ಭಾರತದಲ್ಲಿ ನಾರ್ಕೋಟಿಕ್ ಜಿಹಾದ್ ?
ವಿಶೇಷ ಆನ್‌ಲೈನ್ ಸಂವಾದ
ಭಾರತ ನಾಶ ಮಾಡಲು ಪಾಕಿಸ್ತಾನದ ‘ನಾರ್ಕೋಟಿಕ್ ಜಿಹಾದ್’ ಪಿತೂರಿ -ಚಲನಚಿತ್ರ ನಿರ್ಮಾಪಕ ಪ್ರಶಾಂತ್ ಸಂಬರಗಿ ಆರೋಪ
ಪ್ರಶಾಂತ ಸಂಬರಗಿ ಅವರು ಮಾತನಾಡುತ್ತಾ, ಈಗ ಪಂಜಾಬ್ ನಂತರ ಕೇರಳವನ್ನು ‘ನಾರ್ಕೋಟಿಕ್ ಜಿಹಾದ್’ ಕೇಂದ್ರವನ್ನಾಗಿ ಮಾಡಲಾಗುತ್ತಿದೆ. ಕೇರಳದಲ್ಲಿ ಹಿಂದೆ ೫೦೦ ರಷ್ಟು ಇದ್ದ ಮಾದಕ ವಸ್ತುಗಳ ಅಪರಾಧದ ಪ್ರಮಾಣ ೨೦೧೬ ರ ನಂತರ ೩,೫೦೦ ಕ್ಕೆ ಏರಿದೆ. ಅದಕ್ಕಾಗಿಯೇ ಕೇರಳದ ಫಾದರ್ ಜೋಸೆಫ್ ಕಲ್ಲಾರನಗಟ್ಟ ಇವರು ಕ್ರೈಸ್ತ ಯುವತಿಯರನ್ನು ಮಾದಕ ವಸ್ತುಗಳ ಮೂಲಕ ಗುರಿಯಾಗಿಸುತ್ತಿದ್ದಾರೆ ಎಂದು ಬಹಿರಂಗವಾಗಿ ಹೇಳಿದರು. ಕೇವಲ ಹಿಂದಿ ಚಿತ್ರರಂಗದಲ್ಲಿ ಮಾತ್ರವಲ್ಲದೆ, ಕನ್ನಡ, ತಮಿಳು, ತೆಲುಗು, ಇತ್ಯಾದಿಗಳಲ್ಲಿ ಕೂಡ ಚಲನಚಿತ್ರ ಪಾರ್ಟಿಗಳು ಮಾದಕ ವಸ್ತುಗಳು ಇಲ್ಲದೆ ನಡೆಯುವುದಿಲ್ಲ, ಇದು ರಾಷ್ಟ್ರೀಯ ಸಮೀಕರಣವಾಗಿದೆ. ಬೆಂಗಳೂರಿನಲ್ಲಿ ಕಾಂಗ್ರೆಸ್ ಪಕ್ಷದ ಓರ್ವ ಅಲ್ಪಸಂಖ್ಯಾತ ಸಮುದಾಯದ ಶಾಸಕರ ಹುಟ್ಟುಹಬ್ಬದ ಪಾರ್ಟಿಯಲ್ಲಿ ಬಾಲಿವುಡ್‌ನ ನಟರು ಭಾಗವಹಿಸಿದ್ದರು. ಅದರ ಆಯೋಜನೆಯನ್ನು ನಟ ಸುಶಾಂತ ರಾಜಪೂತ್ ಪ್ರಕರಣದಲ್ಲಿ ಒಬ್ಬನಾದ ‘ಇಮ್ತಿಯಾಜ್ ಖತ್ರಿ’ ಮಾಡಿದ್ದನು. ಒಟ್ಟಾರೆ ಸ್ಯಾಂಡಲ್‌ವುಡ್‌ನ ಮಾದಕ ವಸ್ತುಗಳ ಜೊತೆಗಿನ ಸಂಬಂಧ ಬಹಿರಂಗವಾಗಿದೆ. ೨೦೧೯ ರಲ್ಲಿ ‘ಮಾದಕ ವಸ್ತು ಮುಕ್ತ ಭಾರತ’ ಈ ಅಭಿಯಾನಕ್ಕಾಗಿ ನಾವು ‘ಆರ್ಟ್ ಆಫ್ ಲಿವಿಂಗ್’ನ ಪರವಾಗಿ ಚಿತ್ರರಂಗದ ಜನರ ಬೇಡಿಕೆಯಿಂದ ಒಂದು ಸಣ್ಣ ಸಂದರ್ಶನವನ್ನು ನಡೆಸಲು ನಿರ್ಧರಿಸಿದಾಗ, ಅದನ್ನು ಶೇ. ೭೦ ರಷ್ಟು ಜನರು ತಿರಸ್ಕರಿಸಿದರು; ಏಕೆಂದರೆ ಚಿತ್ರರಂಗದ ಹೆಚ್ಚಿನವರು ಇದರಲ್ಲಿ ತೊಡಗಿಕೊಂಡಿದ್ದಾರೆ. ಆದ್ದರಿಂದಲೇ ಆರ್ಯನ್ ಖಾನ್‌ಗೆ ಬೆಂಬಲ ನೀಡುತ್ತಿದ್ದಾರೆ ಎಂದು ಹೇಳಿದರು.
ಹಿಂದೂ ಜನಜಾಗೃತಿ ಸಮಿತಿಯ ದೆಹಲಿ ರಾಜ್ಯ ವಕ್ತಾರ ನರೇಂದ್ರ ಸುರ್ವೆ ಮಾತನಾಡುತ್ತಾ, ಕೇವಲ ಚಿತ್ರರಂಗ ಮಾತ್ರವಲ್ಲ, ಸನ್‌ಬರ್ನ್ ಫೆಸ್ಟಿವಲ್‌ನಲ್ಲಿ ಗೋವಾದ ನೇಹಾ ಬಹುಗುಣ ಎಂಬ ಯುವತಿ ಮತ್ತು ಇತರ ಮೂವರು ಯುವಕರು ಕೂಡ ಮಾದಕ ವಸ್ತುಗಳ ಅತಿಯಾದ ಸೇವನೆಯಿಂದ ಸಾವನ್ನಪ್ಪಿದ್ದರು. ಒಟ್ಟಾರೆಯಾಗಿ ಭಾರತೀಯ ಯುವಕರು ವಿನಾಶದತ್ತ ಸಾಗುತ್ತಿದ್ದಾರೆ. ಭಾರತೀಯ ಯುವಕರನ್ನು ಮಾದಕ ವಸ್ತುಗಳಿಂದ ರಕ್ಷಿಸಲು ಭಾರತದಲ್ಲಿ ಹಿಂದೂ ರಾಷ್ಟ್ರವನ್ನು ಸ್ಥಾಪಿಸುವುದು ಅಗತ್ಯವಾಗಿದೆ ಎಂದು ಹೇಳಿದರು.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
