ಪ್ರಗತಿವಾಹಿನಿ ಸುದ್ದಿ, ಚಿಕ್ಕೋಡಿ -ಕುಡಚಿ ಪಟ್ಟಣದಲ್ಲಿ ನಕಲಿ ನೋಟು ಜಾಲ ಪತ್ತೆ ಹಚ್ಚಿದ ಪೊಲೀಸರು, ಇಬ್ಬರನ್ನು ಬಂಧಿಸಿದ್ದಾರೆ.
ಪರಶುರಾಮ ನಾಯಕ (೨೨) ಮತ್ತು ಜಲಾಲ ದರೂರವಾಲೆ (೩೪) ಬಂಧಿತರು. ಡಿಸಿಐಬಿ ಪೊಲೀಸರು
ಕುಡಚಿ ಪಟ್ಟಣದ ಹೊರವಲಯದಲ್ಲಿ ಇವರನ್ನು ಬಂಧಿಸಿದ್ದಾರೆ.
ಬೆಳಗಾವಿ ಜಿಲ್ಲೆಯ ರಾಯಬಾಗ ತಾಲೂಕಿನ ಕುಡಚಿ ಪಟ್ಟಣದಲ್ಲಿ ೫೦೦ ರೂ. ಮುಖಬೆಲೆಯ ೧೫೫ ನಕಲಿ ನೋಟುಗಳು, ೧೦೦ ರೂ. ಮುಖಬೆಲೆಯ ೨೧೦ ನಕಲಿ ನೋಟುಗಳು, ೫೦೦ ರೂ. ಮುಖಬೆಲೆಯ ೨೩೭ ಏಕಮುಖ ನೋಟುಗಳು, ೨೦೦ ರೂ. ಮುಖಬೆಲೆಯ ೮೦ ನಕಲಿ ನೋಟುಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಒಂದು ಬೈಕ್, ಮೊಬೈಲ್ ಸಹ ಜಪ್ತಿ ಮಾಡಲಾಗಿದೆ. ನಕಲಿ ನೋಟು ತಯಾರಿಸುತ್ತಿದ್ದ ಆರೋಪಿ ಕುಡಚಿ ಪಟ್ಟಣದ ನಿವಾಸಿ ಫಾರೂಖ್ ಪೀರಜಾದೆ ಪರಾರಿಯಾಗಿದ್ದಾನೆ.
ಕುಡಚಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
