ಮೊಹಮ್ಮದ್ ನೆಲಪಾಡ್ ವಿರುದ್ಧ ಮತ್ತೊಂದು ಆರೋಪ

ಪ್ರಗತಿವಾಹಿನಿ ಸುದ್ದಿ; ಬೆಂಗಳೂರು: ಕಾಂಗ್ರೆಸ್ ಶಾಸಕ ಹ್ಯಾರಿಸ್ ಪುತ್ರ ಮೊಹಮ್ಮದ್ ನೆಲಪಾಡ್ ಮೇಲೆ ಮತ್ತೊಂದು ಆರೋಪ ಕೇಳಿಬಂದಿದೆ. ಕಾಂಗ್ರೆಸ್​ ಕಾರ್ಯಕರ್ತರ ಮೇಲೆಯೇ ಮೊಹಮ್ಮದ್​​ ನಲಪಾಡ್​​ ಮತ್ತವರ ಗುಂಪು​​ ಹಲ್ಲೆ ಮಾಡಿದೆ ಎಂಬ ಆರೋಪ ಕೇಳಿಬಂದಿದೆ.

ಯೂತ್ ಕಾಂಗ್ರೆಸ್ ಕಾರ್ಯಕ್ರಮದಲ್ಲಿ ನೆಲಪಾಡ್ ಹಾಗೂ ಸಚಿನ್ ಗೌಡ ಎಂಬುವಾವರ ಮಧ್ಯೆ ಗಲಾಟೆ ನಡೆದಿದ್ದು, ನೆಲಪಾಅಡ್, ಸಚಿನ್ ಎಂಬುವವರ ಮೇಲೆ ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ. ಈ ಸಾಂಬಂಧ ಸಚಿನ್ ಗೌಡ ಪೊಲಿಸ್ ಠಾಣೆಯಲ್ಲಿ ದೂರು ನೀದಾಲು ಮುಂದಾಗಿದ್ದಾರೆ.

ಆದರೆ ಇದಕ್ಕೂ ಮುನ್ನ ಬೆಂಗಳೂರಿನ ವೈಯಾಲಿಕಾವಲ್ ಪೊಲೀಸ್ ಠಾಣೆಯಲ್ಲಿ ಮೊಹಮ್ಮದ್ ನೆಲಪಾಡ್ ಗಲಾಟೆಗೆ ಸಂಬಂಧಿಸಿದಂತೆ ದೂರು ದಾಖಲಿಸಿದ್ದಾರೆ.

ದೂರು ನೀಡಿದ ಬಳಿಕ ಮಾತನಾಡಿದ ನಲಪಾಡ್​​, ನಿನ್ನೆ ಯುವ ಕಾಂಗ್ರೆಸ್​​ನಿಂದ ಯಂಗ್​​ ಇಂಡಿಯಾ ಕೀ ಬೋಲೋ ಎಂಬ ಕಾರ್ಯಕ್ರಮ ಆಯೋಜಿಸಲಾಗಿತ್ತು. 5 ಜನರಿಗೆ ಬಹುಮಾನ ಕೊಡಲಾಯ್ತು. ಸಚಿನ್​​ ಗೌಡ ಎಂಬಾತನು ಸೋತಿದ್ದ. ಇದರಿಂದ ಅವನಿಗೂ ಬೇಸರ ಆಗಿತ್ತು. ಸಚಿನ್​​ ​ ನನ್ನ ಯಾಕೆ ಸ್ಟೇಜ್​ ಮೇಲೆ ಕರಿಯಲಿಲ್ಲ ಎಂದು ಗಲಾಟೆ ಆರಂಭಿಸಿದ್ದ. ಅಲ್ಲಿ ಹಲವರು ಇದ್ದರು. ನಾನು ಗಲಾಟೆ ಮಧ್ಯೆ ಹೋಗಿ ರಾಜಿ ಮಾಡಲು ಮುಂದಾದಾಗ ಸಚಿನ್ ನನಗೆ ಆವಾಜ್ ಹಾಕಿದ್ದ. ಮಾಧ್ಯಮದಲ್ಲಿ ನಿನ್ನ ಮಾನ ಹರಾಜು ಹಾಕ್ತೀನಿ ಎಂದು ಬೆದರಿಕೆ ಹಾಕಿದ್ದ. ಆ ಸಂದರ್ಭದಲ್ಲಿ ತಳ್ಳಾಟ ನೂಕಾಟ ಆಗಿದೆ. ಹೀಗಾಗಿ ಘಟನೆ ಬಗ್ಗೆ ಹಾಗೂ ನನಗೆ ಬೆದರಿಕೆ ಹಾಕಿದ್ದಕ್ಕೆ ಪೊಲೀಸರಿಗೆ ದೂರು ನೀಡಿದ್ದೇನೆ ಎಂದು ತಿಳಿಸಿದ್ದಾರೆ.