ಪ್ರಗತಿವಾಹಿನಿ ಸುದ್ದಿ: ನವಜಾತ ಶಿಶುವನ್ನು ಬಿಟ್ಟು ತಂದೆ-ತಾಯಿ ಇಬ್ಬರೂ ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಕೋಲಾರದಲ್ಲಿ ನಡೆದಿದೆ.
ಶ್ರೀನಿವಾಸಪುರ ತಾಲೂಕಿನ ಉಪ್ಪಾರಪಲ್ಲಿಯಲ್ಲಿ ಶ್ರೀನಿವಾಸರೆಡ್ಡಿ ಎಂಬುವವರ ಕೋಳಿ ಫಾರಂನಲ್ಲಿ ಈ ಘಟನೆ ನಡೆದಿದೆ. ಕೆಲಸಕ್ಕೆಂದು 15 ದಿನಗಳ ಹಿಂದೆ ಬಂದಿದ್ದ ದಂಪತಿ ಈಗ ಏಳು ದಿನಗಳ ಕಂದಮ್ಮನನ್ನು ಬಿಟ್ಟು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಅಸ್ಸಾಂ ಮೂಲದ ರೆಹಮಾನ್ (28) ಹಾಗೂ ಫರಿಜಾ (22) ಆತ್ಮಹತ್ಯೆಗೆ ಶರಣಾದವರು. ಏಳು ದಿನಗಳ ಹಿಂದೆ ರೆಹಮಾನ್-ಫರಿಜಾ ದಂಪತಿಗೆ ಹೆಣ್ಣುಮಗುವಾಗಿತ್ತು. ಈಗ ನವಜಾತ ಶಿಶುವನ್ನು ಬಿಟ್ಟು ಇಬ್ಬರೂ ಸಾವಿಗೆ ಶರಣಾಗಿದ್ದಾರೆ. ರಾಯಲ್ಪಾಡು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Home add -Advt
