ಪ್ರಗತಿವಾಹಿನಿ ಸುದ್ದಿ; ಬೆಂಗಳೂರು: ಮೇಕೆದಾಟು ಯೋಜನೆಗಾಗಿ ಕಾಂಗ್ರೆಸ್ ನಡೆಸುತ್ತಿರುವ ಪಾದಯಾತ್ರೆ ರಾಜಕೀಯ ಗಿಮಿಕ್. ಇಂತಹ ಗಿಮಿಕ್ ಗಳಿಗೆ ಜನರು ಮರುಳಾಗಲ್ಲ ಎಂದು ಕಿಡಿಕಾರಿರುವ ಸಚಿವ ಗೋವಿಂದ ಕಾರಜೋಳ ವಿರುದ್ಧ ವಾಗ್ದಾಳಿ ನಡೆಸಿರುವ ಮಾಜಿ ಸಚಿವ ಎಂ.ಬಿ.ಪಾಟೀಲ್, ಕಾರಜೋಳ ಒಬ್ಬ ಮೂರ್ಖ ಮಂತ್ರಿ, ಸಚಿವರಾಗಲು ಅಸಮರ್ಥರು ಎಂದು ಗುಡುಗಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡಿದ ಎಂ.ಬಿ.ಪಾಟೀಲ್, ಬೆಂಗಳೂರಿನ ನೀರಿನ ಸಮಸ್ಯೆ ಬಗ್ಗೆ ಸಚಿವ ಕಾರಜೋಳಗೆ ಗೊತ್ತಿಲ್ಲ. ಇಂದು ಇಲ್ಲಿ ಕುಡಿಯಲು ನೀರು ಸಿಕ್ಕಿದೆ ಎಂದರೆ ಅದು ನಮ್ಮ ಪ್ರಯತ್ನದಿಂದ. ಈ ಬಗ್ಗೆ ಕಾರಜೋಳ ಅವರಿಗೆ ತಲೆ ಬುಡ ಗೊತ್ತಿಲ್ಲ. ಅವರೊಬ್ಬ ಮೂರ್ಖ ಮಂತ್ರಿ ಎಂದು ವಾಗ್ದಾಳಿ ನಡೆಸಿದ್ದಾರೆ.
ಗೋವಿಂದ ಕಾರಜೋಳ ಅವರು ಪೇಪರ್ ನಲ್ಲಿ ಜಾಹೀರಾತು ಕೊಟ್ಟಿದ್ದಾರೆ. ಅದಕ್ಕೆ ಪ್ರಾಯೋಜಿತ… ಸತ್ಯ ದರ್ಶನ ಅಂತ ಬೇರೆ ಹಾಕಿದ್ದಾರೆ. ಯಾರ ಸತ್ಯ ದರ್ಶನ? ಅನಾಮಧೇಯ ವ್ಯಕ್ತಿ ಅಂತಿದ್ದಾರೆ. ಬಿಜೆಪಿ ಕೊಟ್ತಿಲ್ಲ, ಸರ್ಕಾರಕೊಟ್ಟಿಲ್ಲ, ಸಂಘ-ಸಂಸ್ಥೆ ಕೊಟ್ಟಿಲ್ಲ ಹಾಗಿದ್ದರೆ ಇದನ್ನು ಕೊಟ್ಟವರು ಯಾರು? ಸಚಿವರು ಚಿಲ್ಲರೆ ವರ್ತನೆ ಮಾಡುತ್ತಾ ಬಾಲೀಶವಾಗಿ ಮಾತನಾಡುತ್ತಿದ್ದಾರೆ. ಅವರು ಮಂತ್ರಿ ಸ್ಥಾನಕ್ಕೆ ಅನ್ ಫಿಟ್. ಸಾಮಾನ್ಯ ಜ್ಞಾನವೂ ಅವರಿಗಿಲ್ಲ ಎಂದು ಗುಡುಗಿದ್ದಾರೆ.
ಎಸ್ ಪಿ, ಎಎಸ್ ಪಿ, ಡಿಎಸ್ಪಿಗೂ ಕೊರೊನಾ ; ಐಸೋಲೇಷನ್ ನಲ್ಲಿ ಪೊಲೀಸ್ ಅಧಿಕಾರಿಗಳು
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
