*ಅಂಬಾನಿಯ ಮುದ್ದಿನ ಶ್ವಾನಕ್ಕಾಗಿ ಪ್ರತ್ಯೇಕ 4 ಕೋಟಿ ರೂ ಕಾರು*

ಪ್ರಗತಿವಾಹಿನಿ ಸುದ್ದಿ: ರಿಲಯನ್ಸ್ ಇಂಡಸ್ಟ್ರೀಸ್ ಮಾಲೀಕ ಮುಕೇಶ್ ಅಂಬಾನಿ ಅವರ ಕುಟುಂಬದ ಶ್ವಾನ ಹ್ಯಾಪಿಗೆ ಅಂಬಾನಿ ಕುಟುಂಬ ಪ್ರತ್ಯೇಕ ಕಾರಿನ ವ್ಯವಸ್ಥೆ ಮಾಡಲಾಗಿದೆ.

ಕುಟುಂಬದ ಸದಸ್ಯರ ಜೊತೆ ಹ್ಯಾಪಿ ಹೊರಗೆ ಹೋಗಬೇಕಾದಲ್ಲಿ ಅದಕ್ಕೆಂದೇ 4 ಕೋಟಿ ರು. ಮೌಲ್ಯದ ಮರ್ಸಿಡಿಸ್ ಕಾರಿನ ವ್ಯವಸ್ಥೆ ಮಾಡಲಾಗಿದೆ. ಅಲ್ಲದೆ ಕಾರಿನೊಳಗೆ ಹ್ಯಾಪಿಯ ಭದ್ರತೆಗೆ ಅಗತ್ಯ ವ್ಯವಸ್ಥೆ ಮಾಡಲಾಗಿದೆ. ಇದಕ್ಕೂ ಮೊದಲು ಹ್ಯಾಪಿ ಟೊಯೋಟೋ ಫಾರ್ಚೂನರ್ ಮತ್ತು ಟೊಯೊಟೊ ವೆಲ್‌ಫೈರ್‌ನಲ್ಲಿ ಪ್ರಯಾಣಿಸುತ್ತಿತ್ತು.

ಇತ್ತೀಚೆಗೆ ನಡೆದ ಮುಕೇಶ್- ನೀತಾ ಅಂಬಾನಿ ಪುತ್ರ ಅನಂದ್ ಮದುವೆಯ ಸಂಬಂಧ ನಡೆದ ಎಲ್ಲಾ ಕಾರ್ಯಕ್ರಮಗಳ ವೇಳೆ ಹ್ಯಾಪಿ ಎಲ್ಲಾ ಸ್ಥಳಗಳಲ್ಲೂ ಮುಕ್ತವಾಗಿ ಓಡಾಡುತ್ತಿತ್ತು. ಜೊತೆಗೆ ಅದಕ್ಕೆ ವಸ್ತ್ರ ವಿನ್ಯಾಸಕರ ಮೂಲಕ ದಿನಕ್ಕೊಂದು ಸುಂದರ ವಸ್ತ್ರಗಳನ್ನು ತೊಡಿಸಲಾಗಿತ್ತು.