*ಲವ್ ಮಾಡು ಇಲ್ಲ ಕೊಲೆ ಮಾಡ್ತಿನಿ: ಫ್ಯಾಷನ್ ಡಿಸೈನರ್‌ಗೆ ಕಾಟ ಕೊಟ್ಟ ಫಿಲ್ಮ್ ಸಿಟಿ ಮಾಲೀಕ*
ಪ್ರಗತಿವಾಹಿನಿ ಸುದ್ದಿ: ಲವ್ ಮಾಡು ಎಂದು ಖ್ಯಾತ ಫ್ಯಾಷನ್ ಡಿಸೈನರ್‌ಗೆ ಕಾಟ ಕೊಟ್ಟು ಹಲ್ಲೆ ಮಾಡಿ, ಕೊಲೆ ಬೆದರಿಕೆ ಹಾಕಿದ್ದ ಫಿಲ್ಮ್ ಸಿಟಿ ಮಾಲೀಕನ ವಿರುದ್ಧ ಎಫ್‌ಐಆ‌ರ್ ದಾಖಲಾಗಿದೆ.
ತಮಿಳುನಾಡಿನ ಇವಿಪಿ ಫಿಲ್ಮ್ ಸಿಟಿ ಮಾಲೀಕ ಸಂತೋಷ್ ರೆಡ್ಡಿ ವಿರುದ್ಧ ವೈಯಾಲಿಕಾವಲ್ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆ‌ರ್ ದಾಖಲಾಗಿದೆ.
ಆರೋಪಿ ಸಂತೋಷ್ ರೆಡ್ಡಿ ಮಗಳು ತನ್ನ ಕಸೀನ್ ಮದುವೆಗೆ ಬಟ್ಟೆ ಬೇಕು ಅಂತ ಇದೇ ಫ್ಯಾಷನ್ ಡಿಸೈನರ್‌ನ ಸಂಪರ್ಕ ಮಾಡಿದ್ದಾನೆ. ಮಗಳು ಭಾವನ್ಯ ರೆಡ್ಡಿ ಕಾಂಟಾಕ್ಟ್ ಬಳಸಿಕೊಂಡ ಸಂತೋಷ್ ರೆಡ್ಡಿ, ಫ್ಯಾಷನ್ ಡಿಸೈನರ್ ನ ಪರಿಚಯ ಮಾಡ್ಕೊಂಡು, ಸ್ನೇಹ ಸಂಪಾದಿಸಿಕೊಂಡು ಫ್ಯಾಮಿಲಿ ಫ್ರೆಂಡ್ ನಂತೆ ಇದ್ದನಂತೆ. ನಂತರ ನಿಮ್ಮ ಬ್ಯುಸಿನೆಸ್‌ಗೆ ಇನ್ವೆಸ್ಟ್ ಮಾಡ್ತಿನಿ ಅಂದಾಗ ನಮ್ಮ ಮನೆಯಲ್ಲಿ ಒಪ್ತಿಲ್ಲ ಅಂತಾ ಫ್ಯಾಷನ್ ಡಿಸೈನರ್ ನಿರಾಕರಣೆ ಮಾಡಿದ್ದಾಳೆ. ನಂತರ ತನ್ನ ಮಗಳು ಭಾವನ್ಯ ರೆಡ್ಡಿಗೆ ಗಂಡು ಇದ್ದರೆ ನೋಡಿ ಎಂದಿದ್ದಾನೆ. ಮತ್ತೊಂದು ದಿನ ತನ್ನ ಮಗಳು ಭಾವನ್ಯ ರೆಡ್ಡಿ ನನ್ನ ಜೊತೆ ಮಾತನಾಡುತ್ತಿಲ್ಲ ಅಂತಾ ಫ್ಯಾಷನ್ ಡಿಸೈನರ್‌ನ ಬೆಂಗಳೂರಿನ ನಿವಾಸಕ್ಕೆ ಬಂದಿದ್ದ ಸಂತೋಷ್ ರೆಡ್ಡಿ, ನನಗೆ ನಿಮ್ಮ ಸಹಾಯಬೇಕು ಅಂತ ಎಮೋಷನಲ್ ಆಗಿ ಮಾತಾಡಿದ್ದಾನೆ. ಸಮಾಧಾನ ಮಾಡಿದ್ದ ಫ್ಯಾಷನ್ ಡಿಸೈನರ್‌ಗೆ ಏಕಾಏಕಿ ನಿನ್ನನ್ನ ಪ್ರೀತಿ ಮಾಡ್ತಿನಿ ನೀನು ಕೂಡ ಪ್ರೀತಿಸ್ಬೇಬೇಕು ಎಂದು ಗೋಗರೆದಿದ್ದಾನೆ. ಇದನ್ನ ನಿರಾಕರಿಸಿದಾಗ ಆಕೆಯ ಮೇಲೆ ಹಲ್ಲೆ ಮಾಡಿ, ನೀನು ಲವ್ ಮಾಡಿಲ್ಲ ಅಂದ್ರೆ ನಿನ್ನಿಬ್ಬರು ಮಕ್ಕಳನ್ನ ಕೊಂದು ನಿನ್ನನ್ನೂ ಕೊಲೆ ಮಾಡುತ್ತೇನೆ ಎಂದು ಬೆದರಿಕೆ ಹಾಕಿದ್ದಾನೆ.
ಈ ಬಗ್ಗೆ ಮಹಿಳೆ ವೈಯಾಲಿಕಾವಲ್ ಠಾಣೆಯಲ್ಲಿ ದೂರು ನೀಡಿದ್ದು, ಸಂತೋಷ್ ರೆಡ್ಡಿ ವಿರುದ್ಧ ಪ್ರಕರಣ ದಾಖಲಾಗಿದೆ.
