*ಪಟಾಕಿ ಸಿಡಿದು ಯುವಕ ಸ್ಥಳದಲ್ಲೇ ದುರ್ಮರಣ*

ಪ್ರಗತಿವಾಹಿನಿ ಸುದ್ದಿ; ಚಿಕ್ಕಮಗಳೂರು: ಪಟಾಕಿ ಸಿಡಿದು ಯುವಕ ಸಾವನ್ನಪ್ಪಿರುವ ಘಟನೆ ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆ ತಾಲೂಕಿನ ಸುಣ್ಣದಹಳ್ಳಿಯಲ್ಲಿ ನಡೆದಿದೆ.

ಪ್ರದೀಪ್ (30) ಮೃತ ಯುವಕ. ಮನೆಯಲ್ಲಿ ಕುಳಿತುಕೊಳ್ಳುವ ಚೇರ್ ಕೆಳಗೆ ಪಟಾಕಿ ಬ್ಯಾಗ್ ಇಡಲಾಗಿತ್ತು. ಚೇರ್ ಮೇಲೆ ಪ್ರದೀಪ್ ಕುಳಿತುಕೊಂಡಿದ್ದ. ಈ ವೇಳೆ ಹೊರಗಡೆ ಸಿಡಿಸುತ್ತಿದ್ದ ಪಟಾಕಿಯ ಕಿಡಿಕೊಂದು ಚೇರ್ ಕೆಳಗಿದ್ದ ಬ್ಯಾಗ್ ಗೆ ತಗುಲಿ ಬ್ಯಾಗ್ ನಲ್ಲಿದ್ದ ಪಟಾಕಿ ಸಿಡಿದು ಸ್ಫೋಟಗೊಂಡಿದೆ.

ಪಟಾಕಿ ಸಿಡಿದು ಸ್ಫೋಟಗೊಂಡ ತೀವ್ರತೆಗೆ ಚೇರ್ ಮೇಲೆ ಕುಳಿತಿದ್ದ ಪ್ರದೀಪ್ 5 ಅಡಿ ದೂರ ಹಾರಿ ಬಿದ್ದಿದ್ದಾನೆ. ಸ್ಥಳದಲ್ಲೇ ಪ್ರದೀಪ್ ಮೃತಪಟ್ಟಿದ್ದಾನೆ. ಘಟನೆಯಲ್ಲಿ ಮೂವರು ಮಕ್ಕಳು ಸೇರಿ ನಾಲ್ವರು ಗಾಯಗೊಂಡಿದ್ದಾರೆ.

ಮನೆಯ ಗಾಜುಗಳು ಕೂಡ ಪುಡಿ, ಪುಡಿಯಾಗಿದ್ದು, ಘಟನೆಯ ಸ್ಥಳಕ್ಕೆ ತರೀಕೆರೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.