ಈ ಪೊಲೀಸ್ ರಜೆ ಕೇಳಿದ್ದು ಏಕೆ? ಓದಿದ್ರೆ ಶಾಕ್ ಆಗ್ತೀರಿ
ಪ್ರಗತಿವಾಹಿನಿ ಸುದ್ದಿ, ಭೋಪಾಲ್ – ಈಗ ಯಾರು ನೋಡಿದರೂ ಕೊರೋನಾ ಭಯದಿಂದಾಗಿ ರಜೆ ಕೇಳುತ್ತಿದ್ದಾರೆ. ಕೆಲವರು ಸೋಂಕಿನಿಂದ, ಇನ್ನು ಕೆಲವರು ಕ್ವಾರಂಟೈನ್ ಗಾಗಿ, ಮತ್ತೆ ಕೆಲವರು ಭಯದಿಂದ.
ಆದರೆ ಮಧ್ಯಪ್ರದೇಶದ ಪೊಲೀಸ್ ಇಲಾಖೆಯ ಸಿಬ್ಬಂದಿ ಒಬ್ಬರು ವಿಚಿತ್ರ ಕಾರಣಕ್ಕಾಗಿ ರಜೆ ಅರ್ಜಿ ಸಲ್ಲಿಸಿದ್ದಾರೆ. ಈ ಅರ್ಜಿ ಈಗ ವೈರಲ್ ಆಗಿದೆ.
Home add -Advt
ವಿಶೇಷ ಪೊಲೀಸ್ ಪಡೆಯ ವಾಹನ ಚಾಲಕನೋರ್ವ ತನ್ನ ಎಮ್ಮೆಯ ಬಾಣಂತನಕ್ಕಾಗಿ ರಜೆಗೆ ಅರ್ಜಿ ಸಲ್ಲಿಸಿದ್ದಾರೆ. ಎಮ್ಮೆಯ ಬಾಣಂತನ ಮತ್ತು ಕರುವನ್ನು ನೋಡಿಕೊಳ್ಳುವ ಸಲುವಾಗಿ 6 ದಿನ ರಜೆ ಬೇಕಾಗಿದೆ ಎಂದಿದ್ದಾರೆ.
ನನ್ನ ಮನೆಯಲ್ಲಿ ತಾಯಿಗೆ ವಯಸ್ಸಾಗಿದೆ, ಮೈಯಲ್ಲಿ ಹುಷಾರಿಲ್ಲ. ಹಾಗಾಗಿ ಎಮ್ಮೆಯ ಬಾಣಂತನ ನೋಡಲು ಯಾರೂ ಇಲ್ಲ. ಈ ಎಮ್ಮೆಯ ಹಾಲು ಕುಡಿದೇ ನಾನು ಪೊಲೀಸ್ ಇಲಾಖೆಗೆ ಸೇರಲು ಸಾಧ್ಯವಾಗಿದೆ. ಹಾಗಾಗಿ ಎಮ್ಮೆಯ ಬಾಣಂತನ ನೋಡುವುದು ನನ್ನ ಜವಾಬ್ದಾರಿ. ಹಾಗಾಗಿ ನನಗೆ ರಜೆ ಕೊಡಿ ಎಂದು ಅರ್ಜಿಯಲ್ಲಿ ಕೋರಿದ್ದಾರೆ.
ರಜೆ ಮಂಜೂರಾಗುತ್ತಾ ಎನ್ನುವುದು ಇನ್ನೂ ಗೊತ್ತಾಗಿಲ್ಲ.
