ಪ್ರಗತಿವಾಹಿನಿ ಸುದ್ದಿ; ಮಂಗಳೂರು: ನಟಿ, ಸ್ಟಾರ್ ಆಂಕರ್ ಅನುಶ್ರೀ ಡ್ರಗ್ಸ್ ಪ್ರಕರಣ ಸ್ಫೋಟಕ ತಿರುವು ಪಡೆದುಕೊಂಡಿದ್ದು, ಚಾರ್ಜ್ ಶೀಟ್ ನಲ್ಲಿ ಉಲ್ಲೇಖಿಸಲಾದ ಹೇಳಿಕೆಗಳು ನನ್ನದಲ್ಲ ಎಂದು ಆರೋಪಿ ಕಿಶೋರ್ ಶೆಟ್ಟಿ ತಿಳಿಸಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡಿದ ಡ್ರಗ್ಸ್ ಪ್ರಕರಣದ ಆರೋಪಿ ಕಿಶೋರ್ ಶೆಟ್ಟಿ, ಅನುಶ್ರೀಗೂ ನನಗು ಯಾವುದೇ ಸಂಬಂಧವಿಲ್ಲ. ಅನುಶ್ರೀ ಡ್ರಗ್ಸ್ ಸೇವನೆ ಮಾಡುತ್ತಾರೆ ಹಾಗೂ ಡ್ರಗ್ಸ್ ಪೆಂಡ್ಲಿಂಗ್ ಮಾಡುತ್ತಾರೆ ಎಂದು ಪೊಲೀಸರು ಸಲ್ಲಿಸಿರುವ ಚಾರ್ಜ್ ಶೀಟ್ ನಲ್ಲಿ ಉಲ್ಲೇಖವಾಗಿದೆ ಎನ್ನಲಾದ ಹೇಳಿಕೆಗಳು ನನ್ನದಲ್ಲ. ಯಾಕೆ ಹೀಗೆ ಮಾಡಿದ್ದಾರೆ ನನಗೆ ಗೊತ್ತಿಲ್ಲ. ಆದರೆ ನಾನು ಅನುಶ್ರೀ ಬಗ್ಗೆ ಏನನ್ನೂ ಹೇಳಿಲ್ಲ ಎಂದರು.
ಡಾನ್ಸ್ ಪ್ರೋಗ್ರಾಮ್ ಕೊರಿಯೋಗ್ರಾಫಿ ಮಾಡಲು ನನ್ನ ಸ್ನೇಹಿತ ತರುಣ್ ನನಗೆ ಅನುಶ್ರೀ ಪರಿಚಯಿಸಿದ್ದ. ಆ ಪ್ರೋಗ್ರಾಮ್ ನಲ್ಲಿ ಅನುಶ್ರೀ ಗೆದ್ದಿದ್ದರು. ಅದಾದ ಬಳಿಕ ನನಗೂ ಅನುಶ್ರೀಗೂ ಯಾವುದೇ ಸಂಪರ್ಕವಿಲ್ಲ. ನಾನು ಮಂಗಳೂರಿನಲ್ಲಿ ಒಮ್ಮೆ ಮಾತ್ರ ಕುತೂಹಲಕ್ಕಾಗಿ ಡ್ರಗ್ಸ್ ಸೇವಿಸಿದ್ದೆ. ಆ ವೇಳೆ ಅನುಶ್ರೀಯಾಗಲಿ, ನನ್ನ ಸ್ನೇಹಿತರಾಗಲಿ ಯಾರೂ ಇರಲಿಲ್ಲ. ಡ್ರಗ್ಸ್ ಸೇವಿಸಿ ನಾನು ಡಾನ್ಸ್ ಮಾಡುತ್ತೇನೆ ಎಂಬುದೂ ಸುಳ್ಳು. ನನಗೆ ಡ್ರಗ್ಸ್ ಪ್ರಕರಣದ ಬಗ್ಗೆಯೂ ಗೊತ್ತಿಲ್ಲ, ಚಾರ್ಜ್ ಶೀಟ್ ನಲ್ಲಿರುವುದು ನನ್ನ ಹೇಳಿಕೆ ಕೂಡ ಅಲ್ಲ ಎಂದು ಸ್ಪಷ್ಟಪಡಿಸಿದರು.
ಆರೋಪಿ ಕಿಶೋರ್ ಶೆಟ್ಟಿ ಹೇಳಿಕೆ ಬೆನ್ನಲ್ಲೇ ಅನುಶ್ರೀ ಡ್ರಗ್ಸ್ ಪ್ರಕರಣ ಹೊಸ ತಿರುವು ಪಡೆದುಕೊಂಡಿದೆ. ಈ ನಡುವೆ ಅನುಶ್ರೀ ನಿನ್ನೆಯೇ ಬೆಂಗಳೂರಿನಿಂದ ಮುಂಬೈಗೆ ಪ್ರಯಾಣಿಸಿದ್ದು, ಯಾರ ಸಂಪರ್ಕಕ್ಕೂ ಸಿಗುತ್ತಿಲ್ಲ ಎಂದು ಹೇಳಲಾಗುತ್ತಿದೆ.
ಡ್ರಗ್ಸ್ ಪ್ರಕರಣ; ಆಂಕರ್ ಅನುಶ್ರೀ ಕುರಿತು ಸ್ಫೋಟಕ ಮಾಹಿತಿ ಬಹಿರಂಗ
ಅನುಶ್ರೀ ಜೈಲಿಗೆ ಹೋಗೋದು ಪಕ್ಕಾ; ‘ಶುಗರ್ ಡ್ಯಾಡಿ’ ಆಡಿಯೋ ಶೀಘ್ರ ಬಿಡುಗಡೆ
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
