ಮೈಮೇಲೆ ಟ್ರ್ಯಾಕ್ಟರ್ ಹಾಯ್ದು ಹಸುಳೆ ಸಾವು

ಪ್ರಗತಿವಾಹಿನಿ ಸುದ್ದಿ, ಖಾನಾಪುರ: ರಸ್ತೆ ಪಕ್ಕ ಆಟವಾಡುತ್ತಿದ್ದ 1 ವರ್ಷ 4 ತಿಂಗಳು ವಯಸ್ಸಿನ ಮಗುವಿನ ಮೇಲೆ ಟ್ರ್ಯಾಕ್ಟರ್ ಹಾಯ್ದ ಪರಿಣಾಮ ಮಗು ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ತಾಲೂಕಿನ ತೋಲಗಿ ಗ್ರಾಮದಲ್ಲಿ ಮಂಗಳವಾರ ಸಂಜೆ ನಡೆದಿದೆ.

ಮೃತ ಹಸುಳೆಯನ್ನು ಗ್ರಾಮದ ರೈತ ಚಂದ್ರಶೇಖರ ನಾಯ್ಕರ ಅವರ ಪುತ್ರ ವಿಕ್ರಾಂತ ಎಂದು ಗುರುತಿಸಲಾಗಿದೆ. ನಂದಗಡ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.