ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ : ನಗರದ ವಡಗಾವಿಯ ಹಮಾಲವಾಡಾದ ಭಾರತನಗರ ೬ನೇ ಕ್ರಾಸ್ ಇಲ್ಲಿನ ನಿವಾಸಿಯಾದ ರಾಮಚಂದ್ರ ಮಹಾದೇವ ಪಾಟೀಲ ಇವರ ಜಾಗೆಯ ಹಿತ್ತಲಿನಲ್ಲಿದ್ದ ಪಾಳು ಬಾವಿಯಲ್ಲಿ ಆಗಸ್ಟ್ ೨೪, ೨೦೨೩ ರಂದು ೭ ಗಂಟೆಯ ಪೂರ್ವದಲ್ಲಿ ಸುಮಾರು ೪೦ ರಿಂದ ೫೦ ವರ್ಷ ವಯಸ್ಸಿನ ಅಪರಿಚಿತ ವ್ಯಕ್ತಿಯ ಶವ ಕಂಡುಬಂದಿದೆ ಎಂದು ಶಹಾಪೂರ ಪೊಲೀಸ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
೫ ಫೂಟ ೪ ಇಂಚ ಎತ್ತರ, ಕೆಂಪು ಬಣ್ಣದ ಪುಲ್ ಶರ್ಟ್ ಮತ್ತು ಕಪ್ಪು ಬಣ್ಣದ ಪ್ಯಾಂಟ್ ಧರಿಸಿದ್ದು, ಮೃತನ ಮುಖವು ಪೂರ್ಣ ಕೊಳೆತಿರುತ್ತದೆ.
ಈ ಪ್ರಕಾರ ಚಹರೆಯುಳ್ಳ ಮೃತ ವ್ಯಕ್ತಿಯ ಬಗ್ಗೆ ಮಾಹಿತಿ ದೊರೆತಲ್ಲಿ ಬೆಳಗಾವಿ ನಗರ ಪೊಲೀಸ್ ಕಂಟ್ರೋಲ್ ರೂಮ್ ೦೮೩೧-೨೪೦೫೨೩೩, ಶಹಾಪೂರ ಪೊಲೀಸ ಠಾಣೆ ದೂ ಸಂ-೦೮೩೧-೨೪೦೫೨೪೪, ಪಿ. ಐ, ಶಹಾಪೂರ ಪಿಎಸ್. ಮೋ. ಸಂ.೯೪೮೦೮೦೪೦೪೬ ಇಲ್ಲಿ ಸಂಪರ್ಕಿಸಬಹುದು ಎಂದು ಠಾಣಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
