ಬೆಳಗಾವಿ- ಜಾಂಬೋಟಿ ಹದಗೆಟ್ಟ ರಸ್ತೆ ದುರಸ್ತಿಗೆ ಆಗ್ರಹಿಸಿ ಜಿಲ್ಲಾಧಿಕಾರಿಗೆ ಮನವಿ

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ:ಖಾನಾಪುರ ತಾಲೂಕಿನ ಜಾಂಬೋಟಿ ಮತ್ತು ಬೆಳಗಾವಿ ಮಧ್ಯದ ತೀವ್ರ ಹದಗೆಟ್ಟ ರಸ್ತೆ ದುರಸ್ತಿಗೆ ಆಗ್ರಹಿಸಿ ಬೆಳಗಾವಿ ಪಾಲಿಕೆ 27ನೇ ವಾರ್ಡ್ ನ ನಗರ ಸೇವಕ ರವಿ ಮಹಾದೇವ ಸಾಳುಂಕೆ ಅವರು ಜಿಲ್ಲಾಧಿಕಾರಿಗೆ ಮನವಿ ಅರ್ಪಿಸಿದ್ದಾರೆ.

ಪ್ರತಿನಿತ್ಯ ಈ ರಸ್ತೆ ಮೂಲಕ ಗೋವಾ ಹಾಗೂ ಬೆಳಗಾವಿ ಭಾಗದ ಸಾವಿರಾರು ಜನ ವಾಹನಗಳಲ್ಲಿ ಸಂಚರಿಸುತ್ತಿದ್ದು ಪದೇಪದೆ ಅಪಘಾತಗಳು ಸಂಭವಿಸುತ್ತಿವೆ. ರಸ್ತೆಯ ದುರವಸ್ಥೆಯಿಂದಾಗಿ ಅನೇಕ ವಾಹನಗಳು ಹಾಳಾಗುತ್ತಿವೆ.

ಗೋವಾ ರಾಜ್ಯದಿಂದ ನಿತ್ಯ ಸಾವಿರಾರು ಜನ ವ್ಯಾಪಾರ, ಖದೀದಿಗಾಗಿ ಈ ರಸ್ತೆಯ ಮೂಲಕ ಆಗಮಿಸುತ್ತಿದ್ದು ಪ್ರಸ್ತುತ ತೀವ್ರ ತೊಂದರೆ ಅನುಭವಿಸುತ್ತಿದ್ದಾರೆ. ಹೀಗಾಗಿ ಸ್ವತಃ ಜಿಲ್ಲಾಧಿಕಾರಿಗಳು ಭೇಟಿ ನೀಡಿ ರಸ್ತೆಯ ಸ್ಥಿತಿಗತಿಗಳನ್ನು ಪರಿಶೀಲಿಸಿ ಕ್ರಮ ಕೈಗೊಳ್ಳಬೇಕು ಎಂದು ರವಿ ಸಾಳುಂಕೆ ಆಗ್ರಹಿಸಿದ್ದಾರೆ.

ಅನಮೋಡ ಘಟ್ಟದಲ್ಲಿ ಗುಡ್ಡ ಕುಸಿತ: ಗೋವಾ-ಬೆಳಗಾವಿ ಮಧ್ಯೆ ಸಂಚಾರ ಅಸ್ತವ್ಯಸ್ಥ