ಪ್ರಗತಿವಾಹಿನಿ ಸುದ್ದಿ; ಬೆಳಗಾವಿ: ಜನವರಿ 5 ರಂದು ವಿಟಿಯು ಸಹಯೋಗದಲ್ಲಿ ಕೆಎಲ್‌ಎಸ್ ಗೊಗಟೆ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಗಣಿತಶಾಸ್ತ್ರ ವಿಭಾಗವು ಆಯೋಜಿಸಿದ್ದ “ಗಣಿತ ಪ್ರಯೋಗಾಲಯದಲ್ಲಿ ಪೈಥಾನ್ ನ ಬಳಕೆ” ಎಂಬ ಮೂರು ದಿನಗಳ ಅಧ್ಯಾಪಕರ ತರಬೇತಿ ಕಾರ್ಯಕ್ರಮವನ್ನು ಬೆಳಗಾವಿಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ (ವಿಟಿಯು) ಗೌರವಾನ್ವಿತ ಉಪಕುಲಪತಿ ಡಾ ಎಸ್ ವಿದ್ಯಾಶಂಕರ್ ಉದ್ಘಾಟಿಸಿದರು. ವಿಟಿಯುಗೆ ಸಂಯೋಜಿತವಾಗಿರುವ ಕರ್ನಾಟಕದ ವಿವಿಧ ಇಂಜಿನಿಯರಿಂಗ್ ಕಾಲೇಜುಗಳಿಂದ ಗಣಿತ ವಿಭಾಗದ ಸುಮಾರು 65 ಕ್ಕೂ ಹೆಚ್ಚು ಅಧ್ಯಾಪಕರು ಈ ಕಾರ್ಯಕ್ರಮಕ್ಕೆ ಹಾಜರಾಗಿದ್ದರು.
ಮುಖ್ಯ ಅತಿಥಿಯಾಗಿ ಆಗಮಿಸಿದ ಉಪಕುಲಪತಿಗಳು ,ಉದ್ಯೋಗಾವಕಾಶವನ್ನು ಹೆಚ್ಚಿಸಲು ಪಠ್ಯಕ್ರಮವನ್ನು ರೂಪಿಸುವ ಅಗತ್ಯವನ್ನು ಒತ್ತಿ ಹೇಳಿದರು. ಶಿಕ್ಷಣವನ್ನು ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ವಿದ್ಯಾರ್ಥಿಗಳಿಗೆ ಪೂರಕವಾಗಿ ರೂಪಿಸಲು ಶಿಕ್ಷಣದ ಎಲ್ಲಾ ಆಯಾಮಗಳಲ್ಲಿ ಕ್ರಾಂತಿಕಾರಿ ಸುಧಾರಣೆಗಳನ್ನು ತರುವ ತನ್ನ ಬಲವಾದ ಬಯಕೆಯನ್ನು ವ್ಯಕ್ತಪಡಿಸಿದರು.
ಕೆಎಲ್‌ಎಸ್ ಜಿಐಟಿಯ ಆಡಳಿತ ಮಂಡಳಿ ಅಧ್ಯಕ್ಷರಾದ ಶ್ರೀ ರಾಜೇಂದ್ರ ಬೆಳಗಾಂವಕರ್ ಅವರು ಅಧ್ಯಕ್ಷೀಯ ಭಾಷಣದಲ್ಲಿ ಗಣಿತಶಾಸ್ತ್ರದಲ್ಲಿ ಪ್ರಯೋಗಾಲಯವು ಕೆಲವು ದಶಕಗಳ ಹಿಂದೆ ಅಪರಿಚಿತ ಪದವಾಗಿತ್ತು. ಆದರೆ ಪ್ರಸ್ತುತ ಕಾಲಮಾನದಲ್ಲಿ ಮ್ಯಾಟ್ಲ್ಯಾಬ್ ಮತ್ತು ಪೈಥಾನ್‌ನಂತಹ ಗಣಿತದ ಉಪಕರಣಗಳ ಬಳಕೆಯು ದೀರ್ಘಾವಧಿಯಲ್ಲಿ ಸಾಕಷ್ಟು ಪ್ರಯೋಜನಕಾರಿಯಾಗಿದೆ.
ಕೆಎಲ್‌ಎಸ್ ಜಿಐಟಿಯ ಪ್ರಾಂಶುಪಾಲರಾದ ಡಾ.ಜಯಂತ್ ಕಿತ್ತೂರ ಅವರು ಸ್ವಾಗತ ಭಾಷಣದಲ್ಲಿ ವಿಸಿ ಅವರು ಭವಿಷ್ಯದಲ್ಲಿ ಸವಾಲುಗಳನ್ನು ನಿಭಾಯಿಸಲು ಅಧ್ಯಾಪಕರ ಮನಸ್ಥಿತಿಯಲ್ಲಿ ಬದಲಾವಣೆ ತರಲು ಅವರ ಕ್ರಿಯಾತ್ಮಕ ಧೋರಣೆಯನ್ನು ಶ್ಲಾಘಿಸಿದರು. ಅವರು ಎಲ್ಲಾ ಬೋಧಕ ವರ್ಗಗಳ ಶ್ಲಾಘಿಸಿದರು.
ವಿಟಿಯು ಮೂಲ ವಿಜ್ಞಾನ ಮತ್ತು ಮಾನವಿಕ ವಿಭಾಗದ ಮುಖ್ಯಸ್ಥ ಡಾ.ಸುರೇಶ ಎಂ., ವಿಟಿಯುನ ಗಣಿತಶಾಸ್ತ್ರ ಪ್ರಾಧ್ಯಾಪಕರ ತಂಡವು ಲ್ಯಾಬ್ ಕೈಪಿಡಿಯನ್ನು ಸಿದ್ಧಪಡಿಸುವ ಮತ್ತು ವೃತ್ತಿಪರ ರೀತಿಯಲ್ಲಿ ಶಿಕ್ಷಕರಿಗೆ ತರಬೇತಿ ನೀಡುವಲ್ಲಿ ಅವಿರಿತ ಕಠಿಣ ಕಾರ್ಯವನ್ನು ವಹಿಸಿದೆ ಎಂದು ಹೇಳಿದರು.
ಡಾ. ಎಚ್.ಎಸ್. ರಮಾನಂದ್ ಸೇಂಟ್ ಜೋಸೆಫ್ ಇಂಜಿನಿಯರಿಂಗ್ ಕಾಲೇಜು, ಮಂಗಳೂರು; ಡಾ ಕೆ. ಸುಶನ್ ಬೈರಿ, ರೇವಾ ವಿಶ್ವವಿದ್ಯಾಲಯ ಬೆಂಗಳೂರು; ಡಾ ಸ್ಮಿತಾ ನಗೌಡ, ಕ್ರೈಸ್ಟ್ ವಿಶ್ವವಿದ್ಯಾಲಯ ಬೆಂಗಳೂರು ಮತ್ತು ಡಾ ಚಂದ್ರಶೇಖರ ಜಿ., ಬಿಎಂಎಸ್ ಇಂಜಿನಿಯರಿಂಗ್ ಬೆಂಗಳೂರು ಅವರು ಮೂರು ದಿನಗಳ ಎಫ್‌ಡಿಪಿಗೆ ಸಂಪನ್ಮೂಲ ವ್ಯಕ್ತಿಗಳಾಗಿದ್ದಾರೆ.
ಈ ಮೂರು ದಿನಗಳ ಎಫ್‌ಡಿಪಿಗೆ ಡಾ.ಎಸ್.ಆರ್.ಜೋಗ್ ಮತ್ತು ಡಾ.ಪಿ.ಆರ್.ಹಂಪಿಹೊಳಿ ಸಂಚಾಲಕರಾಗಿ ಕಾರ್ಯ ನಿರ್ವಹಿಸಿದರು. ಕೆಎಲ್‌ಎಸ್ ಜಿಐಟಿ ಬೆಳಗಾವಿಯ ಗಣಿತ ವಿಭಾಗದವರು ಕಾರ್ಯಕ್ರಮವನ್ನು ಸಂಯೋಜಿಸಿದರು.
*ಕೆಎಲ್ಇ ಸಂಸ್ಥೆಯ ಡಾ. ಪ್ರಭಾಕರ ಕೋರೆ ಆಸ್ಪತ್ರೆಯಲ್ಲಿ 2ನೇ ಯಶಸ್ವಿ ಯಕೃತ್ತು ಕಸಿ*
https://pragati.taskdun.com/kle-institute-dr-prabhakar-kore-hospital2nd-caseliver-transplant-successful/
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
