ಪ್ರಿಯತಮೆಯನ್ನು ಕೊಲೆಗೈದು; 35 ತುಂಡುಗಳನ್ನಾಗಿ ಮಾಡಿದ್ದ ಪ್ರಿಯತಮ; 18 ದಿನಗಳ ಕಾಲ ದೇಹದ ಭಾಗಗಳನ್ನು ಫ್ರಿಡ್ಜ್ ನಲ್ಲಿಟ್ಟಿದ್ದ…; ಮುಂದೇನಾಯ್ತು?
ಪ್ರಗತಿವಾಹಿನಿ ಸುದ್ದಿ; ನವದೆಹಲಿ: ಲಿವ್-ಇನ್ ಸಂಗಾತಿಯನ್ನು ಬರ್ಬರವಾಗಿ ಹತ್ಯೆಗೈದಿದ್ದ ಪ್ರಿಯತಮನೊಬ್ಬ ಆಕೆಯ ದೇಹವನ್ನು 35 ತುಂಡುಗಳನ್ನಾಗಿ ಕತ್ತರಿಸಿ ದೇಹದ ಪೀಸ್ ಗಳನ್ನು 18 ದಿನಗಳ ಕಾಲ ಫ್ರೀಡ್ಜ್ ನಲ್ಲಿಟ್ಟು ಬಳಿಕ ವಿವಿಧ ಪ್ರದೇಶಗಳಲ್ಲಿ ಬಿಸಾಕಿರುವ ಘಟನೆ ನಡೆದಿದೆ.
ದೆಹಲಿ ಪೊಲೀಸರು ಭಯಂಕರ ಹತ್ಯೆ ಪ್ರಕರಣವೊಂದನ್ನು ಭೇದಿಸಿದ್ದು, ವಿಕೃತ ಆರೋಪಿಯ ಅಟ್ಟಹಾಸದ ಕಥೆಯನ್ನು ಬಯಲು ಮಾಡಿದ್ದಾರೆ. 26 ವರ್ಷದ ಶ್ರದ್ಧಾ ಎಂಬ ಯುವತಿಯ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಫ್ತಾಬ್ ಅಮೀನ್ ಪೂನಾವಾಲಾ ಎಂಬಾತನನ್ನು ಬಂಧಿಸಿದ್ದು, ತನಿಖೆ ವೇಳೆ ಆತ ತನ್ನ ಲಿವ್ ಇನ್ ಸಂಗಾತಿಯನ್ನೇ ಭೀಕರವಾಗಿ ಹತ್ಯೆಗೈದಿರುವುದು ಬೆಳಕಿಗೆ ಬಂದಿದೆ.
ಅಫ್ತಾಬ್ ಹಾಗೂ ಶ್ರದ್ಧಾ ಲಿವ್ ಇನ್ ರಿಲೇಶನ್ ಶಿಪ್ ನಲ್ಲಿ ಜೊತೆಯಾಗಿ ವಾಸವಾಗಿದ್ದರು. ಅಫ್ತಾಬ್ ತನ್ನ ಪ್ರಿಯತಮೆ ಶ್ರದ್ಧಾಲನ್ನು ಕತ್ತು ಹಿಸುಕಿ ಕೊಲೆ ಮಾಡಿದ್ದ. ಬಳಿಕ ಆಕೆಯ ದೇಹವನ್ನು ತುಂಡು ತುಂಡುಗಳನ್ನಾಗಿ ಕತ್ತರಿಸಿ 35 ತುಂಡುಗಳನ್ನಾಗಿ ಮಾಡಿದ್ದ. ಬಳಿಕ ಮೃತದೇಹದ ತುಂಡುಗಳನ್ನು ಇಡಲೆಂದೇ ದೊಡ್ಡ ಫ್ರಿಡ್ಜ್ ಒಂದನ್ನು ಖರೀದಿಸಿ ಅದನ್ನು 18 ದಿನಗಳ ಕಾಲ ಫ್ರಿಡ್ಜ್ ನಲ್ಲಿ ಇರಿಸಿದ್ದ.
ಬಳಿಕ ಪ್ರತಿದಿನ ಒಂದೊಂದೇ ದೇಹದ ತುಂಡುಗಳನ್ನು ದೆಹಲಿಯ ವಿವಿಧ ಪ್ರದೇಶಗಳಲ್ಲಿ ಬಿಸಾಕಿದ್ದ. ದೇಹದ ಭಾಗಗಳನ್ನು ಬಿಸಾಕಲೆಂದೇ ಆರೋಪಿ ಪ್ರತಿದಿನ 2 ಗಂಟೆಗೆ ಮನೆಯಿಂದ ಹೊರಹೋಗುತ್ತಿದ್ದ ಎಂದು ತಿಳಿದುಬಂದಿದೆ.
ಶ್ರದ್ಧಾ ಮುಂಬೈನ ಬಹುರಾಷ್ಟ್ರೀಯ ಕಂಪನಿಯೊಂದರ ಕಾಲ್ ಸೆಂಟರ್ ನಲ್ಲಿ ಕೆಲಸ ಮಾಡುತ್ತಿದ್ದರು. ಅಲ್ಲಿ ಆಕೆ ಅಫ್ತಾಬ್ ನನ್ನು ಭೇಟಿಯಾಗಿದ್ದಳು. ಇಬ್ಬರ ಓಡಾಟ, ಸ್ನೇಹ, ಪ್ರೇಮ ಜೊತೆಯಲ್ಲಿರಲು ನಿರ್ಧರಿಸಿದ್ದರು. ಆದರೆ ಶ್ರದ್ಧಾ ಮನೆಯವರು ಲಿವ್ ಇನ್ ರಿಲೇಶನ್ ಶಿಪ್ ಸಂಬಂಧವನ್ನು ಒಪ್ಪಿರಲಿಲ್ಲ. ಇದರಿಂದ ಶ್ರದ್ಧಾ ಹಾಗೂ ಅಫ್ತಾಬ್ ದೆಹಲಿಗೆ ಬಂದು ವಾಸವಾಗಿದ್ದರು.
ಹಲವು ದಿನಗಳಿಂದ ಶ್ರದ್ಧಾ ತನ್ನ ಕುಟುಂಬದವರ ಫೋನ್ ಗೂ ಸಿಕ್ಕಿರಲಿಲ್ಲ. ಇದರಿಂದ ಶ್ರದ್ಧಾ ತಂದೆ ವಿಕಾಸ್ ಮದನ್ ಮಗಳನ್ನು ಭೇಟಿಯಾಗಲೆಂದು ದೆಹಲಿಗೆ ಬಂದಿದ್ದರು. ನವೆಂಬರ್ 8ರಂದು ಫ್ಲಾಟ್ ಗೆ ಬಂದಾಗ ಡೋರ್ ಲಾಕ್ ಆಗಿತ್ತು. ಫೋನ್ ಕರೆ ರಿಸೀವ್ ಮಾಡುತ್ತಿರಲಿಲ್ಲ. ಇದರಿಂದ ವಿಕಾಸ್ ಮೆಹ್ರೌಲಿ ಠಾಣೆಯಲ್ಲಿ ಕಿಡ್ನ್ಯಾಪ್ ಕೇಸ್ ದಾಖಲಿಸಿದ್ದರು.
ಶ್ರದ್ಧಾ ತಂದೆ ದೂರಿನ ಆಧಾರದ ಮೇಲೆ ಪೊಲೀಸರು ಅಫ್ತಾಬ್ ಪೂನಾವಾಲಾನನ್ನು ಶನಿವಾರ ಬಂಧಿಸಿದ್ದರು. ಆದರೆ ಶ್ರದ್ಧಾಳನ್ನು ಹಲವು ದಿನಗಳ ಹಿಂದೆಯೇ ಹತ್ಯೆಗೈದಿದ್ದ ಪಾಪಿ ಆಕೆಯನ್ನು ತುಂಡು ತುಂಡಾಗಿ ಕತ್ತರಿಸಿದ್ದ.
18 ದಿನ ದೇಹದ ತುಂಡುಗಳನ್ನು ಫ್ರಿಡ್ಜ್ ನಲ್ಲಿಟ್ಟು ಪ್ರತಿ ದಿನ ಒಂದೊಂದೇ ಭಾಗಗಳನ್ನು ದೆಹಲಿಯಾದ್ಯಂತ ಬಿಸಾಕಿದ್ದ ಎಂಬ ವಿಚಾರ ತನಿಖೆಯಿಂದ ತಿಳಿದುಬಂದಿದೆ.
ಸೂಪರ್ ಸ್ಟಾರ್ ಸಿನಿಮಾ ನಿರ್ದೇಶಕನ ವಿರುದ್ಧ FIR ದಾಖಲು
https://pragati.taskdun.com/latest/super-star-filmdirector-r-venkatesh-babufir/
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
