*ಚಿನ್ನದ ಬೆಲೆಯಲ್ಲಿ ಮತ್ತೆ ಇಳಿಕೆ*: *ವಾರಾಂತ್ಯಕ್ಕೆ ₹320 ಕುಸಿತ, ಇಂದಿನ ದರ ಎಷ್ಟು?*
ಪ್ರಗತಿವಾಹಿನಿ ಸುದ್ದಿ: ಚಿನ್ನದ ಬೆಲೆಯಲ್ಲಿ ಸತತ ಏರಿಳಿತ ಮುಂದುವರಿದಿದೆ. ಒಂದು ದಿನ ದರ ಏರಿಕೆ ಕಂಡರೆ ಮತ್ತೊಂದು ದಿನ ಇಳಿಕೆಯಾಗುತ್ತಿದೆ. ಇದೀಗ ವಾರಾಂತ್ಯದಲ್ಲಿ ಚಿನ್ನದ ದರ ಮತ್ತೆ ಸ್ವಲ್ಪ ಕುಸಿತ ಕಂಡಿದ್ದು, ಒಂದು ಗ್ರಾಂಗೆ ₹100 ಇಳಿಕೆಯಾಗಿದೆ. ಈ ವಾರ ಒಟ್ಟಾರೆ ಚಿನ್ನದ ಬೆಲೆಯಲ್ಲಿ ₹320ರಷ್ಟು ಇಳಿಕೆಯಾಗಿದೆ.
ಇಂದಿನ ದರದ ಪ್ರಕಾರ ಭಾರತದಲ್ಲಿ 22 ಕ್ಯಾರಟ್ ಚಿನ್ನದ 10 ಗ್ರಾಂ ಬೆಲೆ ₹1,36,750 ಇದೆ. 24 ಕ್ಯಾರಟ್ ಅಪರಂಜಿ ಚಿನ್ನದ 10 ಗ್ರಾಂ ಬೆಲೆ ₹1,49,180ಕ್ಕೆ ತಲುಪಿದೆ. ಒಂದು ಗ್ರಾಂ 24 ಕ್ಯಾರಟ್ ಚಿನ್ನದ ಬೆಲೆ ₹14,918 ಇದ್ದರೆ, 22 ಕ್ಯಾರಟ್ ಚಿನ್ನ ₹13,675 ಮತ್ತು 18 ಕ್ಯಾರಟ್ ಚಿನ್ನ ₹11,189ರಷ್ಟಿದೆ. ಬೆಳ್ಳಿಯ ದರ ಒಂದು ಗ್ರಾಂಗೆ ₹235 ಇದೆ.
ಬೆಂಗಳೂರಿನಲ್ಲಿ 22 ಕ್ಯಾರಟ್ ಚಿನ್ನದ ಒಂದು ಗ್ರಾಂ ದರ ₹13,675 ಇದೆ. ಚೆನ್ನೈ, ಮುಂಬೈ, ಕೋಲ್ಕತಾ ಹಾಗೂ ಕೇರಳದಲ್ಲೂ ಇದೇ ದರ ದಾಖಲಾಗಿದೆ. ದೆಹಲಿ, ಜೈಪುರ ಮತ್ತು ಲಕ್ನೋದಲ್ಲಿ ಒಂದು ಗ್ರಾಂಗೆ ₹13,690ರಷ್ಟಿದೆ. ಅಹಮದಾಬಾದ್‌ನಲ್ಲಿ 22 ಕ್ಯಾರಟ್ ಚಿನ್ನದ ಒಂದು ಗ್ರಾಂ ದರ ₹13,680 ಇದ್ದರೆ, ಭುವನೇಶ್ವರದಲ್ಲಿ ₹13,675 ಇದೆ.
ಬೆಳ್ಳಿಯ ದರದಲ್ಲೂ ನಗರದಿಂದ ನಗರಕ್ಕೆ ವ್ಯತ್ಯಾಸವಿದೆ. ಬೆಂಗಳೂರಿನಲ್ಲಿ ಒಂದು ಗ್ರಾಂ ಬೆಳ್ಳಿ ₹235 ಇದ್ದರೆ, ಚೆನ್ನೈ ಮತ್ತು ಕೇರಳದಲ್ಲಿ ₹245ರಷ್ಟಿದೆ. ಮುಂಬೈ, ದೆಹಲಿ, ಕೋಲ್ಕತಾ, ಅಹಮದಾಬಾದ್, ಜೈಪುರ ಮತ್ತು ಲಕ್ನೋದಲ್ಲಿ ₹235ರ ದರ ಇದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಚಿನ್ನ ಮತ್ತು ಬೆಳ್ಳಿ ದರ ದಾಖಲಾಗಿದೆ. ಸ್ಪಾಟ್ ಗೋಲ್ಡ್ ಒಂದು ಗ್ರಾಂಗೆ 133.13 ಡಾಲರ್ ಹಾಗೂ ಸ್ಪಾಟ್ ಸಿಲ್ವರ್ ಒಂದು ಗ್ರಾಂಗೆ 1.941 ಡಾಲರ್‌ಗಳಷ್ಟಿದೆ.
ವಿವಿಧ ದೇಶಗಳ ದರ ಗಮನಿಸಿದರೆ, ಭಾರತದಲ್ಲಿ 24 ಕ್ಯಾರಟ್ ಚಿನ್ನದ ಒಂದು ಗ್ರಾಂ ಬೆಲೆ ₹14,918 ಇದೆ. ಮಲೇಷ್ಯಾದಲ್ಲಿ ₹13,179, ದುಬೈನಲ್ಲಿ ₹13,030, ಅಮೆರಿಕದಲ್ಲಿ ₹13,125, ಸಿಂಗಾಪುರದಲ್ಲಿ ₹13,678ರಷ್ಟಿದೆ.
ಕತಾರ್‌ನಲ್ಲಿ ಒಂದು ಗ್ರಾಂ 24 ಕ್ಯಾರಟ್ ಚಿನ್ನ ₹13,162, ಸೌದಿ ಅರೇಬಿಯಾದಲ್ಲಿ ₹13,240, ಓಮನ್‌ನಲ್ಲಿ ₹13,223 ಹಾಗೂ ಕುವೈತ್‌ನಲ್ಲಿ ₹13,107ರಷ್ಟಿದೆ. ಚಿನ್ನದ ಬೆಲೆಯಲ್ಲಿ ಸದ್ಯ ಏರಿಳಿತ ಮುಂದುವರಿದಿರುವುದರಿಂದ ಖರೀದಿದಾರರು ದೈನಂದಿನ ದರದ ಮೇಲೆ ಕಣ್ಣಿಡುತ್ತಿದ್ದಾರೆ. ಆಭರಣ ಖರೀದಿಸುವಾಗ ಇಲ್ಲಿ ನೀಡಿರುವ ದರಗಳಿಗೆ ಜಿಎಸ್‌ಟಿ, ಮೇಕಿಂಗ್ ಚಾರ್ಜ್ ಸೇರಿದಂತೆ ಇತರ ಶುಲ್ಕಗಳು ಹೆಚ್ಚುವರಿಯಾಗಿ ಅನ್ವಯಿಸಬಹುದು.
ಪ್ರಗತಿವಾಹಿನಿ ಸುದ್ದಿಗಳನ್ನು ನಿಮ್ಮ ಸ್ನೇಹಿತರಿಗೆ, ಬೇರೆ ಗ್ರುಪ್ ಗಳಿಗೆ ಶೇರ್ ಮಾಡಿ
