಹೋದರ ಚನ್ನರಾಜ ಹಟ್ಟಿಹೊಳಿ ಮೊದಲಾದವರು ಮತ ಚಲಾಯಿಸಿದರು.
ಬೆಳಗಾವಿಯಲ್ಲಿ ಕೆಲವೆಡೆ ಇವಿಎಂ ಸಮಸ್ಯೆ: ಆರಂಭವಾಗದ ಮತದಾನ
ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ
ಬೆಳಗಾವಿಯ ಬಹುತೇಕ ಮತಗಟ್ಟೆಗಳಲ್ಲಿ ಬೆಳಗ್ಗೆಯಿಂದಲೇ ಮತದಾನಕ್ಕೆ ಜನರು ಸರತಿ ಸಾಲಿನಲ್ಲಿ ನಿಲ್ಲುತ್ತಿದ್ದಾರೆ.
ಆದರೆ ಶಿವಬಸವನಗರದ ಒಂದು ಮತ್ತು ಆಜಂ ನಗರದ ಒಂದು ಮತಗಟ್ಟೆಗಳಲ್ಲಿ ಇನ್ನೂ ಮತದಾನ ಆರಂಭವಾಗಿಲ್ಲ.
ಶಿವಬಸವನಗರದ ಜಿ.ಜಿ.ಯಳ್ಳೂರು ಪ್ರಾಥಮಿಕ ಶಾಲೆ ಮತ್ತು ಆಜಂ ನಗರದ ಭೂತ್ ನಂ.28ರಲ್ಲಿ ಮತಯಂತ್ರ ಸಮಸ್ಯೆಯಿಂದಾಗಿ 8.30ರ ವರೆಗೂ ಮತದಾನ ಆರಂಭವಾಗಿಲ್ಲ.
ಭಾರಿ ಸಂಖ್ಯೆಯಲ್ಲಿ ಸಾರ್ವಜನಿಕರು ಆಗಮಿಸಿದ್ದು, ಕೆಲವರು ಸಾಲು ಹಚ್ಚಿ ಕಾಯುತ್ತಿದ್ದರೆ, ಕೆಲವರು ಕಾಯಲಾಗದೆ ಮರಳಿ ಹೋಗುತ್ತಿದ್ದಾರೆ. ಸರಿಯಾಗಲು ಇನ್ನೂ ಅರ್ಧಗಂಟೆ ಬೇಕಾಗಬಹುದೆಂದು ಅಧಿಕಾರಿಗಳು ಹೇಳುತ್ತಿದ್ದಾರೆ.
ಟಿಳಕವಾಡಿಯ ಲೇಲೆಗ್ರೌಂಡ್ ಮತಗಟ್ಟೆ ಮತ್ತು ಚನ್ನಮ್ಮ ನಗರದ ವಿದ್ಯಾಭವನ ಮತಗಟ್ಟೆಗಳಲ್ಲಿ ಅನೇಕರಿಗೆ ಬಲಗೈ ತೋರುಬೆರಳಿಗೆ ಶಾಯಿ ಹಾಕಲಾಗುತ್ತಿದೆ. ಮತದಾರರು ಯಾವುದೇ ಬೆರಳು ತೋರಿಸಿದರೂ ಅದಕ್ಕೆ ಶಾಯಿ ಹಾಕಲಾಗುತ್ತಿದೆ.
ಹುಕ್ಕೇರಿಯ ಚಂದ್ರಶೇಖರ ಶಿವಾಚಾರ್ಯ ಶ್ರೀಗಳು ಹುಕ್ಕೇರಿಯಲ್ಲಿ ಬೆಳಗ್ಗೆಯೇ ಮತಚಲಾವಣೆ ಮಾಡಿದ್ದಾರೆ.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
