​ಕೃಷಿ ಸಂಪೂರ್ಣ ಬಂಡವಾಳಶಾಹಿಗಳ ಕೈಗೆ ಸಿಲುಕುವ ಆತಂಕ​  – ಚನ್ನರಾಜ ಹಟ್ಟಿಹೊಳಿ

​ ಕೇಂದ್ರದ ಇಂತಹ ರೈತ ವಿರೋಧಿ ನೀತಿಯನ್ನು ರಾಜಕೀಯ ಪಕ್ಷಗಳು ಬೆಂಬಲಿ​ಸುವುದು ತಪ್ಪೇ ಎಂದು ಪ್ರಶ್ನಿಸಿದ ಅವರು, ಪಂಜಾಬ್ ನಲ್ಲಿ ನಾಲ್ಕೈದು ತಿಂಗಳಿಂದ ಪ್ರತಿಭಟನೆ ನಡೆಯುತ್ತಿ​ದ್ದರೂ ಕೇಂದ್ರ ಸರಕಾರ ಗಂಭೀರವಾಗಿ ಪರಿಗಣಿಸಲಿಲ್ಲ ಎಂದು ಆರೋಪಿಸಿದರು.

ಎಪಿಎಂಸಿ ಸದ್ಯಕ್ಕೆ ಮುಚ್ಚುವುದಿಲ್ಲ ಸರಿ, ಆದ್ರೆ ಭವಿಷ್ಯದಲ್ಲಿ ಖಾಸಗಿ ಮಂಡಿ ಪೈಪೋಟಿ ಎದುರಿಸಲು ಸಾಧ್ಯ​ವಾಗುವುದಿಲ್ಲ. ಎಪಿಎಂಸಿಯಲ್ಲಿ ಕನಿಷ್ಠ ಬೆಂಬಲ ಬೆಲೆ ಇಂದಿಗೂ ಇದೆ ಮುಂದೆಯೂ ಇರಲಿದೆ, ಆದ್ರೆ ಖಾಸಗಿ ಮಂಡಿಯಲ್ಲಿ ಬೆಲೆ ನಿಗದಿ ಮಾಡುವವರು ಯಾರು? ಬೆಳೆ ಕಟಾವಿಗೆ ಬಂದಾಗ ದಿಢೀರ್ ಬೆಲೆ ಇಳಿಸಿಬಿಟ್ರೆ ಕೇಳೊರ್ಯಾರು?​ ಪಂಜಾಬ್ ಮತ್ತು ಹರಿಯಾಣ ಭಾಗದ ರೈತರು ನಂಬಿರೋದೆ ಕನಿಷ್ಠ ಬೆಂಬಲ ಬೆಲೆಯನ್ನು​. ಒಪ್ಪಂದಾಧಾರಿತ ಕೃಷಿಯಲ್ಲಿ ಅನ್ಯಾಯವಾದ್ರೆ, ತಹಸೀಲ್ದಾರ್​,​ ತದನಂತರ ಡಿಸಿ ಬಳಿ ಹೋಗ್ಬೆಕು​. ಬಂಡವಾಳಶಾಹಿಗಳ ವಿರುದ್ಧ ಹೋರಾಡುವಷ್ಟು​ ಸಾಮಾನ್ಯ ರೈತರಿಗೆ​ ಆರ್ಥಿಕ​ ಶಕ್ತಿ​ ಇರುವುದಿಲ್ಲ​. ಅಲ್ಲಿ ನ್ಯಾಯ ಸಿಗುವ ನಿರೀಕ್ಷೆ​ಯೂ ಇಲ್ಲ. ಅಗತ್ಯ ಸರಕುಗಳ ತಿದ್ದುಪಡಿ ಕಾಯ್ದೆಯನ್ವಯ ದೊಡ್ಡ ದೊಡ್ಡ ಕಂಪನಿಗಳು ಆಹಾರ ದಾಸ್ತಾನು ಮಾಡಿ ಕೃತಕ ಅಭಾವ ಸೃಷ್ಟಿಸಿದರೆ ಕೇಳುವವರಿರುವುದಿಲ್ಲ. ಹಾಗಾಗಿ ​​ಕೃಷಿ ಸಂಪೂರ್ಣ ಬಂಡವಾಳಶಾಹಿಗಳ ಕೈಗೆ ಸಿಲುಕುವ ಆತಂಕ​ ಇದೆ ಎಂದು ಚನ್ನರಾಜ ಹಟ್ಟಿಹೊಳಿ ಹೇಳಿದರು.