ಪ್ರಗತಿವಾಹಿನಿ ಸುದ್ದಿ, ಹೊಸದಿಲ್ಲಿ: ನಮಿಬಿಯಾದಿಂದ ಭಾರತಕ್ಕೆ ಶನಿವಾರ ತರಲಾದ ಎಂಟು ಚೀತಾಗಳಿಗೂ ನಾಮಕರಣವಾಗಿದೆ.
ಮೂರು ಗಂಡು, ಐದು ಹೆಣ್ಣು ಚಿರತೆಗಳಿದ್ದು ಈ ಪೈಕಿ ಗಂಡು ಚಿರತೆಗಳಿಗೆ ಫ್ರೆಡ್ಡಿ, ಎಲ್ಟನ್ ಮತ್ತು ಓಬಾನ್ ಎಂದು ಹೆಸರಿಡಲಾಗಿದೆ. ಇನ್ನು ಹೆಣ್ಣು ಚಿರತೆಗಳಿಗೆ ಸಿಯಾಯಾ, ಆಶಾ, ಟೆಬಿಲಿಸಿ, ಸಾಶಾ, ಸವನ್ನಾ ಎಂಬ ಹೆಸರಿಡಲಾಗಿದೆ.
ಪ್ರಧಾನಿ ನರೇಂದ್ರ ಮೋದಿ ಅವರು ಈ ಚಿರತೆಗಳನ್ನು ಶನಿವಾರವಷ್ಟೇ ಮಧ್ಯಪ್ರದೇಶದ ಕುನೋ ರಾಷ್ಟ್ರೀಯ ಉದ್ಯಾನಕ್ಕೆ ಬಿಡುಗಡೆ ಮಾಡಿದ್ದಾರೆ.
ಈ ಪೈಕಿ 4 ವರ್ಷದ ‘ಆಶಾ’ ಎಂಬ ಹೆಣ್ಣು ಚೀತಾಕ್ಕೆ ಮಾತ್ರ ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಜನ್ಮ ದಿನದ ಸಂದರ್ಭದಲ್ಲಿ ಅಪ್ಪಟ ಭಾರತೀಯ ನಾಮಕರಣ ಮಾಡಿದ್ದಾರೆ. ಈ ಚೀತಾಕ್ಕೆ ಭಾರತಕ್ಕೆ ತರುವ ಮೊದಲು ಹೆಸರಿರಲಿಲ್ಲ ಎನ್ನಲಾಗಿದೆ.
ಭಾರತದಲ್ಲಿ 70ರ ದಶಕದಲ್ಲಿ ಚೀತಾಗಳ ಸಂತತಿ ಸಂಪೂರ್ಣ ಅಳಿದುಹೋಗಿದ್ದ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರ ನಮಿಬಿಯಾದಿಂದ ಚೀತಾಗಳನ್ನು ಭಾರತಕ್ಕೆ ತರುವ ಯೋಜನೆ ಹಮ್ಮಿಕೊಂಡಿತ್ತು.
ಆಯ್ಕೆಯಾದ ತಂಡ ಟೀಕಿಸಬೇಡಿ ಎಂದ ಸುನೀಲ್ ಗಾವಸ್ಕರ್
