ಪಿ ಚಿದಂಬರಂ ರವರ ವೈದ್ಯಕೀಯ ಪರೀಕ್ಷೆ ನಡೆಸಿದ ಸಿಬಿಐ
ಪಿ ಚಿದಂಬರಂ ರವರ ವೈದ್ಯಕೀಯ ಪರೀಕ್ಷೆ ನಡೆಸಿದ ಸಿಬಿಐ
ಪ್ರಗತಿವಾಹಿನಿ ಸುದ್ದಿ – ನವದೆಹಲಿ : ಮಾಜಿ ಹಣಕಾಸು ಸಚಿವ ಮತ್ತು ಹಿರಿಯ ಕಾಂಗ್ರೆಸ್ ಮುಖಂಡ ಪಿ.ಚಿದಂಬರಂ ಅವರ ವೈದ್ಯಕೀಯ ಪರೀಕ್ಷೆಗಳನ್ನು ಇಲ್ಲಿನ ಕೇಂದ್ರ ತನಿಖಾ ಕೇಂದ್ರ ಕಚೇರಿಯಲ್ಲಿ ನಡೆಸಲಾಗಿದೆ ಎಂದು ತಿಳಿದು ಬಂದಿದೆ.
ಸಿಬಿಐ ಮತ್ತು ಇಡಿ ಅವರ ಬಂಧನದ ಬಗ್ಗೆ ಸುಪ್ರೀಂ ಕೋರ್ಟ್ನಿಂದ ಜಾಮೀನು ಪಡೆಯಲು ವಿಫಲವಾದ ಕಾರಣ ಬುಧವಾರ ರಾತ್ರಿ ಐಎನ್ಎಕ್ಸ್ ಮಡಿಯಾ ಪ್ರಕರಣದಲ್ಲಿ ಚಿದಂಬರಂ ಅವರನ್ನು ಬಂಧಿಸಲಾಯಿತು . ಅವರ ಜೋರ್ ಬಾಗ್ ನಿವಾಸದಿಂದ ಸಿಬಿಐ ಬಂಧಿಸಿದ ನಂತರ , 73 ವರ್ಷದ ಚಿದಂಬರಂ ಅವರನ್ನು ತನಿಖಾ ಸಂಸ್ಥೆಯ ಪ್ರಧಾನ ಕಚೇರಿಗೆ ಕರೆದೊಯ್ಯಲಾಯಿತು.
ಇದಕ್ಕೂ ಮೊದಲು, ಮಾಜಿ ಹಣಕಾಸು ಸಚಿವರು ಇಲ್ಲಿನ ಕಾಂಗ್ರೆಸ್ ಪ್ರಧಾನ ಕಚೇರಿಯಲ್ಲಿ ದಿಡೀರ್ ಪ್ರತ್ಯಕ್ಷವಾಗಿ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡುತ್ತಾ, ಐಎನ್ಎಕ್ಸ್ ಮೀಡಿಯಾ ಪ್ರಕರಣದಲ್ಲಿ ತಮ್ಮ ಮತ್ತು ತನ್ನ ಮಗನ ಮೇಲಿನ ಆರೋಪಗಳನ್ನು ತಿರಸ್ಕರಿಸಿದ್ದರು.
ನಂತರ ಅವರು ಕಾಂಗ್ರೆಸ್ ಕಚೇರಿಯಿಂದ ತಮ್ಮ ಜೋರ್ ಬಾಗ್ ನಿವಾಸಕ್ಕೆ ತೆರಳಿದ ಕೆಲವೇ ಕ್ಷಣದಲ್ಲಿ, ಸಿಬಿಐ ಮತ್ತು ಇಡಿ ತಂಡಗಳು ಅವರನ್ನು ಹಿಂಬಾಲಿಸಿದ್ದವು. ಸುಮಾರು ಒಂದು ಗಂಟೆಗೂ ಹೆಚ್ಚು ಸಮಯದ ನಾಟಕೀಯ ಬೆಳವಣಿಗೆಯ ನಂತರ ಮಾಜಿ ಹಣಕಾಸು ಸಚಿವರ ಬೆಂಬಲಿಗರ ಘೋಷಣೆಗಳ ನಡುವೆಯೂ ಅವರನ್ನು ಬಂಧಿಸಲಾಯಿತು.
ನ್ಯಾಯಾಲಯ ಹೊರಡಿಸಿದ ಬಂಧನ ವಾರಂಟ್ನಲ್ಲಿ ಚಿದಂಬರಂ ಅವರನ್ನು ಬಂಧಿಸಲಾಗಿದೆ ಎಂದು ಸಿಬಿಐ ಮೂಲಗಳು ತಿಳಿಸಿವೆ. ////
