ಪ್ರಗತಿವಾಹಿನಿ ಸುದ್ದಿ, ಭದೋಹಿ: ಮುಘಲರು, ಬ್ರಿಟಿಷರ ಕಾಲದಲ್ಲಿ ಬದಲಾಯಿಸಲಾಗಿದ್ದ ಅನೇಕ ನಗರ, ಪಟ್ಟಣಗಳ ಹೆಸರುಗಳನ್ನು ಈಗಾಗಲೇ ಬದಲಾಯಿಸಿ ಮೂಲ ಹೆಸರುಗಳನ್ನಿರಿಸಿದ ಉತ್ತರ ಪ್ರದೇಶ ರಾಜ್ಯ ಸರಕಾರ ಇದೀಗ ರಾಜಧಾನಿ ಲಕ್ನೋ ಹೆಸರನ್ನೂ ಬದಲಾಯಿಸಲು ಚಿಂತನೆ ನಡೆಸಿದೆ.
ಉತ್ತರ ಪ್ರದೇಶದ ರಾಜಧಾನಿ ಲಕ್ನೋ ಈ ಮೊದಲು ಲಕ್ಷ್ಮಣಪುರವಾಗಿತ್ತು. ಈ ಹೆಸರಿನ ಬದಲಾವಣೆಗೆ ಆಲೋಚಿಸುತ್ತಿರುವುದಾಗಿ ಯುಪಿ ಡಿಸಿಎಂ ಬೃಜೇಶ್ ಪಾಠಕ್ ಹೇಳಿದ್ದಾರೆ.
ಭದೋಹಿಯಲ್ಲಿ ಜಿಲ್ಲೆಯ ವಿವಿಧ ಯೋಜನೆಗಳು ಮತ್ತು ಅಭಿವೃದ್ಧಿ ಕಾಮಗಾರಿಗಳ ಪ್ರಗತಿ ಪರಿಶೀಲನಾ ಸಭೆಯನ್ನು ಉಪ ಮುಖ್ಯಮಂತ್ರಿ ನಡೆಸಿದರು. ಅವರು ಸೂರ್ಯವದಲ್ಲಿ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ ಪ್ರತಿಮೆ ಅನಾವರಣಗೊಳಿಸಿ ಮಾತನಾಡಿದರು.
ಲಕ್ನೋ ಲಕ್ಷ್ಮಣನ ನಗರ ಎಂದು ಎಲ್ಲರಿಗೂ ತಿಳಿದಿದೆ. ಲಕ್ನೋವನ್ನು ‘ಲಖನ್‌ಪುರ’ ಅಥವಾ ‘ಲಕ್ಷ್ಮಣಪುರ’ ಎಂದು ಮರುನಾಮಕರಣ ಮಾಡಬೇಕು ಎಂದು ಒತ್ತಾಯಿಸಿ ಪ್ರತಾಪ್‌ಗಢ ಸಂಸದ ಸಂಗಮ್ ಲಾಲ್ ಗುಪ್ತಾ ಕೇಂದ್ರ ಸಚಿವ ಅಮಿತ್ ಶಾ ಅವರಿಗೆ ಪತ್ರ ಬರೆದ ನಂತರ ಇದು ಈ ಬೆಳವಣಿಗೆ ನಡೆದಿದೆ.
ತ್ರೇತಾಯುಗದಲ್ಲಿ ನಗರವನ್ನು ಲಖನ್‌ಪುರ ಮತ್ತು ಲಕ್ಷ್ಮಣಪುರ ಎಂದು ಹೆಸರಿಸಲಾಗಿತ್ತು ಎಂದು ಹೇಳಿದ ಬಿಜೆಪಿ ಸಂಸದರು, ನವಾಬ್ ಅಸಫ್-ಉದ್-ದೌಲಾ ಅವರು ಲಖನೌ ಎಂದು ಮರುನಾಮಕರಣ ಮಾಡಿದ್ದಾರೆ ಎಂದು ಹೇಳಿದ್ದಾರೆ.
ತ್ರೇತಾಯುಗದಲ್ಲಿ ಲಕ್ನೋವನ್ನು ಭಗವಾನ್ ರಾಮನು ತನ್ನ ಸಹೋದರ ಮತ್ತು ಅಯೋಧ್ಯೆಯ ರಾಜ ಲಕ್ಷ್ಮಣನಿಗೆ ಉಡುಗೊರೆಯಾಗಿ ನೀಡಿದ್ದಾನೆ ಅದಕ್ಕಾಗಿಯೇ ನಗರವನ್ನು ಲಖನ್‌ಪುರ ಮತ್ತು ಲಕ್ಷ್ಮಣಪುರ ಎಂದು ಕರೆಯಲಾಗುತ್ತಿತ್ತು ಎಂದು ಸಂಗಮ್ ಲಾಲ್ ಗುಪ್ತಾ ಅವರು ಪತ್ರದಲ್ಲಿ ಬರೆದಿದ್ದಾರೆ.
“ಇಂದು ಭವ್ಯವಾದ ಸಾಂಸ್ಕೃತಿಕ ಪರಂಪರೆಯಿಂದ ಸಮೃದ್ಧವಾಗಿರುವ ದೇಶದಲ್ಲಿ, ಲಕ್ನೋದ ನವಾಬರ ಐಷಾರಾಮಿ ಮತ್ತು ದುಂದುವೆಚ್ಚದ ಕಥೆಗಳನ್ನು ನಮ್ಮ ಭವಿಷ್ಯದ ಪೀಳಿಗೆಗೆ ಹೇಳುವ ಮೂಲಕ ಗುಲಾಮಗಿರಿಯ ಸಂಕೇತವನ್ನು ನೀಡುವುದು ಸಂಪೂರ್ಣವಾಗಿ ತಪ್ಪಾಗಿದೆ ಎಂದು ಇಲ್ಲಿ ಉಲ್ಲೇಖಿಸಬೇಕಾಗಿದೆ ಎಂದು ಅವರು ಹೇಳಿದ್ದಾರೆ.
“ಭಾರತದ ಸಾಂಸ್ಕೃತಿಕ ಪರಂಪರೆ ಸಂರಕ್ಷಿಸಲು” ಉತ್ತರ ಪ್ರದೇಶದ ರಾಜಧಾನಿಯನ್ನು ಮರುನಾಮಕರಣ ಮಾಡಲು ಗುಪ್ತಾ ಅವರು ಅಮಿತ್ ಷಾಗೆ ವಿನಂತಿಸಿದ್ದಾರೆ.
ಈಗಾಗಲೇ ಬನಾರಸ್ -ವಾರಣಾಸಿ, ಮುಸ್ತಫಾಬಾದ್- ರಾಮಪುರ, ಅಲಹಾಬಾದ್- ಪ್ರಯಾಗರಾಜ್, ಫೈಜಾಬಾದ್- ಅಯೋಧ್ಯಾ ಜಿಲ್ಲೆ, ಮುಘಲ್ ಸರಾಯ್- ಪಂ. ದೀನದಯಾಳ ಉಪಾಧ್ಯಾಯನಗರ, ಫಿರೋಜಾಬಾದ್- ಚಂದ್ರನಗರ ಆಗಿ ಬದಲಾವಣೆಗೊಂಡಿದ್ದು ಇವುಗಳ ಪಟ್ಟಿಗೆ ಈಗ ಲಕ್ನೋ ಸೇರ್ಪಡೆಯಾಗುವ ಸಾಧ್ಯತೆಗಳು ದಟ್ಟವಾಗಿ ಗೋಚರಿಸಿವೆ.
*ನವವಿವಾಹಿತೆ ಅನುಮಾನಾಸ್ಪದವಾಗಿ ಸಾವು*
https://pragati.taskdun.com/shivamoggawomansuicide/
Flipkart ಗೆ ಮಧ್ಯಂತರ ತಡೆಯಾಜ್ಞೆ ನೀಡಿದ ಕರ್ನಾಟಕ ಹೈಕೋರ್ಟ್
https://pragati.taskdun.com/karnataka-high-court-grants-interim-injunction-to-flipkart/
*ವಿಐಎಸ್ಎಲ್ ವಿಚಾರದಲ್ಲಿ ಬಿಜೆಪಿಯವರು ಕೊಟ್ಟ ಮಾತು ಉಳಿಸಿಕೊಂಡಿಲ್ಲ: ಡಿ.ಕೆ. ಶಿವಕುಮಾರ್*
https://pragati.taskdun.com/d-k-shivakumarbhadravatipressmeet/
