ಝರಿ ಕಡುಬು
ಅಕ್ಕಿ, ಕಬ್ಬಿನ ಹಾಲು ಉಪಯೋಗಿಸಿ ಮಾಡುವ ಈ ಕಜ್ಜಾಯ ತುಂಬಾ ರುಚಿ ಹಾಗು ಪೌಷ್ಟಿಕಾಂಶವನ್ನು ಹೊಂದಿರುತ್ತದೆ.ಬೇಕಾದ ಸಾಮಗ್ರಿಗಳು:
ಅಕ್ಕಿ 1 ಕಪ್, ಅವಲಕ್ಕಿ ಅರ್ಧ ಕಪ್, ರುಚಿಗೆ ಉಪ್ಪು, ಕಬ್ಬಿನ ಹಾಲು 2 -3 ಕಪ್
ಮಾಡುವ ವಿಧಾನ:
ಅಕ್ಕಿಯನ್ನು ಒಂದುರಾತ್ರಿ ನೀರಿನಲ್ಲಿ ನೆನೆಸಿಡಬೇಕು. ಅಕ್ಕಿಯನ್ನು ಚೆನ್ನಾಗಿ ತೊಳೆದು ಅವಲಕ್ಕಿ ಹಾಕಿ ನುಣ್ಣಗೆ ಕಬ್ಬಿನ ಹಾಲಿನಲ್ಲಿ ರುಬ್ಬಬೇಕು. ರುಚಿಗೆ ಉಪ್ಪು ಸೇರಿಸಬೇಕು. ಹಿಟ್ಟು ದೋಸೆ ಹಿಟ್ಟಿಗಿಂತ ಸ್ವಲ್ಪ ದಪ್ಪವಿರಬೇಕು. ಸಿಹಿ ಹೆಚ್ಚಿಗೆ ಬೇಕೆನಿಸಿದರೆ ಬೆಲ್ಲ ಸೇರಿಸಬಹುದು. ಹಿಟ್ಟು ರುಬ್ಬಿ 8-10 ತಾಸು ಹಾಗೆ ಇಟ್ಟಿರಬೇಕು . ಹಿಟ್ಟು ಉಬ್ಬಿ ಬಂದು ಕಡಬು ಸ್ಪಂಜಿನ ತರ ಮೃದುವಾಗಿರುತ್ತೆ. ಹಿಟ್ಟನ್ನಾ ಕುಕ್ಕರ್ ಕಂಟೇನರ್ ಅಥವಾ ಪ್ಲೇಟಿನಲ್ಲಿ ಹಾಕಿ ಉಗಿಯಲ್ಲಿ 30 ನಿಮಿಷ ಬೇಯಿಸಬೇಕು. ಮೃದುವಾದ ಕಡುಬು ಸವಿಯಲು ತಯಾರಾಗಿದೆ.
