*ಶೀಘ್ರದಲ್ಲಿಯೇ ಚಲಾವಣೆಗೆ ಬರಲಿದೆ ಪ್ಲಾಸ್ಟಿಕ್ ನೋಟುಗಳು*

ಪ್ರಗತಿವಾಹಿನಿ ಸುದ್ದಿ: ಪ್ಲಾಸ್ಟಿಕ್ ನೋಟುಗಳನ್ನು ಚಲಾವಣೆಗೆ ತರಲು ಆರ್.ಬಿ.ಐ ಗ್ರೀನ್ ಸ್ಗ್ನಲ್ ನೀಡಿದೆ. ಈ ಹಿನ್ನೆಲೆಯಲ್ಲಿ ಪ್ಲಾಸ್ಟಿಕ್ ನೋಟುಗಳು ಶೀಘ್ರದಲ್ಲಿಯೇ ಚಲಾವಣೆಗೆ ಬರಲಿವೆ.

ಆರ್.ಬಿ.ಐ ಹೊಸದಾಗಿ ರೂ.10, ರೂ. 20 ಬೆಲೆಬಾಳುವ ಪ್ಲಾಸ್ಟಿಕ್ ನೋಟ್ ಗಳನ್ನು ಪ್ರಾಯೋಗಿಕವಾಗಿ ಆರಂಭಿಸಲು ಘೋಷಿಸಿದೆ. ಈ ನೋಟುಗಳ ತಯಾರಿಕೆಗೆ ಅಗತ್ಯವಾದ ಮೆಟೀರಿಯಲ್ ಪೂರೈಕೆಗಾಗಿ ಕಂಪನಿಯ ಪ್ರಸ್ತಾಪಗಳನ್ನು ಸಹ ಆಹ್ವಾನಿಸಿದೆ.

ಪ್ರಸ್ತುತ ಚಲಾವಣೆಯಲ್ಲಿ ಇರುವ ಕಾಗದದ ನೋಟುಗಳಿಗಿಂತ ಈ ಪ್ಲಾಸ್ಟಿಕ್ ನೋಟುಗಳು ಹೆಚ್ಚು ಕಾಲ ಇರುತ್ತವೆ.. ಪ್ರಪಂಚದಾದ್ಯಂತ ಅನೇಕ ದೇಶಗಳಲ್ಲಿ ಈ ನೋಟುಗಳನ್ನು ಬಳಸಲಾಗುತ್ತಿದೆ ಇಈ ಹಿನ್ನೆಲೆಯಲ್ಲಿ ಶೀಘ್ರದಲ್ಲೇ ಭಾರತದಲ್ಲಿಯೂ ಪ್ಲಾಸ್ಟಿಕ್ ನೋಟುಗಳು ಚಲಾವಣೆಯಲ್ಲಿ ಬರಲಿದೆ.

ಈ ಪ್ಲಾಸ್ಟಿಕ್ ನೋಟು ತಯಾರಿಕೆ ಯೋಜನೆಯು ಆರ್.ಬಿ.ಐ ಸಂಬಂಧಿತ ಸಂಸ್ಥೆಯಾದ ಭಾರತೀಯ ರಿಜರ್ವ್ ಬ್ಯಾಂಕ್ ನೋಟ್ ಮುದ್ರಣ ಖಾಸಗಿ ಲಿಮಿಟೆಡ್ (BRBNMPL) ಅನ್ನು ಪ್ರಾರಂಭಿಸಲಿದೆ. ಈ ಸಂಸ್ಥೆ ನೋಟುಗಳ ತಯಾರಿಕೆಗೆ ಅಗತ್ಯವಿರುವ ವಿಶೇಷ ಪದಾರ್ಥಗಳನ್ನು ಸರಬರಾಜು ಮಾಡುವ ಕಂಪನಿಯ ಆಯ್ಕೆಗಾಗಿ ಪ್ರತಿಪಾದನೆಗಳನ್ನು ಸ್ವೀಕರಿಸಿದೆ.

2012 ರಲ್ಲಿ ಪ್ಲಾಸ್ಟಿಕ್ ನೋಟುಗಳನ್ನು ಪ್ರಾಯೋಗಿಕವಾಗಿ ಜಾರಿಗೆ ತರಲು ಆರ್.ಬಿ.ಐ ಮುಂದಾಗಿತ್ತು. ದೇಶದ ಐದು ನಗರಗಳ ಕೊಚ್ಚಿ, ಮೈಸೂರ್, ಜೈಪುರ, ಭುವನೇಶ್ವರ್, ಸಿಮ್ಲಾದಲ್ಲಿ ರೂ.10 ಪ್ಲಾಸ್ಟಿಕ್ ನೋಟು ಪೈಲಟ್ ಪ್ರಾಜೆಕ್ಟ್ ಅನ್ನು ಪ್ರಾರಂಭಿಸಲು ಮುಂದಾಗಿತ್ತು. ಆದರೆ ಎಟಿಎಂಗಳು, ಕ್ಯಾಶ್ ಮೆಷೀನ್‌ಗಳಲ್ಲಿ ತಾಂತ್ರಿಕ ಸಮಸ್ಯೆಗಳ ಕಾರಣ ಈ ಯೋಜನೆಯನ್ನು ತಾತ್ಕಾಲಿಕವಾಗಿ ನಿಲ್ಲಿಸಲಾಗಿದೆ. ಈಗ ಹೊಸ ತಂತ್ರಜ್ಞಾನಗಳು ಲಭ್ಯವಾಗುತ್ತಿದ್ದಂತೆ ಈ ಪ್ರಕ್ರಿಯೆಯು ಮತ್ತೆ ಮುಂದುವರಿಯಲಿದೆ.