ಪ್ರಗತಿವಾಹಿನಿ ಸುದ್ದಿ, ಮನಿಲಾ(ಫಿಲಿಪ್ಪೀನ್ಸ್‌): ಎದುರಾಳಿ ಆಟಗಾರನ ಹೊಡೆತದಿಂದ ಗಾಯಗೊಂಡ ಸರ್ಬಿಯಾದ ಬಾಸ್ಕೆಟ್‌ಬಾಲ್‌ ಆಟಗಾರರೊಬ್ಬರು ಒಂದು ಕಿಡ್ನಿಯನ್ನೇ ಕಳೆದುಕೊಂಡಿದ್ದಾರೆ.
ದಕ್ಷಿಣ ಸುಡಾನ್‌-ಸರ್ಬಿಯಾ ನಡುವಿನ ವಿಶ್ವಕಪ್‌ ವೇಳೆ ಈ ಘಟನೆ ನಡೆದಿದೆ. ಪಂದ್ಯ ಮುಕ್ತಾಯಕ್ಕೆ 2 ನಿಮಿಷ ಬಾಕಿ ಇರುವಾಗ ಸರ್ಬಿಯಾದ ಬೋರಿಸಾ ಸಿಮಾನಿಕ್‌ರ ಹೊಟ್ಟೆ ಭಾಗಕ್ಕೆ ಸುಡಾನ್‌ನ ನುನಿ ಒಮೊಟ್‌ರ ಕೈ ರಭಸದಿಂದ ತಾಗಿದೆ. ಅಸಹನೀಯ ನೋವಿನಿಂದ ನರಳುತ್ತಿದ್ದ ಸಿಮಾನಿಕ್‌ರನ್ನು ಆಸ್ಪತ್ರೆಗೆ ದಾಖಲಿಸಿ ಪರೀಕ್ಷಿಸಿದಾಗ ವೈದ್ಯರು ಒಂದು ಕಿಡ್ನಿ ನಿಷ್ಕ್ರಿಯಗೊಂಡಿದ್ದಾಗಿ ತಿಳಿಸಿದ್ದಾರೆ.
ಶಸ್ತ್ರಕ್ರಿಯೆ ಮೂಲಕ ಸಿಮಾನಿಕ್ ಅವರ ನಿಷ್ಕ್ರಿಯಗೊಂಡ ಕಿಡ್ನಿ ಹೊರತೆಗೆದಿದ್ದು, ಅವರು ಚಿಕಿತ್ಸೆಯಲ್ಲಿದ್ದಾರೆ. ಇನ್ನು ಮುಂದೆ ಅವರು ಆಟವಾಡುವ ಸಾಧ್ಯತೆ ಇದೆಯೇ, ಇಲ್ಲವೇ ಎಂಬ ಬಗ್ಗೆ ಅವರ ಅಭಿಮಾನಿಗಳಲ್ಲಿ ಆತಂಕ ಶುರುವಾಗಿದೆ.
Home add -Advt
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
