*ಸಂಜೆ 4 ಗಂಟೆಯಿಂದ ಬಾರ್ ಗಳು ಬಂದ್: ಮದ್ಯ ಪ್ರಿಯರಿಗೆ ಸಂಕಷ್ಟ*

ಪ್ರಗತಿವಾಹಿನಿ ಸುದ್ದಿ: ಲೋಕಸಭಾ ಚುನಾವಣೆಯ ಫಲಿತಾಂಶ ಹಾಗೂ ವಿಧಾನಪರಿಷತ್ ಚುನಾವಣೆಯ ಹಿನ್ನೆಲೆಯಲ್ಲಿ ಇಂದು ಸಂಜೆ 4 ಗಂಟೆಯಿಂದ ಜೂ.6ರವರೆಗೆ ಮದ್ಯದ ಅಂಗಡಿಗಳು ಬಂದ್ ಆಗಲಿವೆ.

ಇಂದಿನಿಂದ ಜೂನ್ 6ರವರೆಗೂ ಬೆಂಗಳೂರಿನಲ್ಲಿ ಬಾರ್, ವೈನ್ ಶಾಪ್, ಎಂಎಸ್‌ಐಎಲ್ ಸೇರಿದಂತೆ ಎಲ್ಲಾ ರೀತಿಯ ಮದ್ಯ ಮಳಿಗೆಗಳನ್ನು ಬಂದ್ ಮಾಡಲಾಗುತ್ತಿದೆ. ಈ ಆರು ದಿನಗಳ ಪೈಕಿ ಜೂ.3ರಂದು ಸಂಜೆ 4 ಗಂಟೆಯವರೆಗೆ ಮದ್ಯ ಮಾರಾಟಕ್ಕೆ ಅವಕಾಶ ಕಲ್ಪಿಸಲಾಗಿದೆ.

ನಂತರ ಜೂನ್ 4ರಂದು ಮದ್ಯ ಅಂಗಡಿಗಲು ಸಂಪೂರ್ಣವಾಗಿ ಬಂದ್ ಆಗಲಿವೆ. ಮತ್ತೆ ಜೂ.5ರಂದು ಮದ್ಯ ಮಾರಾಟಕ್ಕೆ ಅವಕಾಶ ಕಲ್ಪಿಸಿಕೊಡಲಾಗಿದೆ. ಬಳಿಕ ಜೂ.6ರಂದು ಮದ್ಯ ಅಂಗಡಿಗಳು ಬಂದ್ ಆಗಲಿವೆ. ಜೂ.3ರಂದು ಪದವೀಧರ ಕ್ಷೇತ್ರದ ಮತದಾನ ಜೂ.4ರಂದು ಲೋಕಸಭಾ ಚುನಾವಣೆಯ ಮತ ಎಣಿಕೆ ಕಾರ್ಯ ಮತ್ತೆ ಜೂ.6ರಂದು ಎಂಎಲ್‌ಸಿ ಮತ ಎಣಿಕೆ ಇರುವುದರಿಂದ ಬಾರ್ ಅಂಡ್ ರೆಸ್ಟೋರೆಂಟ್ ಬಂದ್ ಮಾಡಲಾಗುತ್ತಿದೆ.