ರಸ್ತೆ ಸಾರಿಗೆ ಸಿಬ್ಬಂದಿಗೆ ಸಿಹಿ ಸುದ್ದಿ ನೀಡಿದ ಸಚಿವ ಶ್ರೀರಾಮುಲು
ವೇತನ ಪರಿಷ್ಕರಣೆ ಭರವಸೆ
ಪ್ರಗತಿವಾಹಿನಿ ಸುದ್ದಿ, ಹಳಿಯಾಳ: ರಸ್ತೆ ಸಾರಿಗೆ ಸಂಸ್ಥೆಯ ಸಿಬ್ಬಂದಿಯ ಎಲ್ಲ ಸಮಸ್ಯೆಗಳನ್ನು ಪರಿಹರಿಸಲು ಬದ್ದರಿದ್ದೇವೆ. ವೇತನ ಪರಿಷ್ಕರಣೆ ಮಾಡಿ ಅನುಕೂಲ ಕಲ್ಪಿಸುತ್ತೇವೆ. ಮುಷ್ಕರದಂತಹ ಕ್ರಮಕ್ಕೆ ಮುಂದಾಗಬೇಡಿ ಎಂದು ಸಾರಿಗೆ ಸಚಿವ ಶ್ರೀರಾಮುಲು ಮನವಿ ಮಾಡಿದ್ದಾರೆ.
ಹಳಿಯಾಳದಲ್ಲಿ ನಿರ್ಮಿಸಲಾಗಿರುವ ನೂತನ ಬಸ್ ನಿಲ್ದಾಣವನ್ನು ಸಾರಿಗೆ ಸಚಿವ ಶ್ರೀರಾಮುಲು ಶುಕ್ರವಾರ ಸಂಜೆ ಉದ್ಘಾಟಿಸಿ ಮಾತನಾಡಿದ ಅವರು, ಸಾರಿಗೆ ಸಂಸ್ಥೆಯ ಸಿಬ್ಬಂದಿಗೆ ಸಂರಕ್ಷಣೆ ಕೊಡಲು ಸಿದ್ದರಿದ್ದೇವೆ. ಮುಷ್ಕರದಿಂದ ಅಮಾನತ್ತಾದ, ವಜಾಗೊಂಡ ಸಿಬ್ಬಂದಿಯನ್ನು ಮರಳಿ ತರಲು ಕ್ರಮ ಕೈಗೊಂಡಿದ್ದೇವೆ. ನಾವು ಎಲ್ಲ ಸಿಬ್ಬಂದಿಯ ಜೊತೆಗಿದ್ದೇವೆ . ಸಮಸ್ಯೆಗಳಿದ್ದರೆ ನಮ್ಮನ್ನು ಸಂಪರ್ಕಿಸಿ. ಮುಷ್ಕರ ಮಾಡಬೇಡಿ. ನಾನು ಇಲಾಖೆಯನ್ನು ವಹಿಸಿಕೊಂಡ ಮೇಲೆ ಬದಲಾವಣೆ ತಂದಿದ್ದೇನೆ. ವೇತನ ಪರಿಷ್ಕರಣೆ ಮಾಡಿ, ಅನುಕೂಲವಾಗುವಂತೆ ನೋಡಿಕೊಳ್ಳುತ್ತೇನೆ. ಸಧ್ಯದಲ್ಲಿಯೇ ಹೊಸ ಬಸ್ ಗಳನ್ನು ಪರಿಚಯಿಸಲಾಗುತ್ತಿದೆ. ಸಿಬ್ಬಂದಿ ಅಪಘಾತದಲ್ಲಿ ಮರಣ ಹೊಂದಿದರೆ ಒಂದು ಕೋಟಿ ರೂ ಪರಿಹಾರ ಕೊಡಲು ತೀರ್ಮಾನಿಸಿದ್ದೇವೆ. ಅದಕ್ಕೆ ನಮ್ಮ ಸರ್ಕಾರ ಬದ್ದವಾಗಿದೆ” ಎಂದು ಹೇಳಿದರು. ಶಾಸಕ ಆರ್ ವಿ ದೇಶಪಾಂಡೆ ನೂತನ ಬಸ್ ನಿಲ್ಲಾಣದ ಪೂಜಾ ಕಾರ್ಯಕ್ರಮವನ್ನು ನೆರವೇರಿಸಿದರು. ನಂತರ ಮಾತಾಡಿದ ಅವರು, ಸಚಿವರು ಇಲ್ಲಿಗೆ ಬಂದು ಉದ್ಘಾಟನೆ ಮಾಡಬೇಕೆಂದು ಕೇಳಿಕೊಂಡಿದ್ದೆ. ಅದರಂತೆ ಅವರಿಂದು ಬಂದಿದ್ದು ಸಂತೋಷವಾಗಿದೆ. ಅವರು ಸಿಬ್ಬಂದಿಗೆ ಭರವಸೆ ಮತ್ತು ಯೋಜನೆಗಳನ್ನು ಹೇಳಿದ್ದಾರಾದರೂ ಅವನ್ನು ಜಾರಿಗೆ ತರುವುದು ಸುಲಭವಲ್ಲ. ನಮ್ಮಲ್ಲಿ ಸಾಕಷ್ಟು ಬಸ್ಸು, ಸಿಬ್ಬಂದಿ ಕೊರತೆಯಿದೆ. ಮಕ್ಕಳು ಶಾಲೆಯಿಂದ ಮನೆಗೆ ಬರುವುದು, ಹೋಗುವುದು ಕಷ್ಟವಾಗಿದೆ. ನಮಗೆ ಹೊಸ ಬಸ್ ಗಳಿಲ್ಲ. ಹಳೆಯ ಬಸ್ ಗಳೇ ಓಡಾಡುತ್ತಿವೆ. ಅದಕ್ಕೆ ಕ್ರಮ ಕೈಗೊಳ್ಳಬೇಕೆಂದರು.
https://pragati.taskdun.com/mp-student-filed-case-against-youtube/
