ಬೆಳಗಾವಿಗೆ ಗುರುವಾರ ಮೋಹನ್ ಭಾಗ್ವತ್

ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ : ರಾಷ್ಟ್ರೀಯ ಸ್ವಯಂ ಸೇವಕ ಸಂಘ(RSS)ದ ಸರಸಂಘಚಾಲಕ ಮೋಹನ್ ಭಾಗ್ವತ್ ಅವರು ಗುರುವಾರ (ಆಗಸ್ಟ್ 1) ಬೆಳಗಾವಿಗೆ ಆಗಮಿಸಲಿದ್ದಾರೆ.

ಬೆಳಗಾವಿಯ ಅಕಾಡೆಮಿ ಆಫ್ ಕಂಪ್ಯಾರೇಟಿವ್ ಫಿಲಾಸಫಿ ಆ್ಯಂಡ್ ರಿಲಿಜನ್ (ACPR) ಶತಮಾನೋತ್ಸವ ಸಮಾರಂಭವನ್ನು ಮೋಹನ್ ಭಾಗ್ವತ್ ಉದ್ಘಾಟಿಸಲಿದ್ದಾರೆ. ಅಂದು ಸಂಜೆ 4 ಗಂಟೆಗೆ ಕರ್ನಾಟಕ ಲಾ ಸೊಸೈಟಿಯ ಕೆ.ಕೆ.ವೇಣುಗೋಪಾಲ ಆಡಿಟೋರಿಯಂನಲ್ಲಿ ಕಾರ್ಯಕ್ರಮ ನಡೆಯಲಿದೆ.

ಇದೇ ಸಂದರ್ಭದಲ್ಲಿ, ಎಸಿಪಿಆರ್ ಮತ್ತು ಅದರ ಸಂಸ್ಥಾಪಕರ ಪ್ರೊಫೈಲ್ ಬುಕ್ ಫೂಟ್ ಪ್ರಿಂಟ್ಸ್ ಆನ್ ದ ಸ್ಯಾಂಡ್ಸ್ ಆಫ್ ಟೈಮ್ ನ್ನು ಹೈದರಾಬಾದ್ ನ ರಾಮಚಂದ್ರ ಮಿಶನ್ ನ ಪದ್ಮಭೂಷಣ ಕಮಲೇಶ್ ಪಟೇಲ್ ಅವರು ಬಿಡುಗಡೆ ಮಾಡಲಿದ್ದಾರೆ.

ಆಮಂತ್ರಿತರಿಗೆ ಮಾತ್ರ ಕಾರ್ಯಕ್ರಮಕ್ಕೆ ಪ್ರವೇಶವಿದೆ ಎಂದು ಎಸಿಪಿಆರ್ ಗೌರವ ಕಾರ್ಯದರ್ಶಿ ಎಂ.ಬಿ.ಜಿರಲಿ ತಿಳಿಸಿದ್ದಾರೆ.