ಹೆಸ್ಕಾಂ ಆವರಣದಲ್ಲೇ ಗುತ್ತಿಗೆ ಸಿಬ್ಬಂದಿ ಆತ್ಮಹತ್ಯೆ ; ಇಬ್ಬರ ವಿರುದ್ಧ ಕಿರುಕುಳ ಆರೋಪ

ಪ್ರಗತಿವಾಹಿನಿ, ಅಥಣಿ-  ಅಥಣಿಯ ಹೆಸ್ಕಾಂ ಗುತ್ತಿಗೆ ಸಿಬ್ಬಂದಿಯೊಬ್ಬರು ಹೆಸ್ಕಾಂ ಕಚೇರಿಯ ಆವರಣದಲ್ಲೇ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮಂಜುನಾಥ ಗಂಗಪ್ಪ ಮುತ್ತಗಿ (29) ಮೃತಪಟ್ಟವರು.

ಕಳೆದ 7 ವರ್ಷಗಳಿಂದ ಅಥಣಿಯ ಹೆಸ್ಕಾಂನಲ್ಲಿ ಗುತ್ತಿಗೆ ಆಧಾರದಲ್ಲಿ ಕೆಲಸ ಮಾಡುತ್ತಿದ್ದ ಮಂಜುನಾಥ ಓರ್ವ ಅಧಿಕಾರಿ ಹಾಗೂ ಲೈನ್ ಮೆನ್ ಕಿರುಕುಳ ತಾಳಲಾರದೆ ಸೆ. 12 ರಂದು ಬೆಳಗ್ಗೆ ಹೆಸ್ಕಾಂ ಕಚೇರಿ ಆವರಣದಲ್ಲಿರುವ ಟ್ರ್ಯಾಕ್ಟರಿನ ಕ್ರೇನ್ ನ ಹಗ್ಗಕ್ಕೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಮೃತ ಮಂಜುನಾಥ ಅವರ ಪತ್ನಿ ಅಶ್ವಿನಿ ಅಥಣಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ.