ಸೊಸೆಯನ್ನೇ ಶೂಟ್ ಮಾಡಿ ಕೊಂದ ಭಾರತೀಯ ಮೂಲದ ಅಮೇರಿಕಾದ ವೃದ್ಧ

ಪ್ರಗತಿವಾಹಿನಿ ಸುದ್ದಿ; ಕ್ಯಾಲಿಫೋರ್ನಿಯಾ: ಭಾರತೀಯ ಮೂಲದ ಅಮೇರಿಕಾ ನಿವಾಸಿ ವೃದ್ಧನೊಬ್ಬ ತನ್ನ ಸೊಸೆಯನ್ನೇ ಗುಂಡಿಕ್ಕಿ ಹತ್ಯೆ ಮಾಡಿದ್ದಾನೆ.

ಸಿತಾಲ್ ಸಿಂಗ್ ದೋಸಾಂಝ್ ( 74 ) ಕೊಲೆ ಮಾಡಿದ ಆರೋಪಿ. ಕ್ಯಾಲಿಫೋರ್ನಿಯಾದ ಪಾರ್ಕಿಂಗ್ ಲಾಟ್ ಒಂದರಲ್ಲಿ ಸೊಸೆಯಾದ ಗುರುಪ್ರೀತ್ ಕೌರ್ ಳನ್ನು ಗುಂಡಿಕ್ಕಿ ಕೊಂದಿದ್ದಾನೆ.

ಸಿತಾಲ್ ಸಿಂಗ್ ಕ್ಯಾಲಿಫೋರ್ನಿಯಾದಿಂದ ಸುಮಾರು 241 ಕಿಮೀ ದೂರದಲ್ಲಿ ವಾಸವಿದ್ದಾನೆ. ಅಲ್ಲಿಂದ ಕಾರನ್ನು ಸ್ವತಃ ಚಲಾಯಿಸಿಕೊಂಡು ಬಂದು ಗುರುಪ್ರೀತಳನ್ನು ಹುಡುಕಿ ಗುಂಡಿಕ್ಕಿದ್ದಾನೆ‌‌. ಗುರುಪ್ರೀತಳ ಮೃತದೇಹ ಪಾರ್ಕಿಂಗ್ ಲಾಟ್ ನಲ್ಲಿ ನಿಲ್ಲಿಸಿಟ್ಟಿದ್ದ ಕಾರೊಂದರಲ್ಲಿ ದೊರೆತಿದೆ.

ಗುರುಪ್ರೀತ್ ಕೌರ್ ಸಿತಾಲ ಸಿಂಗ್ ನ ಪುತ್ರನಿಂದ ವಿವಾಹ ವಿಚ್ಚೇದನ ಪಡೆಯಲು ಸಿದ್ಧತೆಗಳನ್ನು ನಡೆಸಿದ್ದಳು. ಇದು ಸಿತಾಲ ಸಿಂಗ್ ನ ಆಕ್ರೋಶಕ್ಕೆ ಕಾರಣವಾಗಿರಬಹುದು ಎಂದು ಅನುಮಾನಿಸಲಾಗಿದೆ. ಕ್ಯಾಲಿಫೋರ್ನಿಯಾ ಪೊಲೀಸರು ಸಿತಾಲ್ ಸಿಂಗ್ ನನ್ನು ಬಂಧಿಸಿ ವಿಚಾರಣೆ ಕೈಗೊಂಡಿದ್ದಾರೆ.

ಧೋನಿ ಪ್ರತಿಮೆ ತಯಾರಿಸಿ ಟ್ರೋಲ್ ಆದ ಮೈಸೂರು ಯುವಕ

https://pragati.taskdun.com/latest/pic-of-ms-dhoniswax-statuegoes-viral/