ಭಾರತೀಯ ಮಹಿಳೆ ಮತ್ತು ಸ್ತನ್ಯಪಾನ

ಸ್ತನ್ಯಪಾನವು ಸ್ತನ, ಅಂಡಾಶಯ ಮತ್ತು ಗರ್ಭಾಶಯದ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುತ್ತದೆ

ಡಾ. ಗರಿಮಾ ಜೈನ್

ಇತ್ತೀಚಿನ ಅಧ್ಯಯನಗಳ ಪ್ರಕಾರ, ಶ್ರೀಲಂಕಾ, ಅಫ್ಘಾನಿಸ್ತಾನ ಮತ್ತು ಬಾಂಗ್ಲಾದೇಶ ಸೇರಿದಂತೆ ದಕ್ಷಿಣ ಏಷ್ಯಾದ ದೇಶಗಳಲ್ಲಿ ಸ್ತನ್ಯಪಾನ ಪದ್ಧತಿಯಲ್ಲಿ ಭಾರತ ಅತ್ಯಂತ ಕಡಿಮೆ ಸ್ಥಾನದಲ್ಲಿದೆ. ಹುಟ್ಟಿದ ಒಂದು ಗಂಟೆಯೊಳಗೆ ಕೇವಲ 44% ಮಹಿಳೆಯರು ಮಾತ್ರ ತಮ್ಮ ನವಜಾತ ಶಿಶುವಿಗೆ ಹಾಲುಣಿಸಲು ಸಮರ್ಥರಾಗಿದ್ದಾರೆ ಮತ್ತು ಭಾರತದಲ್ಲಿ ಜನಿಸಿದ ಎಲ್ಲಾ ಶಿಶುಗಳಲ್ಲಿ ಕೇವಲ 55% ಮಾತ್ರ ಮೊದಲ ಆರು ತಿಂಗಳಲ್ಲಿ ಎದೆಹಾಲು ಪಡೆಯುತ್ತಾರೆ.

ಸ್ತನ್ಯಪಾನದಲ್ಲಿ ಭಾರತ ಇತರ ದೇಶಗಳಿಗಿಂತ ಹಿಂದುಳಿದಿರುವುದಕ್ಕೆ ವಿವಿಧ ಕಾರಣಗಳಿವೆ. ಸಾಂಪ್ರದಾಯಿಕ ಅಭ್ಯಾಸಗಳು ಕೊಲೊಸ್ಟ್ರಮ್ ಅನ್ನು ತ್ಯಜಿಸಲು ತಾಯಂದಿರನ್ನು ಪ್ರೋತ್ಸಾಹಿಸುತ್ತವೆ, ಇದು ಮಗು ಜನಿಸಿದ ಕೂಡಲೇ ಉತ್ಪತ್ತಿಯಾಗುವ ಹಾಲು, ಆದರೆ ಕೊಲೊಸ್ಟ್ರಮ್ ಮಗುವಿಗೆ ಸೂಕ್ತವಾದ ಆಹಾರ ಎಂದು WHO ಶಿಫಾರಸು ಮಾಡುತ್ತದೆ. ಮಹಿಳೆಯ ಕುಟುಂಬದಿಂದ ಸಹಕಾರ/ಬೆಂಬಲದ ಕೊರತೆ, ಮಾತೃತ್ವ ಸಂರಕ್ಷಣಾ ಕ್ರಮಗಳ ಕೊರತೆ ಮತ್ತು ಸರಿಯಾದ ಸ್ತನ್ಯಪಾನ ಮಾಹಿತಿ ಕೊರತೆಯು ಪ್ರಮಾಣ ಕುಸಿಯಲು ಕಾರಣವಾಗಿದೆ. ಹೀಗಾಗಿ, ಹೆರಿಗೆ ಸಂಖ್ಯೆಯಲ್ಲಿ ಏರಿಕೆಯಾಗಿದ್ದರೂ, ಸ್ತನ್ಯಪಾನ ಪ್ರಮಾಣವು ಕಡಿಮೆಯಾಗುತ್ತಿದೆ ಮತ್ತು ಹೆಚ್ಚು ಹೆಚ್ಚು ಜನರು ಎದೆಹಾಲು ಪರ್ಯಾಯ/ಬದಲಿಗಳಿಗೆ ಬದಲಾಗುತ್ತಿದ್ದಾರೆ. ಮಾತೃತ್ವ ರಕ್ಷಣೆಯೊಂದಿಗೆ ಮಹಿಳೆಯರನ್ನು ಬೆಂಬಲಿಸುವ ವಿಷಯ ಬಂದಾಗ, ಈ ಬಗ್ಗೆ ಹೆಚ್ಚಿನ ಜಾಗೃತ ಗೊಳಿಸಬೆಕಾಗಿರುವುದರಿಂದ ಅವರು ಕೆಲಸಕ್ಕೆ ಮರಳುವುದು, ಉದ್ಯೋಗ ಮತ್ತು ಸ್ತನ್ಯಪಾನ ನಡುವೆ ಸುಲಭವಾಗಿ ನಿರ್ವಹಣೆ ಮಾಡಬಹುದು.

ಮಕ್ಕಳಿಗೆ ಕನಿಷ್ಠ 6 ತಿಂಗಳವರೆಗೆ ಪ್ರತ್ಯೇಕವಾಗಿ ಸ್ತನ್ಯಪಾನ ಮಾಡಬೇಕೆಂದು WHO ಶಿಫಾರಸು ಮಾಡುತ್ತದೆ ಮತ್ತು ನಂತರ ಅಲ್ಲಿಂದ ಎರಡು ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರೆಗೆ ಇತರ ಆಹಾರಗಳೊಂದಿಗೆ ನೀಡಬೇಕು. ಏಕೆಂದರೆ ಎದೆಹಾಲು ಮಗುವಿಗೆ ಅಗತ್ಯವಿರುವ ಎಲ್ಲಾ ಪೋಷಕಾಂಶಗಳನ್ನು ಹೊಂದಿರುತ್ತದೆ. ಇದು ಜೀವಸತ್ವಗಳು, ಕೊಬ್ಬು ಮತ್ತು ಪ್ರೋಟೀನ್‌ಗಳನ್ನು ಒಳಗೊಂಡಿರುತ್ತದೆ, ಇದು ಮಗುವಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ ಮತ್ತು ಶಿಶುಗಳ ಆಧುನಿಕ ಶೈಲಿ/ಸೂತ್ರಕ್ಕೆ ಹೋಲಿಸಿದರೆ ಇದು ಜೀರ್ಣಿಸಿಕೊಳ್ಳಲು ಸುಲಭವಾದ ರೂಪದಲ್ಲಿದೆ.

ಮಗುವಿಗೆ ಪ್ರಯೋಜನಗಳು:

ಎದೆ ಹಾಲಿನಲ್ಲಿ ಪ್ರತಿರೋದ/ಕಾಯಗಳು ಇದ್ದು, ಇದು ಮಗುವಿಗೆ ಬ್ಯಾಕ್ಟೀರಿಯಾ ಮತ್ತು ವೈರಸ್‌ಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಇದು ಹಠಾತ್ ಶಿಶು ಸಾವಿನ ಲಕ್ಷಣ/ಸಿಂಡ್ರೋಮ್ ತಡೆಗಟ್ಟುವಿಕೆಯೊಂದಿಗೆ ಮಗುವಿನಲ್ಲಿ ಅಲರ್ಜಿ ಮತ್ತು ಆಸ್ತಮಾದ ಅಪಾಯವನ್ನು ಕಡಿಮೆ ಮಾಡುತ್ತದೆ. 6 ತಿಂಗಳವರೆಗೆ ಎದೆಹಾಲು ನೀಡುವ ಶಿಶುಗಳಿಗೆ ಕಿವಿ ಸೋಂಕು, ಅತಿಸಾರ ಮತ್ತು ಉಸಿರಾಟದ ಕಾಯಿಲೆಗಳು ಬರುವುದಿಲ್ಲ. ವೈದ್ಯರ ಭೇಟಿಯೂ ಕಡಿಮೆ ಆಗುತ್ತದೆ. ಸ್ತನ್ಯಪಾನವು ಭಾವನಾತ್ಮಕ ಅಂಶದಿಂದ ಚರ್ಮದಿಂದ ಚರ್ಮಕ್ಕೆ ಸ್ಪರ್ಶಿಸುವುದು ಮತ್ತು ಮಗುವಿನ ದೈಹಿಕ ನಿಕಟತೆ ಮತ್ತು ತಾಯಿ ಬಂಧವನ್ನು ಭದ್ರಪಡಿಸುತ್ತದೆ. ಸ್ತನ್ಯಪಾನ ಮಾಡಿದ ಶಿಶುಗಳು ಬೆಳೆದಂತೆ ಸರಿಯಾದ ತೂಕವನ್ನು ಸಹ ಪಡೆಯುತ್ತಾರೆ, ಇದು ಕ್ಯಾನ್ಸರ್, ಮಧುಮೇಹ ಮತ್ತು ಇತರ ಕಾಯಿಲೆಗಳನ್ನು ತಡೆಯುತ್ತದೆ.

ಸ್ತನ್ಯಪಾನವು ತಾಯಂದಿರಿಗೆ ನೀಡುವ ರಕ್ಷಣೆ

ಸ್ತನ್ಯಪಾನವು ತಾಯಿಗೆ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ ಮತ್ತು ಇದು ಹೆಚ್ಚುವರಿ ಕ್ಯಾಲೊರಿಗಳನ್ನು ಸುಡುತ್ತದೆ ಮತ್ತು ಇದರಿಂದಾಗಿ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಸ್ತನ್ಯಪಾನವು ಆಕ್ಸಿಟೋಸಿನ್ ಅನ್ನು ಬಿಡುಗಡೆ ಮಾಡುತ್ತದೆ, ಇದು ಗರ್ಭಧಾರಣೆಯ ಮೊದಲು ಗರ್ಭಾಶಯವು ಅದರ ಗಾತ್ರಕ್ಕೆ ಕುಗ್ಗುತ್ತದೆ. ಸ್ತನ ಕೋಶಗಳು ಕ್ಯಾನ್ಸರ್ ಉಂಟುಮಾಡುವ ರೂಪಾಂತರಗಳಿಗೆ ಹೆಚ್ಚು ನಿರೋಧಕವಾಗಿರುವುದರಿಂದ ತಮ್ಮ ಶಿಶುಗಳಿಗೆ ಹಾಲುಣಿಸುವ ಮಹಿಳೆಯರಿಗೂ ಸ್ತನ ಕ್ಯಾನ್ಸರ್ ಅಪಾಯ ಕಡಿಮೆಯಾಗುತ್ತದೆ. ಅಲ್ಲದೆ, ಸ್ತನ್ಯಪಾನ ಮಾಡುವ ಮಹಿಳೆಯರು ಆರೋಗ್ಯಕರ ಆಹಾರಕ್ರಮವನ್ನು ಅನುಸರಿಸುವುದರ ಜೊತೆಗೆ ಆಲ್ಕೊಹಾಲ್ ಮತ್ತು ಧೂಮಪಾನದಿಂದ ದೂರವಿರುವುದು ಮುಂತಾದ ಕೆಲವು ಜೀವನಶೈಲಿಯ ಬದಲಾವಣೆಯ ಅಭ್ಯಾಸಗಳನ್ನು ಮಾಡುತ್ತಾರೆ. ಈ ಜೀವನಶೈಲಿಯ ಬದಲಾವಣೆಗಳು ಸ್ತನ ಕ್ಯಾನ್ಸರ್ ಅಪಾಯವನ್ನು ಸಹ ಕಡಿಮೆ ಮಾಡುತ್ತದೆ. ಸ್ತನ್ಯಪಾನ/ಹಾಲುಣಿಸದ ಮಹಿಳೆಯರಿಗೆ ಹೋಲಿಸಿದರೆ ಸ್ತನ್ಯಪಾನ ಮಾಡಿಸುವ ಮಹಿಳೆಯರಿಗೆ ಆಸ್ಟಿಯೊಪೊರೋಸಿಸ್ ಅಪಾಯ ಕಡಿಮೆ ಇರುತ್ತದೆ.

ಮಹಿಳೆಯರು ಸ್ತನ್ಯಪಾನ ಮಾಡುವಾಗ, ಅವರು ಕಡಿಮೆ ಮುಟ್ಟಿನ ಚಕ್ರಗಳನ್ನು ಹೊಂದಿರುತ್ತಾರೆ, ಅದು ಈಸ್ಟ್ರೊಜೆನ್ ಮಟ್ಟವನ್ನು ಕಡಿಮೆ ಮಾಡುತ್ತದೆ ಮತ್ತು ಪ್ರತಿಯಾಗಿ, ಸ್ತನ ಕ್ಯಾನ್ಸರ್ ಅಪಾಯವೂ ಕಡಿಮೆಯಾಗುತ್ತದೆ. ಪ್ರತಿ ವರ್ಷ ಮಹಿಳೆಯು ತನ್ನ ಶಿಶುಗಳಿಗೆ ಹಾಲುಣಿಸುವ ಮೂಲಕ, ಸ್ತನ ಕ್ಯಾನ್ಸರ್ ಅಪಾಯವು 4% ರಷ್ಟು ಕಡಿಮೆಯಾಗುತ್ತದೆ ಎಂದು ಅಧ್ಯಯನಗಳು ತೋರಿಸಿವೆ. ಸ್ತನ್ಯಪಾನದಿಂದಾಗಿ ರೋಗದ ಇತಿಹಾಸ ಹೊಂದಿರುವ ಕುಟುಂಬದ  ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಅಪಾಯವು 60% ವರೆಗೆ ಕಡಿಮೆಯಾಗುತ್ತದೆ. ಸಂಶೋಧನೆಯ ಪ್ರಕಾರ, 18 ತಿಂಗಳವರೆಗೆ ಸ್ತನ್ಯಪಾನ ಮಾಡಿದ ಮಹಿಳೆಯರಿಗೆ ಹೋಲಿಸಿದರೆ, ಎಂದಿಗೂ ಸ್ತನ್ಯಪಾನ ಮಾಡಿಸದ ಮಹಿಳೆಯರಲ್ಲಿ ಅಂಡಾಶಯದ ಕ್ಯಾನ್ಸರ್ ಅಪಾಯವು 1.5% ಹೆಚ್ಚಾಗಿದೆ. ಸ್ತನ್ಯಪಾನವು ಅಂಡಾಶಯದ ಕ್ಯಾನ್ಸರ್ ಅನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ ಏಕೆಂದರೆ ಇದು ಅಂಡೋತ್ಪತ್ತಿಯನ್ನು ವಿಳಂಬಗೊಳಿಸಲು ಸಹಾಯ ಮಾಡುತ್ತದೆ (ಮಹಿಳೆಯ ಅಂಡಾಶಯದಿಂದ ಮೊಟ್ಟೆಯ ಬಿಡುಗಡೆ). ಸ್ತನ್ಯಪಾನ ಮಾಡಿಸದ  ಮಹಿಳೆಯರಿಗೆ ಹೋಲಿಸಿದರೆ, ಕನಿಷ್ಠ 12 ತಿಂಗಳು ಅಥವಾ ಅದಕ್ಕಿಂತ ಹೆಚ್ಚು ಕಾಲ ಹಾಲುಣಿಸುವ ಮಹಿಳೆಯರಿಗೆ ಅಧಿಕ ಕೊಲೆಸ್ಟ್ರಾಲ್, ಅಧಿಕ ರಕ್ತದೊತ್ತಡ ಮತ್ತು ಹೃದಯ ಸಂಬಂಧಿ ಕಾಯಿಲೆಗಳು ಬರುವ ಅಪಾಯ ಕಡಿಮೆ. ಸ್ತನ್ಯಪಾನವು ಟೈಪ್ 2 ಮಧುಮೇಹವನ್ನು ತಡೆಯಲು ಸಹಾಯ ಮಾಡುತ್ತದೆ ಏಕೆಂದರೆ ಇದು ಇನ್ಸುಲಿನ್ ಸೂಕ್ಷ್ಮತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಮತ್ತು ಗ್ಲೂಕೋಸ್ ಚಯಾಪಚಯವನ್ನು ಹೆಚ್ಚಿಸುತ್ತದೆ. ಮಹಿಳೆಯರು ಹೆಚ್ಚು  ಹಾಲುಣಿಸಿದರೆ ಅಪಾಯ ಕಡಿಮೆ. ಸ್ತನ್ಯಪಾನವು ಮಹಿಳೆಯರಲ್ಲಿ ಪ್ರಸವಾನಂತರದ ಖಿನ್ನತೆಯ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ. ಕೆಲವು ಅಧ್ಯಯನಗಳ ಪ್ರಕಾರ, ಸ್ತನ್ಯಪಾನವು ಮಗುವಿನ ಮೆದುಳಿನ ಬೆಳವಣಿಗೆಯನ್ನು ದೀರ್ಘಕಾಲದವರೆಗೆ ಗಮನಾರ್ಹವಾಗಿ ಪರಿಣಾಮ ಬೀರುತ್ತದೆ.

ಹೊಸ ತಾಯಂದಿರಿಗೆ, ಇದು ಕಲಿಕೆಯ ಪ್ರಕ್ರಿಯೆಯಾಗಿರುವುದರಿಂದ ಸ್ವಲ್ಪ ಸಮಯ ತೆಗೆದುಕೊಳ್ಳಬಹುದು, ಆದರೆ ಕೆಲವು ಸಲಹೆ/ಸೂಚನೆ/ಸುಳಿವುಗಳು ಸುಲಭವಾಗಿಸುತ್ತದೆ. ಯೋಜಿಸಿದಂತೆ ಕೆಲಸಗಳು ಸರಾಗವಾಗಿ ನಡೆಯದಿರಬಹುದು, ಆದರೆ ತಾಯಂದಿರು ವಿಶ್ರಾಂತಿ ಪಡೆಯಬೇಕು. ಮಗು ನಿಧಾನವಾಗಿ ಮತ್ತು ಕ್ರಮೇಣ ಕಲಿಯುತ್ತದೆ. ತಾಯಂದಿರು ತಮ್ಮ ಮಗುವಿಗೆ ಹಾಲುಣಿಸುವಾಗ ತಮಗೆ ಅನುಕೂಲಕರವಾದ ಸ್ಥಿತಿ/ಸ್ಥಾನವನ್ನು ತೆಗೆದುಕೊಳ್ಳಬೇಕು.

ಹಾಲಿನ ಉತ್ಪಾದನೆಯನ್ನು ಮುಂದುವರೆಸಲು, ಶುಶ್ರೂಷೆಯನ್ನು ಸ್ಥಿರವಾಗಿ ಮಾಡಬೇಕು. ತಾಯಂದಿರು ಸ್ತನ ಪಂಪ್‌ಗಳನ್ನು ಸಹ ಬಳಸಬಹುದು, ಒಮ್ಮೆ ಅವರು ಕೆಲಸಕ್ಕೆ ಮರಳಿದಾಗ ಅಥವಾ ಪ್ರಯಾಣಿಸಬೇಕಾಗುತ್ತದೆ. ಈ ರೀತಿಯಾಗಿ, ನೀವು ಆಹಾರ ನೀಡದಿದ್ದಾಗಲೂ ಮಗುವಿಗೆ ಎದೆ ಹಾಲು  ಒದಗಿಸಬಹುದು ಮತ್ತು ಅದು ಎದೆ ಹಾಲಿನ ಬದಲಿಗಳನ್ನು ಅವಲಂಬಿಸಬೇಕಾಗಿಲ್ಲ. ಹಾಲಿನ ಉತ್ಪಾದನೆಯು ಮಹಿಳೆಯಿಂದ ಮಹಿಳೆಗೆ ಬದಲಾಗುತ್ತದೆ, ಆದ್ದರಿಂದ ನೀವು ಸಾಕಷ್ಟು ಹಾಲುಣಿಸುತ್ತಿಲ್ಲ ಎಂದು ನೀವು ಚಿಂತಿಸಬಾರದು. ಎದೆ ಹಾಲು ಉತ್ಪಾದನೆಯನ್ನು ಹೆಚ್ಚಿಸಲು ಇತರ ಪರ್ಯಾಯ ಗಳನ್ನು ಅವಲಂಬಿಸಬೇಡಿ.

(ಲೇಖಕರು – 

ಡಾ. ಗರಿಮಾ ಜೈನ್,

ಎಂಬಿಬಿಎಸ್, ಡಿಎನ್‌ಬಿ (ಒಬಿಜಿ),

ಸೀನಿಯರ್ ಕನ್ಸಲ್ಟೆಂಟ್ ಸ್ತ್ರೀರೋಗತಜ್ಞ ಮತ್ತು ಪ್ರಸೂತಿ,

ಅಪೋಲೊ ಕ್ರೆಡೆಲ್

ಬ್ರೂಕ್‌ಫೀಲ್ಡ್, ಬೆಂಗಳೂರು.)