ಬೆಳಗಾವಿಯಲ್ಲಿ ಮತ್ತೆ ಪೆನ್ನಿ ವಶ: ನಾಲ್ವರ ಬಂಧನ

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ –

ಬೆಳಗಾವಿ ನಗರದಲ್ಲಿ ಸಿಸಿಬಿ ಪೊಲೀಸರು ದಾಳಿ  ಮಾಡಿ ಪೆನ್ನಿ (ಹೆರಾಯಿನ್) ಮಾರಾಟ ಮಾಡುತ್ತಿದ್ದ ಒಟ್ಟು 3 ಜನರನ್ನು ಬಂಧಿಸಿದ್ದಾರೆ.
ದಿನಾಂಕ: ೨೩/೦೫/೨೦೨೨ ರಂದು  ಸಿಸಿಬಿ ಪೊಲೀಸ್ ಇನ್ಸ್‌ಪೆಕ್ಟರ್  ನಿಂಗನಗೌಡ ಪಾಟೀಲ ನೇತೃತ್ವದ ತಂಡ ದಾಳಿ ಮಾಡಿ ಪೆನ್ನಿ (ಹೆರಾಯಿನ್ @ ಬೀಟ್ ) ಮಾರಾಟ ಮಾಡುತ್ತಿದ್ದ,
೧) ತನ್ವೀರ್ ಮೆಹಬೂಬ ದೇಶನೂರ, (೪೦), ಸಾ: ರವಿವಾರ ಪೇಟೆ, ಬೆಳಗಾವಿ,
೨) ಸದ್ದಾಮ್ ಅಕ್ಬರ್ ದೇಶನೂರ, (೩೧) ಸಾ: ಗಾಂಧಿ ನಗರ, ಬೆಳಗಾವಿ
೩) ಮಯೂರ ಹರಿಭಾವು ಭಾತಖಾಂಡೆ, (೨೭) ಸಾ: ಸರಸ್ವತಿ ನಗರ, ಗಣೇಶಪುರ, ಬೆಳಗಾವಿ

ಇವರನ್ನು ಬಂಧಿಸಿ, ಇವರಿಂದ ೨೭ ಗ್ರಾಂ ತೂಕದ ಪೆನ್ನಿ (ಹೆರಾಯಿನ್) ಚೀಟಿಗಳು-೮೫, ಅಂದಾಜು ಬೆಲೆ ರೂ. ೩೪,೦೦೦/- ಮತ್ತು ೦೩ ಮೊಬೈಲ್ ಫೋನ್‌ಗಳನ್ನು ವಶ ಪಡಿಸಿಕೊಳ್ಳಲಾಗಿದೆ. ಈ ಬಗ್ಗೆ ಸಿಇಎನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಖಡೇಬಜಾರ ಠಾಣೆ-

ಖಡೇಬಜಾರ ಠಾಣೆ ಪೊಲೀಸರು ಸಹ ದಾಳಿ  ಮಾಡಿ ಪೆನ್ನಿ @ಬೀಟ್ ಮಾರುತ್ತಿದ್ದ ಓರ್ವನನ್ನು ಬಂಧಿಸಿದ್ದಾರೆ.

ದಿನಾಂಕ: ೨೩/೦೫/೨೦೨೨ ರಂದು  ಖಡೇಬಜಾರ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್‌ಪೆಕ್ಟರ್   ಡಿ. ಪಿ. ನಿಂಬಾಳ್ಕರ್ ನೇತೃತ್ವದ ತಂಡ ದಾಳಿ ಮಾಡಿ ಪೆನ್ನಿ @ ಬೀಟ್ ಮಾರಾಟ ಮಾಡುತ್ತಿದ್ದ, ರಿತೇಶ ಪರಿಶರಾಮ ಗುಂಡಕಲ್ಲ (೨೭) ಸಾ|| ಚವ್ಹಾಟ ಗಲ್ಲಿ ಬೆಳಗಾವಿ ಇವನನ್ನು ಬಂಧಿಸಿ, ಅವನಿಂದ ೮ ಗ್ರಾಂ ೫೦೦ ಮಿಲಿ ಪೆನ್ನಿ @ ಬೀಟ್ ಮಾದಕ ವಸ್ತು ಅಂದಾಜು ಬೆಲೆ ರೂ.೧೨,೯೫೦/- ಹಣ ರೂ. ೬೦೦/- & ಒಂದು ಮೋಬೈಲ್ ಫೋನ್ ವಶಪಡಿಸಿಕೊಂಡು ಆತನ ವಿರುದ್ಧ ಖಡೇಬಜಾರ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ಗೋಕಾಕ ನಗರದಲ್ಲಿ ಹೆರಾಯಿನ್ ವಶ ; ಬೆಳಗಾವಿಯ ಮೂವರು ಸೇರಿ ನಾಲ್ವರ ಆರೆಸ್ಟ್