ಪರೀಕ್ಷೆ ಫಲಿತಾಂಶ ಪ್ರಕಟ

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ  – ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಸ್ನಾತಕ ಪದವಿ ಪರೀಕ್ಷೆಗಳ ಫಲಿತಾಂಶ ಪ್ರಕಟವಾಗಿದೆ.

ಇಂದು ರಾತ್ರಿ 8 ಗಂಟೆಗೆ ಫಲಿತಾಂಶವನ್ನು ಪ್ರಕಟಿಸಲಾಗಿದೆ. 2,4,5,6ನೇ ಸೆಮಿಸ್ಟರ್ ಗಳ ರಿಪೀಟರ್ ಮತ್ತು ರೆಗ್ಯುಲರ್ ಫಲಿತಾಂಶ ಪ್ರಕಟಿಸಲಾಗಿದೆ. 2019 -20ನೇ ಸಾಲಿನ ಪರೀಕ್ಷೆ ಕಳೆದ ಸೆಪ್ಟಂಬರ್ ತಿಂಗಳಲ್ಲಿ ನಡೆದಿತ್ತು. ಮೌಲ್ಯಮಾಪನ ಕಾರ್ಯ ಮುಕ್ತಾಯವಾಗಿದ್ದು ಫಲಿತಾಂಶವನ್ನು ಪ್ರಕಟಿಸಲಾಗಿದೆ ಎಂದು ಮೌಲ್ಯಮಾಪನ ಕುಲಸಚಿವರು ತಿಳಿಸಿದ್ದಾರೆ.

ಸದರಿ ಪರೀಕ್ಷೆಗಳ ಬಿಪಿಎಡ್ 2ನೇ ಸೆಮಿಸ್ಟರ್ (ರಿಪೀಟರ್),  4ನೇ ಸೆಮಿಸ್ಟರ್ (ರೆಗ್ಯುಲರ್ & ರಿಪೀಟರ್), ಬಿಬಿಎ 6ನೇ ಸೆಮಿಸ್ಟರ್ (ರೆಗ್ಯುಲರ್ &  ರಿಪೀಟರ್),  ಬಿಎಸ್ಸಿ (ಸಿಎಸ್) ಪದವಿಯ 6ನೇ ಸೆಮಿಸ್ಟರ್ ಪದವಿಗಳ ಮೌಲ್ಯಮಾಪನ ಮುಕ್ತಾಯವಾಗಿದ್ದು ಫಲಿತಾಂಶವನ್ನು ವಿದ್ಯಾರ್ಥಿಗಳಿಗೆ ಸ್ಟುಡೆಂಟ್ ಪೋರ್ಟಲ್ ಮೂಲಕ ಮತ್ತು ಕಾಲೇಜುಗಳಿಂದ ಓಯಾಸಿಸ್ ಮೂಲಕ ಬಿಡುಗಡೆ ಮಾಡಲಾಗುವುದು ಎಂದು ಮೌಲ್ಯಮಾಪನ ಕುಲಸಚಿವ ಪ್ರೊ.ಎಸ್.ಎಂ.ಹುರಕಡ್ಲಿ ತಿಳಿಸಿದ್ದಾರೆ.