ಜನರ ಸಂಕಷ್ಟಕ್ಕೆ ಸ್ಪಂದಿಸದವರು ಈಗ ಯಾತ್ರೆ ಮಾಡಿದರೆ ಏನು ಪ್ರಯೋಜನ? – ಡಾ.ಸೋನಾಲಿ ಸರ್ನೋಬತ್ ಪ್ರಶ್ನೆ  

ಈ ಕುರಿತು ಹೇಳಿಕೆ ನೀಡಿರುವ ಅವರು, ಖಾನಾಪುರ ಕ್ಷೇತ್ರದಲ್ಲಿ ಯಾವುದೇ ಕೆಲಸ ಮಾಡದ ಕಾಂಗ್ರೆಸ್ ಶಾಸಕರು ಹಾಥ್ ಸೇ ಹಾಥ್ ಜೋಡೋ ಎನ್ನುತ್ತ ಮನೆ ಮನೆಗೆ ಕಾಂಗ್ರೆಸ್ ಎಂದು ಅಭಿಯಾನ ಮಾಡುತ್ತಿದ್ದಾರೆ. ಕಾಂಗ್ರೆಸ್ ಮುಖಂಡರು ಎಷ್ಟೇ ದೂರ ಭಾರತ್ ಜೋಡೋ ಪಾದಯಾತ್ರೆ ಮಾಡಿದರೂ ಬೆಳೆದಿದ್ದು ರಾಹುಲ್ ಗಾಂಧಿಯವರ ಗಡ್ಡ ಮಾತ್ರವೇ ಹೊರೆತು ಬೇರೆ ಏನೂ ಪ್ರಯೋಜನ ಆಗಿಲ್ಲ. ಅಂತದ್ದರಲ್ಲಿ ಈಗ ಇಲ್ಲಿ ಯಾತ್ರೆ ಮಾಡಿದರೆ ಆಗುವುದೇನಿದೆ? ಜನರ ಸಂಕಷ್ಟಕ್ಕೆ ಸ್ಪಂದಿಸದವರು ಯಾವ ಯಾತ್ರೆ ಮಾಡಿದರೇನು ಎಂದು ಪ್ರಶ್ನಿಸಿದ್ದಾರೆ.

ಕಾಂಗ್ರೆಸ್ ನವರು ತಮ್ಮ ಚಿಹ್ನೆಯಲ್ಲಿರುವ ಹಸ್ತದ ರೇಖೆಗಳನ್ನು ಬದಲಾಯಿಸಿದ್ದಾರೆ. ಇವರ ಹಣಬರಹವೇ ಸರಿ ಇಲ್ಲ. ಅಂದಾಗ ಹಸ್ತದ ರೇಖೆ ಬದಲಿಸಿ ಏನು ಪ್ರಯೋಜನ? ಇದನ್ನೆಲ್ಲ ಬಿಟ್ಟು ಜನರ ಕೆಲಸ ಮಾಡಿದ್ದರೆ ಇವರ ಹಣೆಬರಹ ಸ್ವಲ್ಪವಾದರೂ ಬದಲಾಗುತ್ತಿತ್ತೇನೋ ಎಂದು ಅವರು ವ್ಯಂಗ್ಯವಾಡಿದ್ದಾರೆ.