ಮಿಲ್ಟ್ರಿ ತರಬೇತಿ ವೇಳೆ ಕುಸಿದು ಬಿದ್ದು ಯುವಕನ ಸಾವು
ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ –
ಇಲ್ಲಿಯ ಮರಾಠಾ ಲೈಟ್ ಇನ್ ಫಂಟ್ರಿ ರೆಜಿಮೆಂಟ್ (ಎಂಎಲ್ ಐಆರ್ ಸಿ)ನಲ್ಲಿ ಇನ್ಸ್ಪೆಕ್ಟರ್ ತರಬೇತಿ ಪಡೆಯುತ್ತಿದ್ದಾಗ ಕುಸಿದು ಬಿದ್ದು ಯುವಕನೋರ್ವ ಮೃತಪಟ್ಟಿದ್ದಾನೆ.
ಕೊಲ್ಲಾಪುರ ಜಿಲ್ಲೆ ಪನ್ನಾಳ ತಾಲೂಕಿನ ಗರಪನದ ಅನಿಕೇತ ಸುಭಾಷ ಮೊಳೆ (22) ಮೃತನಾದ ಯುವಕ.
ಬುಧವಾರ ಮಧ್ಯಾಹ್ನ ಎಂಎಲ್ಐಆರ್ ಸಿ ಪಿಟಿ ಮೈದಾನದಲ್ಲಿ ತರಬೇತಿ ನಡೆಯುತ್ತಿತ್ತು.
12 ಗಂಟೆಗೆ ಹಗ್ಗೆ ಏರಿ ಇಳಿಯುವ ತರಬೇತಿ ಪಡೆಯುತ್ತಿದ್ದಾಗ ಈ ಘಟನೆ ನಡೆದಿದೆ. ಹಗ್ಗ ಏರಿ ಇಳಿದು ಒಂದು ಹೆಜ್ಜೆ ಮುಂದೆ ಹೊಗುತ್ತಿದ್ದಂತೆ ಅನಿಕೇತ ಕುಸಿದು ಬಿದ್ದಿದ್ದಾನೆ. ಕೂಡಲೇ ಆತನನ್ನು ಮಿಲ್ಟ್ರಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಆದರೆ ಚಿಕಿತ್ಸೆ ಫಲಿಸದೆ ರಾತ್ರಿ 10.30ಕ್ಕೆ ಆತ ಸಾವನ್ನಪ್ಪಿದ್ದಾನೆ. ಈ ಕುರಿತು ದೈಹಿಕ ತರಬೇತಿ ಅಧಿಕಾರಿ ಮೇಜರ್ ತಾಪಾ ಪೊಲೀಸ್ ದೂರು ನೀಡಿದ್ದಾರೆ.
GENERAL OFFICER COMMANDING-IN-CHIEF VISITS MLIRC
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
