*ಚಾಯ್ ವಾಲಾ ಮನೆಯಲ್ಲಿ ಕೋಟಿ ಕೋಟಿ ಹಣ, ಚಿನ್ನಾಭರಣ ಪತ್ತೆ*

ಪ್ರಗತಿವಾಹಿನಿ ಸುದ್ದಿ: ಚಹಾ ಮಾರಾಟಗಾರನ ಮನೆಯಲ್ಲಿ 1.05 ಕೋಟಿ ರೂ.ಗೂ ಹೆಚ್ಚು ನಗದು ಮತ್ತು ಅಪಾರ ಪ್ರಮಾಣದ ಆಭರಣ ಬಿಹಾರನ ಗೋಪಾಲ್‌ಗಂಜ್‌ನಲ್ಲಿ ಪತ್ತೆಯಾಗಿದೆ. 

ಸುಳಿವಿನ ಮೇರೆಗೆ, ಪೊಲೀಸರು ಅಕ್ಟೋಬರ್ 17, ಶುಕ್ರವಾರ ತಡರಾತ್ರಿ ಅಮೈಥಿ ಖುರ್ದ್ ಗ್ರಾಮದ ಮನೆಯ ಮೇಲೆ ದಾಳಿ ನಡೆಸಿದರು. ಶೋಧದ ಸಮಯದಲ್ಲಿ, ಅವರು 1,05,49,850 ರೂ. ನಗದು, 344 ಗ್ರಾಂ ಚಿನ್ನ, 1.75 ಕೆಜಿ ಬೆಳ್ಳಿ ಮತ್ತು ಆನ್‌ಲೈನ್ ವಂಚನೆಗೆ ಸಂಬಂಧಿಸಿದ ಹಲವಾರು ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

ಸೈಬರ್‌ ಡಿಎಸ್ಪಿ ಅವಂತಿಕಾ ದಿಲೀಪ್ ಕುಮಾ‌ರ್ ಅವರ ಪ್ರಕಾರ, ವಶಪಡಿಸಿಕೊಂಡ ವಸ್ತುಗಳಲ್ಲಿ 85 ಎಟಿಎಂ ಕಾರ್ಡ್‌ಗಳು, 75 ಬ್ಯಾಂಕ್ ಪಾಸ್‌ಬುಕ್‌ಗಳು, 28 ಚೆಕ್‌ಬುಕ್‌ಗಳು, ಆಧಾರ್ ಕಾರ್ಡ್‌ಗಳು, ಎರಡು ಲ್ಯಾಪ್‌ಟಾಪ್‌ಗಳು, ಮೂರು ಮೊಬೈಲ್ ಫೋನ್‌ಗಳು ಮತ್ತು ಒಂದು ಐಷಾರಾಮಿ ಕಾರು ಸೇರಿವೆ.

ಪ್ರಮುಖ ಆರೋಪಿಯನ್ನು ಅಭಿಷೇಕ್ ಕುಮಾ‌ರ್ ಎಂದು ಗುರುತಿಸಲ್ಪಟ್ಟಿದ್ದು, ಸೈಬ‌ರ್ ಅಪರಾಧ ದಂಧೆಗೆ ಸೇರುವ ಮೊದಲು ಸಣ್ಣ ಚಹಾ ಅಂಗಡಿಯನ್ನು ನಡೆಸುತ್ತಿದ್ದರು. ಹಾಗಾಗಿ ಅಂತರರಾಜ್ಯ ಸೈಬರ್ ಅಪರಾಧ ಜಾಲದಲ್ಲಿ ಭಾಗಿಯಾಗಿದ್ದಾರೆ ಎಂದು ಇಬ್ಬರು ಸಹೋದರರನ್ನು ಬಂಧಿಸಲಾಗಿದೆ ಎಂದು  ಪೊಲೀಸರು ತಿಳಿಸಿದ್ದಾರೆ.