ಬಡತನದ ಮಧ್ಯೆಯೂ ಸಾಧನೆ ಮಾಡಿದ ವಿದ್ಯಾರ್ಥಿನಿಗೆ ಸನ್ಮಾನ

ಶಿಕ್ಷಕ ಮಹೇಶ ಮಾವಿನಕಟ್ಟಿ ಮಾತನಾಡಿ, ಶಿಕ್ಷಣ ಎಂಬುದು ನಿರಂತರ ಪ್ರಕ್ರಿಯೆ ಎಷ್ಟೇ ಕಷ್ಟ ಬಂದರೂ ಛಲ ಬಿಡದೆ ಯಾರು ತಮ್ಮ ಗುರಿಯತ್ತ ಮುನ್ನುಗ್ಗುತ್ತಾರೊ ಅವರು ಸಾಧನೆ ಮಾಡುತ್ತಾರೆ ಎಂದರು.

ಗ್ರಾಮೀಣ ಯುವಕರ ಸೇನಾ ತರಬೇತಿ ಕೇಂದ್ರದ ಸಂಸ್ಥಾಪಕ ಪರವೇಜ್ ಹವಾಲ್ದಾರ ಮಾತನಾಡಿ, ಗ್ರಾಮೀಣ ಮಟ್ಟದ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಲು ಸದಾಸಿದ್ಧವಿದ್ದು ಇದರ ಸದುಪಯೋಗ ವಿದ್ಯಾರ್ಥಿಗಳು ಪಡೆಯಬೇಕು ಎಂದರು.

ನಿವೃತ್ತ ಯೋಧರಾದ ಎಸ್.ಪಿ. ಹಿರೇಮಠ, ತರಬೇತುದಾರ ಜಗದೀಶ ಮಾಳಗಿ, ಸಿಎಓ ಗಂಗಾಧರ ಹಿರೇಮಠ ಪ್ರಾಸ್ತಾವಿಕವಾಗಿ ಮಾತನಾಡಿದರು.

ಸತ್ಕಾರ ಸ್ವೀಕರಿಸಿ ಮಾತನಾಡಿದ ವಿದ್ಯಾರ್ಥಿನಿ ಕಾವೇರಿ ಹುಬ್ಬಳ್ಳಿ ಎಲ್ಲರಂತೆಯೇ ನನಗೂ ಕನಸಿತ್ತು ಆದರೆ ಈ ಕನಸಿಗೆ ನೀರೆರೆದವರು ಹಲವರು ಎಂದಳು.

ಈ ಸಂದರ್ಭದಲ್ಲಿ ಸುವರ್ಣಾ ಮಾಳಗಿ, ತಕ್ವೀಮ್ ಗೋಕಾಕ,  ಕಾವೇರಿಯ ಪಾಲಕರು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.