ಪ್ರಗತಿವಾಹಿನಿ ಸುದ್ದಿ: ಮಗ ಪರಸ್ತ್ರೀ ಸಹವಾಸ ಮಾಡಿದ್ದನ್ನು ಪ್ರಶ್ನೆ ಮಾಡಿದ್ದಕ್ಕೆ ಸಬ್ ಇನ್ಸ್ ಪೆಕ್ಟರ್ ಓರ್ವ ತಾಯಿ ಮೇಲೆ ಹಲ್ಲೆ ನಡೆಸಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಬೆಂಗಳೂರಿನ ರಾಮಮೂರ್ತಿ ನಗರ ಠಾಣೆ ಸಬ್ ಇನ್ಸ್ ಪೆಕ್ಟರ್ ಮಂಜುನಾಥ್ ವಿರುದ್ಧ ತಾಯಿ ಮಂಗಳಮ್ಮ ದೂರು ನೀಡಿದ್ದು, ಎಫ್ಐಆರ್ ದಾಖಲಾಗಿದೆ.
Home add -Advt
ಮಂಜುನಾಥ್ ಪತ್ನಿ ಕೂಡ ನಗರದ ಪೊಲೀಸ್ ಠಾಣೆಯೊಂದರಲ್ಲಿ ಇನ್ಸ್ ಪೆಕ್ಟರ್. ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. 2011ರಲ್ಲಿ ಮಂಜುನಾಥ್ ಹಾಗೂ ಪತ್ನಿ ಪ್ರೀತಿಸಿ ವಿವಾಹವಾದವರು. ಆದರೂ ಪಿಎಸ್ ಐ ಮಂಜುನಾಥ್ ಕಳೆದ ಒಂದು ವರ್ಷದಿಂದ ಬೇರೊಂದು ಮಹಿಳೆಯೊಂದಿಗೆ ಸಲುಗೆ ಬೆಳಸಿಕೊಂಡಿದ್ದಾನಂತೆ. ಇದನ್ನು ಗಮನಿಸಿದ ತಾಯಿ ಮಂಗಳಮ್ಮ ಮಗನನ್ನು ಪ್ರಶ್ನೆ ಮಾಡಿದ್ದಾರೆ. ಕೋಪದಲ್ಲಿ ತಾಯಿಗೆ ಕಪಾಳಮೋಕ್ಷ ಮಾಡಿದ್ದಾಗಿ ಆರೋಪಿಸಲಾಗಿದೆ.
ಹಲ್ಲೆಗೊಳಗಾದ ಮಂಗಳಮ್ಮ ದೂರಿನ ಹಿನ್ನೆಲೆಯಲ್ಲಿ ಸಬ್ ಇನ್ಸ್ ಪೆಕ್ಟರ್ ಮಂಜುನಾಥ್, ಆತನ ಗೆಳತಿ ಸೇರಿ ಮೂವರ ವಿರುದ್ಧ ಎಫ್ಐಆರ್ ದಾಖಲಾಗಿದೆ.
