ವಿಶ್ವಕ್ಕೆ ಮಾರ್ಗದರ್ಶ ನೀಡುವುದಕ್ಕಾಗಿ ಭಾರತ ಜನ್ಮ ತಾಳಿದೆ -ಕಾನಿಟ್ಕರ್

ನಾವು ಹಣದ ಆಧಾರದ ಮೇಲೆ ಭವಿಷ್ಯವನ್ನು ಅಳೆಯುತ್ತೇವೆ. ಮನುಷ್ಯ ಕೇವಲ ಹಣ ಗಳಿಸುವ ಯಂತ್ರವಲ್ಲ. ಆರ್ಥಿಕತೆಯ ಆಧಾರದ ಮೇಲೆ ಎಲ್ಲವನ್ನೂ ನಿಯಂತ್ರಿಸುವ ಬದಲು ಧಾರ್ಮಿಕತೆಯ ಆಧಾರದ ಮೇಲೆ ನಿಯಂತ್ರಣ ಮಾಡಬೇಕು. ನಮ್ಮನ್ನು ನಾವು ಪರಿವರ್ತನೆ ಮಾಡಿಕೊಳ್ಳಬೇಕು. ಜೊತೆಗೆ ಶಿಕ್ಷಣ ವ್ಯವಸ್ಥೆಯಲ್ಲೂ ಪರಿವರ್ತನೆಯಾಗಬೇಕು. ಎಲ್ಲದಕ್ಕೂ ಅಮೇರಿಕಾ ಮಾದರಿ ಅನುಸರಿಸುವುದನ್ನು ನಿಲ್ಲಿಸಬೇಕು. ಭಾರತೀಯ ಪದ್ಧತಿಯೇ ನಮಗೆ ಆದರ್ಶವಾಗಬೇಕು ಎಂದು ಅವರು ಹೇಳಿದರು.

ವರ್ಷದಿಂದ ವರ್ಷಕ್ಕೆ ದುರ್ಬಲ ಮಕ್ಕಳು ಹುಟ್ಟುತ್ತಿದ್ದಾರೆ. ಮಾನಸಿಕ ಮತ್ತು ಶಾರೀರಿಕ ದೌರ್ಬಲ್ಯದಿಂದ ಕೂಡಿದ್ದರೆ ಅಂತವರನ್ನು ರೂಪಿಸುವುದು ಯಾರಿಂದಲೂ ಸಾಧ್ಯವಿಲ್ಲ. ಭಾರತೀಯ ಜೀವನ ದೃಷ್ಟಿಯ ಮೇಲೆ ಶಿಕ್ಷಣ ರೂಪುಗೊಂಡಾಗ ನಮ್ಮ ಬಹುತೇಕ ಸಮಸ್ಯೆಗಳಿಗೆ ಪರಿಹಾರ ಸಾಧ್ಯ. ಶಿಕ್ಷಣದ ಮೂಲಕವೇ ಭಾರತೀಯ ಮನಸ್ಸುಗಳನ್ನು ಗೆಲ್ಲಬಹುದು. ಅಂದಾಗ ಸರ್ವ ಅರ್ಥದಲ್ಲಿ ಸ್ವಾಂತ್ರ್ಯ ಸಾಧ್ಯ ಎಂದು ಇಂದುಮತಿ ಹೇಳಿದರು.

ಡಾ.ಅಲ್ಕಾ ಕಾಳೆ ಗೋಷ್ಠಿ ಸಂಯೋಜಿಸಿದರು.

ಆರ್ಥಿಕ ವಿಷಯಕ್ಕೆ ಸಬಂಧಿಸಿದ ಗೋಷ್ಠಿಯಲ್ಲಿ ಮಾತನಾಡಿದ ಲೇಖಕ ಪ್ರೊ.ಕನಗ ಸಭಾಪತಿ, ಭಾರತದ ಮೂಲೆ ಮೂಲೆಗಳಲ್ಲಿ ಉದ್ಯಮಗಳು ಅತ್ಯಂತ ವೇಗವಾಗಿ ಬೆಳೆಯುತ್ತಿವೆ. ಆದರೆ ಅವುಗಳನ್ನು ಗುರುತಿಸುವಲ್ಲಿ, ಅವುಗಳ ಸಮಸ್ಯೆ ಪರಿಹರಿಸುವಲ್ಲಿ ನಾವು ಎಡವುತ್ತಿದ್ದೇವೆ ಎಂದರು.

ಭಾರತೀಯ ಮಹಿಳೆಯರು ಇಲ್ಲಿನ ಉದ್ಯಮ ಬೆಳೆಯುವಲ್ಲಿ ಅತ್ಯಂತ ಪ್ರಮುಖ ಪಾತ್ರ ವಹಿಸುತ್ತಿದ್ದಾರೆ ಎನ್ನುವುದು ಅಧ್ಯಯನದಿಂದ ಗೊತ್ತಾಗಿದೆ.  ಭಾರತದ ಕಾರ್ಯವಿಧಾನವೇ ವಿಶೇಷವಾಗಿದೆ. ಇಲ್ಲಿನ ಪದ್ಧತಿಯನ್ನು ವಿದೇಶಗಳು ಅಳವಡಿಸಿಕೊಳ್ಳುತ್ತಿವೆ. ನಮ್ಮಲ್ಲಿ ಆಡಳಿತಾತ್ಮಕ ಅಂಶಗಳು ಬದಲಾದರೆ ಆರ್ಥಿಕತೆ ಅತ್ಯಂತ ವೇಗವಾಗಿ ಬೆಳವಣಿಗೆ ಹೊಂದಲು ಸಾಧ್ಯ ಎಂದು ಅವರು ಹೇಳಿದರು.

ಮಣಿಪುರದ ರಾಜಕೀಯ ವಿಚಾರವಾದಿ ರಜತ್ ಸೇಥಿ, ಅಟಲ್ ಬಿಹಾರಿ ವಾಜಪೇಯಿ ಪ್ರಧಾನಿಯಾಗಿದ್ದ ಅವಧಿಯಲ್ಲಿ ಆದ ಸುಧಾರಣೆ ಮತ್ತೆಂದೂ ಆಗಿಲ್ಲ. 2013-14ರಲ್ಲಿ ಯುಪಿಎ ಸರಕಾರವಿದ್ದಾಗ ಭಾರತದ ಆರ್ಥಿಕ ಸ್ಥಿತಿ ಕೋಮಾಕ್ಕೆ ಹೋಗಿತ್ತು. ಅದನ್ನು ಸರಿಪಡಿಸಲು ನರೇಂದ್ರ ಮೋದಿ ಸರಕಾರಕ್ಕೆ 5 ವರ್ಷ ಬೇಕಾಯಿತು. ಮೋದಿಯ ವೇಗ ಮತ್ತು ದೂರದೃಷ್ಟಿಗೆ ಇಲ್ಲಿಯ ಜನರು ಓಡಬೇಕಿದೆ ಎಂದು ಹೇಳಿದರು.

ರಾಜೇಂದ್ರ ಬೆಳಗಾಂವ್ಕರ್ ಗೋಷ್ಠಿ ಸಂಯೋಜಿಸಿದರು.