ಪ್ರಗತಿವಾಹಿನಿ ಸುದ್ದಿ; ಬೆಂಗಳೂರು: ಅಕ್ರಮ ಸಂಬಂಧ ಒಪ್ಪದ ಕಾರಣಕ್ಕೆ ಮಹಿಳೆಯೊಬ್ಬರಿಗೆ ದುಷ್ಕರ್ಮಿ ಚಾಕುವಿನಿಂದ ಇರಿದ ಘಟನೆ ಬೆಂಗಳೂರಿನ ಆರ್.ಟಿ.ನಗರದ ಮಟದಹಳ್ಳಿಯಲ್ಲಿ ನಡೆದಿದೆ.
30 ವರ್ಷದ ಹಬೀಬಾ ತಾಜ್ ಚಾಕು ಇರಿತಕ್ಕೊಳಗಾದ ಮಹಿಳೆ. ಶೇಖ್ ಮೆಹಬೂಬ್ ಎಂಬಾತ ಮಹಿಳೆಗೆ ಚಾಕುವಿನಿಂದ ಇರಿದಿದ್ದಾನೆ. ಗಂಭೀರವಾಗಿ ಗಾಯಗೊಂಡಿರುವ ಮಹಿಳೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
6 ವರ್ಷಗಳ ಹಿಂದೆ ಹಬೀಬಾ ತಾಜ್ ಪತಿ ಮೃತಪಟ್ಟಿದ್ದರು. ಹಬೀಬಾ ತಾಜ್ ತನ್ನ ಇಬ್ಬರು ಮಕ್ಕಳೊಂದಿಗೆ ಜೀವನ ಸಾಗಿಸುತ್ತಿದ್ದರು. ಆಟೋ ಚಾಲಕ ಶೇಖ್ ಮೊಹಮ್ಮದ್ ಹಬೀಬಾ ಸ್ನೇಹ ಬೆಳೆಸಿದ್ದ. ಶೇಖ್ ಮೊಹಮ್ಮದ್ ಗೂ ಮದುವೆಯಾಗಿ ಮಕ್ಕಳಿದ್ದರು. ಇದರಿಂದ ಹಬೀಬಾ ತಾಜ್ ಶೇಖ್ ಮೊಹಮ್ಮದ್ ನಿಂದ ದೂರ ವಿರಲು ನಿರ್ಧರಿಸಿದ್ದರು. ಇದೇ ವಿಚಾರವಾಗಿ ಹಬೀಬಾ ಜೊತೆ ಶೇಖ್ ಮೊಹಮ್ಮದ್ ಜಗಳ ಮಾಡಿದ್ದ. ಅಕ್ರಮ ಸಂಬಂಧವಿಟ್ಟುಕೊಳ್ಳಲು ಒತ್ತಾಯಿಸುತ್ತಿದ್ದ. ಒಪ್ಪದ ಕಾರಣ ಹಬಿಬಾ ತಾಜ್ ಗೆ ಶೇಖ್ ಮೊಹಮ್ಮದ್ ಚಾಕುವಿನಿಂದ ಇರಿದು ಕೊಲ್ಲಲು ಯತ್ನಿಸಿದ್ದಾನೆ.
ಆರ್.ಟಿ.ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿ ಶೇಖ್ ಮೊಹಮ್ಮದ್ ನನ್ನು ವಶಕ್ಕೆ ಪಡೆದಿದ್ದಾರೆ.
*ಮತ್ತೆ ಪ್ರಬಲ ಭೂಕಂಪ; 6.2ರಷ್ಟು ತೀವ್ರತೆ ದಾಖಲು*
https://pragati.taskdun.com/indonesiaearthquake6-2magnitude/
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
