*ಬಾಂಗ್ಲಾ ಮಾಜಿ ಪ್ರಧಾನಿಗೆ 6 ತಿಂಗಳ ಜೈಲು ಶಿಕ್ಷೆ*

ಪ್ರಗತಿವಾಹಿನಿ ಸುದ್ದಿ: ಬಾಂಗ್ಲಾದೇಶದ ಮಾಜಿ ಪ್ರಧಾನಿ ಶೇಖ್ ಹಸೀನಾಗೆ ನ್ಯಾಯಾಂಗ ನಿಂದನೆ ಪ್ರಕರಣದಲ್ಲಿ 6 ತಿಂಗಳು ಜೈಲು ಶಿಕ್ಷೆ ಜಾರಿಯಾಗಿದೆ.

ಅಂತಾರಾಷ್ಟ್ರೀಯ ಅಪರಾಧ ನ್ಯಾಯಾಲಯದಲ್ಲಿ ಈ ತೀರ್ಪು ನೀಡಲಾಗಿದೆ. 2024 ರ ಅಕ್ಟೋಬರ್‌ನಲ್ಲಿ ಶಕೀಲ್ ಅಕಂದ್ ಬುಲ್ಬುಲ್ ಜೊತೆ ಸಂಭಾಷಣೆ ನಡೆಸಿದ್ದರು ಎನ್ನಲಾದ ಫೋನ್ ಕರೆ ಸೋರಿಕೆಯಾಗಿತ್ತು. ಸೋರಿಕೆಯಾದ ಆಡಿಯೋದಲ್ಲಿ ಹಸೀನಾ ಎಂದು ಹೆಸರಿಸಲಾದ ಮಹಿಳೆಯೊಬ್ಬರು ಮಾತನಾಡಿರುವ ಧ್ವನಿ ಇದ್ದು ಅದರಲ್ಲಿ ನನ್ನ ವಿರುದ್ಧ 227 ಪ್ರಕರಣಗಳು ದಾಖಲಾಗಿವೆ, ಆದ್ದರಿಂದ ನಾನು ಆ 227 ಜನರನ್ನು ಕೊಲ್ಲಲು ಪರವಾನಗಿ ಪಡೆದಿದ್ದೇನೆ ಎಂದು ಹೇಳುತ್ತಿರುವುದು ದಾಖಲಾಗಿದೆ.

Home add -Advt

ಸಾಲು ಸಾಲು ಆರೋಪಗಳ ಹೊರತಾಗಿಯೂ, ಹಸೀನಾ ಎಲ್ಲಾ ಆರೋಪಗಳನ್ನು ನಿರಾಕರಿಸಿದ್ದಾರೆ. ತಮ್ಮ ಪ್ರತಿವಾದಿ ವಕೀಲ ಅಮೀರ್ ಹೊಸೈನ್ ಮೂಲಕ ಹೇಳಿಕೆ ಹೊರಡಿಸಿರೋ ಮಾಜಿ ಪ್ರಧಾನಿ, ದೇಶಭ್ರಷ್ಟರಾಗಿರುವವರೆಗೂ ಕಾನೂನು ಹೋರಾಟಗಳು ಮುಂದುವರಿಯಲಿವೆ ಎಂದಿದ್ದಾರೆ.