ಆಸ್ಕರ್ ಗೆ ಎಂಟ್ರಿ ಪಡೆದ ‘ಛೆಲ್ಲೊ ಶೋ’ ಚಿತ್ರದ ಬಾಲನಟ ರಾಹುಲ್ ಅಕಾಲಿಕ ಸಾವು

ಪ್ರಗತಿವಾಹಿನಿ ನ್ಯೂಸ್, ಅಹಮದಾಬಾದ್: 2023ರ ಆಸ್ಕರ್ ಗೆ ಎಂಟ್ರಿ ಪಡೆದ ಗುಜರಾತಿ ಚಲನಚಿತ್ರ ‘ಛೆಲ್ಲೊ ಶೋ’ (The last film show) ದಲ್ಲಿ ನಟಿಸಿದ ಬಾಲನಟ ರಾಹುಲ್ ಕೋಲಿ (10) ಅಕಾಲಿಕ ಸಾವಿಗೀಡಾಗಿದ್ದಾರೆ.

ಕ್ಯಾನ್ಸರ್ ಪೀಡಿತರಾಗಿದ್ದ ಬಾಲನಟ ಹಲವು ದಿನಗಳಿಂದ ಲ್ಯುಕಿಮಿಯಾದೊಂದಿಗೆ ಹೋರಾಟ ನಡೆಸಿದ್ದರು. ‘ಛೆಲ್ಲೊ ಶೋ’ (The last film show) ಚಿತ್ರದಲ್ಲಿ ತಮ್ಮ ಅದ್ಭುತ ನಟನೆಯಿಂದ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿದ್ದರು. ಅವರ ನಟನೆಯ ‘ಛೆಲ್ಲೊ ಶೋ’ (The last film show) ಚಿತ್ರ ಇತ್ತೀಚಿನ ಬಾಲಿವುಡ್ ಹಾಗೂ ದಕ್ಷಿಣದ ಸಿನೆಮಾಗಳನ್ನೂ ಹಿಂದಿಕ್ಕಿತ್ತು.

ರಾಹುಲ್ ಕೋಲಿ ತಂದೆ ಜೀವನೋಪಾಯಕ್ಕಾಗಿ ಆಟೊ ರಿಕ್ಷಾ ಓಡಿಸುತ್ತಿದ್ದಾರೆ. ತಮ್ಮ ಮಗ ಇದೇ ಅಕ್ಟೋಬರ್ 14ರಂದು ತನ್ನ ಚಿತ್ರದ ಬಿಡುಗಡೆಗಾಗಿ ಎದುರು ನೋಡುತ್ತಿದ್ದುದಾಗಿ ಹೇಳಿಕೊಂಡಿದ್ದ ರಾಮು ಕೋಲಿ, “ಅದಕ್ಕಿಂತ ಮುನ್ನವೇ ಆತ ನಮ್ಮನ್ನು ಅಗಲಿದ್ದಾನೆ” ಎಂದು ಕಣ್ಣೀರಾದರು.

ಜೀವನದ ಕೇವಲ ಒಂದು ದಶಕದ ಅಲ್ಪಾಯುಷ್ಯದಲ್ಲಿ ಜಗತ್ತಿನಾದ್ಯಂತ ಗುರುತಿಸಿಕೊಂಡ ರಾಹುಲ್ ಸಾವಿಗೆ ಹಲವು ಗಣ್ಯರು, ಅಭಿಮಾನಿಗಳು ಸಂತಾಪ ವ್ಯಕ್ತಪಡಿಸಿದ್ದಾರೆ.

ಸಿಎಂ ಬೊಮ್ಮಾಯಿ ಭೇಟಿಯಾದ ನಟ ಪುನೀತ್ ರಾಜ್ ಕುಮಾರ್ ಪತ್ನಿ ಅಶ್ವಿನಿ