ಪ್ರಭುದ್ಧ ಭಾರತದಿಂದ ಭಾನುವಾರ ಬೆಳಗಾವಿಯಲ್ಲಿ ಉಪನ್ಯಾಸ

ಪ್ರಗತಿವಾಹಿನಿ ಸುದ್ದಿ, ​ಬೆಳಗಾವಿ : “ಹೂ ಪೆಂಟೆಡ್ ಮಾಯ್ ಮನಿ ವೈಟ್ ?” ಪುಸ್ತಕದ ಬರಹಗಾರ  ಶ್ರೀ ಅಯ್ಯರ್ ಅವರು ಬೆಳಗಾವಿಯಲ್ಲಿ ಭಾನುವಾರ ಪ್ರಬುದ್ಧ ಭಾರತದ ವೇದಿಕೆಯ ಮೂಲಕ  ಡಿಮಾನೆಟೈಜೆಶನ್  ಯಾಕೆ ಮಾಡಲಾಯಿತು, ಮಾಡದಿದ್ದರೆ ಏನಾಗುತ್ತಿತ್ತು ಹಾಗೂ ಈ ವಿಷಯದ ಸುತ್ತಲಿನ ಸತ್ಯಾಸತ್ಯತೆಗಳೇನು ಎನ್ನುವ ಕುರಿತು ಉಪನ್ಯಾಸ ನೀಡಲಿದ್ದಾರೆ.

ಈ ಕಾರ್ಯಕ್ರಮವನ್ನು ಪ್ರಬುದ್ಧ ಭಾರತ ಬೆಳಗಾವಿ ಆಯೋಜಿಸಿದ್ದು,  ಹಿಂದವಾಡಿಯಲ್ಲಿರುವ IMER ಹಾಲ್ ನಲ್ಲಿ‌ ಭಾನುವಾರ ಸಂಜೆ 6 ಗಂಟೆಗೆ ನಡೆಯಲಿದೆ. ಇವರೊದಿಗೆ ದೀಪಕ ಕರಂಜಿಕರ ಸಹ ಉಪಸ್ಥಿತರಿರಲಿದ್ದು, ಅವರು ಈ ಪುಸ್ತಕದ ಮರಾಠಿ ಅನುವಾದಕರು.‌

  ಅಯ್ಯರ್ : ಇಂಜಿನಿಯರ್, ಸಂಶೋಧಕ, ವಾಣಿಜ್ಯೋದ್ಯಮಿ, ಬರಹಗಾರ, ವಕ್ತಾರ ಹಾಗೂ ಸಾಮಾಜಿಕ ಜಾಲತಾಣಗಳ ಪ್ರಭಾವಿ ವ್ಯಕ್ತಿ. 1983ರಲ್ಲಿ ಒಸ್ಮಾನಿಯಾ ಯುನಿವರ್ಸಿಟಿ, ಹೈದರಾಬಾದಿನಲ್ಲಿ ಇಂಜಿನಿಯರಿಂಗ್ ಪದವಿ ಪಡೆದ ಇವರು ಉನ್ನತ ವ್ಯಾಸಂಗವನ್ನು ಅಮೇರಿಕಾದ ಪ್ರತಿಷ್ಠಿತ ಕೊಲರಾಡೊ ಯುನಿವರ್ಸಿಟಿಯಲ್ಲಿ ಮಾಡಿದ್ದಾರೆ. ಇಲ್ಲಿಯವರೆಗೆ ತಮ್ಮ ಹೆಸರಿನಲ್ಲಿ ಒಟ್ಟು 37 ಪೇಟೆಂಟ್ ಹೊಂದಿದ್ದು, ಇನ್ನೂ 50ಕ್ಕೂ ಹೆಚ್ಚು ಪೇಟೆಂಟುಗಳ ಅನುಮೋದನೆ ಬಾಕಿ‌ ಇದೆ‌.

ಸದ್ಯ ಇವರು ಕ್ಯಾಲಿಫೋರ್ನಿಯಾ ನಿವಾಸಿಯಾಗಿದ್ದು, ಭಾರತ ಪ್ರವಾಸದಲ್ಲಿದ್ದಾರೆ.

NDTV frauds, National Herald, Who painted my money white ? ಇತ್ಯಾದಿ ಪುಸ್ತಕಗಳ ಮೂಲಕ ಪ್ರಸಿದ್ಧರಾದ ಇವರ ಕೆಲವು ಪುಸ್ತಕಗಳು amazon.com ನಲ್ಲಿ ಅತೀ ಹೆಚ್ಚು ಮಾರಾಟವಾದ ಪುಸ್ತಕ ಅನ್ನುವ ಹೆಗ್ಗಳಿಗಕೆಗೆ ಭಾಜನವಾಗಿವೆ. ಇವರ pgurus  ಯೂಟೂಬ್ ಚಾನೆಲ್ ಸಹ ಸಾಮಾಜಿಕ ಜಾಲತಾಣಗಳಲ್ಲಿ ಅತ್ಯಂತ ಹೆಸರುವಾಸಿಯಾಗಿದೆ‌.

*ಪ್ರಬುದ್ದ ಭಾರತ – ಬೆಳಗಾವಿ* :ದೇಶ ಹಾಗೂ ಅಂತರಾಷ್ಟ್ರೀಯ ಮಟ್ಟದಲ್ಲಿ ಚರ್ಚಿತವಾಗುತ್ತಿರುವ ಪ್ರಸ್ತುತ ವಿಷಯಗಳು ಹಾಗೂ ಇನ್ನಿತರ ಮಹತ್ತರವಾದ ರಾಷ್ಟ್ರೀಯತಾ ಭಾವ ಜಾಗೃತಗೊಳಿಸುವ ವಿಷಯಗಳ ಮೇಲೆ ಉಪನ್ಯಾಸ ಕಾರ್ಯಕ್ರಮಗಳನ್ನು ಆಯೋಜಿಸುತ್ತದೆ.

2012ರಿಂದ ಇಲ್ಲಿಯ ತನಕ ಹಲವಾರು ಪ್ರತಿಷ್ಠಿತ ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ಖ್ಯಾತಿಯ ಗಣ್ಯಮಾನ್ಯರು ಪ್ರಬುದ್ಧ ಭಾರತ – ಬೆಳಗಾವಿ ವೇದಿಕೆಯ ಮೂಲಕ ಬೆಳಗಾವಿಗರಿಗೆ ಉಪನ್ಯಾಸಗಳನ್ನು ನೀಡಿದ್ದಾರೆ.

ಸುಬ್ರಮಣ್ಯ ಸ್ವಾಮಿ, ರಾಮ ಮಾಧವ, ಪುಷ್ಪೇಂದ್ರ ಕುಲಶ್ರೇಷ್ಟ‌‌, ಸುಶೀಲ ಪಂಡಿತ್, ಮೆಜರ್. ಗೌರವ್ ಆರ್ಯಾ, ಮರೂಫ್ ರಾಜ಼ಾ, ಮಕರಂದ ಪರಾಂಜಪೆ~  ಇಂದುತಾಯಿ ಕಾತದಾರೆ ಹಾಗೂ ಡಾ. ದೇವಿ ಶೆಟ್ಟಿ ಇದರಲ್ಲಿ ಕೆಲವು ಪ್ರಮುಖ ಹೆಸರುಗಳು.

ಹೆಚ್ಚಿನ ಮಾಹಿತಿಗಾಗಿ 9480188877 ಸಂಪರ್ಕಿಸಬಹುದು.