ಶಾಂತಿಯುತವಾಗಿ ರಾಯಣ್ಣನ ಪ್ರತಿಮೆ ಸ್ಥಾಪನೆಗೆ ಅನುವು ಮಾಡಿಕೊಡಿ

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ –  ಬೆಳಗಾವಿ ನಗರದ ಪಿರನವಾಡಿಯಲ್ಲಿ ಸಂಗೊಳ್ಳಿ ರಾಯಣ್ಣನ ಪ್ರತಿಮೆಯನ್ನು ತೆರೆವುಗೊಳಿಸುವ ಪ್ರಯತ್ನ ಸ್ವಾತಂತ್ರ್ಯ ಹೋರಾಟಗಾರರಿಗೆ ಮಾಡಿದ ಅವಮಾನ ಎಂದು ಕರ್ನಾಟಕ ರಕ್ಷಣಾ ವೇದಿಕೆ (ಸಂತೋಷ ಅರಳಿಕಟ್ಟಿ ಬಣ)ದ ಯುವ ಘಟಕ ರಾಜ್ಯಾಧ್ಯಕ್ಷ ಪ್ರಶಾಂತ ಅರಳಿಕಟ್ಟಿ ಹೇಳಿದ್ದಾರೆ. ಅವರು ಘಟನೆಯನ್ನು ತೀವ್ರವಾಗಿ ಖಂಡಿಸಿದ್ದಾರೆ.

ಈ ಕುರಿತು ಪತ್ರಿಕಾ ಪ್ರಕಟಣೆ ಹೊರಡಿಸಿರುವ ಅವರು, ದೇಶ ಪ್ರೇಮಿ ಸಂಗೊಳ್ಳಿ ರಾಯಣ್ಣನ ಪ್ರತಿಮೆಯನ್ನು ತೆರವುಗೊಳಿಸಿರುವುದು ಖಂಡನಾರ್ಹವಾಗಿದ್ದು, ಎಲ್ಲಕ್ಕಿಂತ ಮಿಗಿಲಾಗಿ ನಾಡಿನ  ಐಕ್ಯತೆಗಾಗಿ ಹೋರಾಟ ನಡೆಸಿದ ರಾಯಣ್ಣನ ಹೆಸರಲ್ಲಿ ಸೌರ್ಹಾದ ಮತ್ತು ಏಕತೆಗೆ  ವಿರುದ್ದವಾಗಿ  ಕಿತ್ತಾಟ ನಡೆಸುವುದು ನಿಜಕ್ಕೂ ಕೂಡಾ ಉತ್ತಮ ನಡುವಳಿಕೆಯಲ್ಲ , ಈ ಹಿನ್ನೆಯಲ್ಲಿ  ಮತ್ತೆ ಶಾಂತಿ ಕದಡುವ  ಯತ್ನ ಮಾಡದೇ ರಾಯಣ್ಣನ ಪ್ರತಿಮೆ  ಸ್ಥಾಪನೆಗೆ ಶಾಂತಿಯುತವಾಗಿ ಅನುವು ಮಾಡಿಕೊಡಬೇಕೆಂದು ಬೆಳಗಾವಿ ಜಿಲ್ಲಾಡಳಿತ ಹಾಗೂ ರಾಜ್ಯ ಸರ್ಕಾರವನ್ನು ಅವರು ಒತ್ತಾಯಿಸಿದ್ದಾರೆ.