ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ – ಶಾಸಕ ಅಭಯ ಪಾಟೀಲ ರವರ ನೇತೃತ್ವದಲ್ಲಿ ಬೆಳಗಾವಿ ಪ್ರವಾಸಿ ಮಂದಿರದಲ್ಲಿ “ನೇಕಾರರ ಸಭೆ “ಜರುಗಿತು
ಈ ಸಭೆಯಲ್ಲಿ ನೇಕಾರ ಸಧ್ಯದ ಸಮಸ್ಯೆಗಳ ಬಗ್ಗೆ ಸುದೀರ್ಘ ಚರ್ಚೆ ನಡೆಸಲಾಯಿತು. ಜವಳಿ ಇಲಾಖೆ, ವಿದ್ಯುತ್ ಇಲಾಖೆ, ಮಹಾನಗರ ಪಾಲಿಕೆ, ಕಾರ್ಮಿಕ ಇಲಾಖೆಯ ಉನ್ನತ ಅಧಿಕಾರಿಗಳೊಂದಿಗೆ ಪ್ರಚಲಿತ ನೇಕಾರರ ಸಮಸ್ಯೆಗಳ ಬಗ್ಗೆ ಚರ್ಚಿಸಲಾಯಿತು.
ಕಟ್ಟಡ ನಿರ್ಮಾಣ ಕಾರ್ಮಿಕರಿಗೆ ಸಿಗುವ ಸೌಲಭ್ಯಗಳನ್ನು ನೇಕಾರರಿಗೂ ನೀಡಬೇಕು. ಈ ಹಿನ್ನೆಲೆಯಲ್ಲಿ ನೇಕಾರರ ಸರ್ವೇ ಕೆಲಸಕ್ಕೆ ಕಾರ್ಮಿಕ ಇಲಾಖೆಯಿಂದ ಚಾಲನೆ ನೀಡಲಾಯಿತು. ಕೂಲಿ ನೇಯುವವರು, ಬಿಂಬ ಕೆಚ್ಚುವವರು, ಬಾಬಿನ ಜಗ್ಗುವವರು, ಜಕಾರಡ್ ಕಟ್ಟುವವರು, ಮುಂತಾದ ನಾಲ್ಕು ಮಗ್ಗಗಳವರೆಗೆ ಈ ವ್ಯಾಪ್ತಿಗೆ ಬರುತ್ತಾರೆ.
“ನೇಕಾರ ಸಮ್ಮಾನ ನಿಧಿ” ಯೋಜನೆಯಡಿ ಅರ್ಹ ಫಲಾನುಭವಿಗಳ ಆಯ್ಕೆ ಪ್ರಕ್ರಿಯೆಗೆ ಜವಳಿ ಇಲಾಖೆಯಿಂದ ಸರ್ವೇ ಮಾಡಲು ಸೂಚಿಸಲಾಯಿತು.
ನೇಕಾರಿಕೆ ಜವಳಿ ಉದ್ಯೋಗಕ್ಕೆ , ವಿದ್ಯುತ್ ಇಲಾಖೆ ಹಾಗೂ ಮಹಾನಗರ ಪಾಲಿಕೆಯ ಅನುಮತಿ (ಲೈಸನ್ಸ್) ಪಡೆಯುವ ನಿಯಮ ರದ್ದು ಮಾಡುವ ನಿರ್ಧಾರ.
ವಿದ್ಯುತ್ ಇಲಾಖೆ ನೇಕಾರಿಕೆ ಉದ್ಯೋಗದವರಿಗೆ ಹೆಚ್ಚುವರಿ ಮಿನಿಮಮ್ ಚಾರ್ಜ್ ಅಳವಡಿಸುವುದನ್ನು ವಿನಾಯತಿ ನೀಡುವ ನಿರ್ಣಯ ಮಾಡಲಾಯಿತು.
“ಲಾಕ್ ಡೌನ್ ” ಹಿನ್ನೆಲೆಯಲ್ಲಿ ಹೆಸ್ಕಾಂ ಇಲಾಖೆ ನೇಕಾರರಿಗೆ ಹೆಚ್ಚುವರಿ ಬಿಲ್ ನೀಡಿದ್ದು, ಕೂಡಲೇ ಈ ಬಗ್ಗೆ ಸರಿಪಡಿಸುವಂತೆ ಸೂಚಿಸಲಾಯಿತು.
ಇದರೊಂದಿಗೆ, ಬಹು ಮುಖ್ಯವಾಗಿ ರಾಜ್ಯ ಸರ್ಕಾರ ನೇಕಾರರು ನೇಯ್ದ ಸೀರೆಗಳನ್ನು ಕೂಡಲೇ ಯೋಜನೆ ರೂಪಿಸಿ, ನೇಕಾರರಿಂದಲೇ ಖರೀದಿಸಬೇಕು. ಇದರಿಂದ ನೇಕಾರಿಕೆ ವೃತ್ತಿ ಉಳಿಸಲು ಸಾದ್ಯವಾಗುತ್ತದೆ ಎನ್ನುವ ಅಭಿಪ್ರಾಯ ವ್ಯಕ್ತವಾಯಿತು.
“ಲಾಕ್ ಡೌನ್ ” ಹಿನ್ನೆಲೆಯಲ್ಲಿ ದುಸ್ತರವಾದ ನೇಕಾರರ ಬೆಂಬಲಕ್ಕೆ ಇರುತ್ತೇನೆ, ನಿಮ್ಮ ಅಭಿಪ್ರಾಯವನ್ನು ಸರ್ಕಾರದ ಗಮನಕ್ಕೆ ತಂದು, ಪರಿಹಾರ ಕಂಡುಕೊಳ್ಳುವ ಪ್ರಯತ್ನ ಮಾಡೋಣ ಎಂದು ಅಭಯ ಪಾಟೀಲ ತಿಳಿಸಿದರು.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
