*ಗೋಗಟೆ  ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಪದವಿದಾನ ಸಮಾರಂಭ*

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ: ಇಲ್ಲಿನ ಕರ್ನಾಟಕ ಲಾ ಸೊಸೈಟಿಯ ಗೋಗಟೆ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (KLS GIT)ಯ 9ನೇ ಪದವಿದಾನ ಸಮಾರಂಭ ನವೆಂಬರ್ 22ರಂದು ನಡೆಯಿತು.

ಈ ಸಮಾರಂಭವು ಸಂಸ್ಥೆಯ ಶೈಕ್ಷಣಿಕ ಶ್ರೇಷ್ಠತೆಯ ಮತ್ತೊಂದು ಮಹತ್ವದ ಮೈಲಿಗಲ್ಲಾಯಿತು. ಕಾರ್ಯಕ್ರಮವು ಗಣ್ಯ ಅತಿಥಿಗಳ ಭವ್ಯ ಮೆರವಣಿಗೆಯೊಂದಿಗೆ ಆರಂಭವಾಯಿತು. 

ಆಡಳಿತ ಮಂಡಳಿಯ ಅಧ್ಯಕ್ಷರಾದ ರಾಜೇಂದ್ರ ಬೆಳಗಾಂವ್ಕರ್ ಅವರು ಸ್ವಾಗತ ಭಾಷಣ ಮಾಡಿದರು. ಪ್ರಾಚಾರ್ಯ ಡಾ. ಎಂ. ಎಸ್. ಪಾಟೀಲ್ ಅವರು ಸಂಸ್ಥೆಯ ವಿವಿಧ ಸಾಧನೆಗಳ ವರದಿಯನ್ನು ಮಂಡಿಸಿದರು.

ಸಮಾರಂಭದ ಮುಖ್ಯ ಅತಿಥಿಯಾಗಿ IISc ಬೆಂಗಳೂರು ಸಂಸ್ಥೆಯ ನಿರ್ದೇಶಕರಾದ ಪ್ರೊ. ಗೋವಿಂದನ ರಂಗರಾಜನ ಉಪಸ್ಥಿತರಿದ್ದರು. ಅವರು nonlinear dynamics ಹಾಗೂ ಆಧುನಿಕ ಯುಗದ ವೈಜ್ಞಾನಿಕ ಅವಿಷ್ಕಾರಗಳ ಕುರಿತು ಪ್ರೇರಣಾದಾಯಕ ವಿಚಾರಗಳನ್ನು ಹಂಚಿಕೊಳ್ಳುತ್ತ, ಪದವೀಧರರಿಗೆ ದಿಕ್ಕುನಿರ್ದೇಶನ ನೀಡಿದರು.

Home add -Advt

ವಿಶೇಷ ಅತಿಥಿಯಾಗಿ KLS GIT ನ ಮೊದಲ ಬ್ಯಾಚ್ (1984) ಸಿವಿಲ್ ಇಂಜಿನಿಯರಿಂಗ್ ವಿಭಾಗದ ಮಾಜಿ  ವಿದ್ಯಾರ್ಥಿಯಾದ  ಖ್ಯಾತ ಉದ್ಯಮಿ, Ramky Group  ಅಧ್ಯಕ್ಷ ಹಾಗು ರಾಜ್ಯಸಭಾ ಸದಸ್ಯರಾದ ಅಲ್ಲಾ ಅಯೋಧ್ಯ ರಾಮಿ ರೆಡ್ಡಿ ಅವರು ಹಾಜರಿದ್ದರು. ಅವರು ವಿದ್ಯಾರ್ಥಿಗಳನ್ನು ಸಂಶೋಧನೆ, ಉದ್ಯಮಶೀಲತೆ ಮತ್ತು ಕೈಗಾರಿಕೆ–ವಿಶ್ವವಿದ್ಯಾಲಯ ಸಹಕಾರದ ಹೆಚ್ಚುತ್ತಿರುವ ಅವಕಾಶಗಳನ್ನು ಬಳಸಿಕೊಳ್ಳುವಂತೆ ಪ್ರೇರೇಪಿಸಿದರು.

ಜಿ.ಐ.ಟಿ.ಯ ಆಡಳಿತ  ಮಂಡಳಿಯ ಗಣ್ಯ ಸದಸ್ಯರಾದ ಉಪಾಧ್ಯಕ್ಷರು ಆರ್. ಬಿ. ಭಂಡಾರೆ ಮತ್ತು ಡಿ. ವಿ. ಕುಲಕರ್ಣಿ, ಕಾರ್ಯದರ್ಶಿಗಳು ವಿ. ಎಂ. ದೇಶಪಾಂಡೆ ಮತ್ತು ಎಸ್. ವಿ. ಗಣಾಚಾರಿ, ಹಾಗೂ ಸಂಸ್ಥೆಯ ಅಧ್ಯಕ್ಷರಾದ ಎ. ಕೆ. ತಗಾರೆ  ಅವರು ಪದವೀಧರರಿಗೆ ಶುಭಾಶಯ ತಿಳಿಸಲು ಹಾಜರಿದ್ದರು.

ಈ ಸಮಾರಂಭದಲ್ಲಿ B.E., B.Arch., M.Tech., MBA ಮತ್ತು MCA ಕೋರ್ಸ್‌ಗಳ ಪದವೀಧರರಿಗೆ ಪದವಿಗಳು ಹಾಗೂ ಮೈಲಿಗಲ್ಲು ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ ಪದಕಗಳನ್ನು ಪ್ರಧಾನ ಮಾಡಲಾಯಿತು.

ಪದವಿದಾನ ವಿವರಗಳು 

ಒಟ್ಟು ಪದವೀಧರರು: 1220

ಪದವಿ (Undergraduate): 946, B.E.: 880, B.Arch.: 66

ಪದವ್ಯುತ್ತರ (Postgraduate): 274

M.Tech.: 45,  MBA: 109, MCA: 120

ಕಾರ್ಯಕ್ರಮದ ಕೊನೆಯಲ್ಲಿ ಕರ್ನಾಟಕ ಲಾ ಸೊಸೈಟಿಯ ಅಧ್ಯಕ್ಷರಾದ ಎ. ಕೆ. ತಾಗತಗಾರೆ ಅವರು ಮಾರ್ಗದರ್ಶನ ನೀಡಿದರು. ನಂತರ ಪ್ರದೀಪ ಎಸ್. ಸಾವಕಾರ ಅವರು ಅಧ್ಯಕ್ಷೀಯ ಸಮಾರೋಪ ಭಾಷಣ ಮಾಡಿದರು. ಈ ರೀತಿ, ಈ ಭವ್ಯ ಮತ್ತು ಹೃದಯಸ್ಪರ್ಶಿ ಪದವಿದಾನ ಸಮಾರಂಭ ಯಶಸ್ವಿಯಾಗಿ ಸಂಪನ್ನವಾಯಿತು.