ಮಹಿಳೆ ಮೇಲೆ ಅತ್ಯಾಚಾರಕ್ಕೆ ಯತ್ನ ಆರೋಪ: ಚಿಕ್ಕೋಡಿಯಲ್ಲಿ ವಕೀಲನ ಬಂಧನ

ಪ್ರಗತಿವಾಹಿನಿ ಸುದ್ದಿ, ಕಬ್ಬೂರ್ – ಸಹಾಯ ಮಾಡುವುದಾಗಿ ಹೇಳಿ ಮಹಿಳೆಯ ಮೇಲೆ ವಕೀಲನೋರ್ವ ಅತ್ಯಾಚಾರಕ್ಕೆ ಯತ್ನಿಸಿದ ಆರೋಪ ಕೇಳಿ ಬಂದಿದೆ.

ಸಂಜು ವಡ್ಡರಗಾವಿ ಎನ್ನುವ ವ್ಯಕ್ತಿ ಅತ್ಯಾಚಾರಕ್ಕೆ ಯತ್ನಿಸಿರುವ ಆರೋಪಕ್ಕೆ ಗುರಿಯಾಗಿದ್ದು, ಚಿಕ್ಕೋಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಬ್ಬೂರಿನ ಶ್ರೀ ವಿಠ್ಠಲ ದೇವಸ್ಥಾನದ ಪಕ್ಕದಲ್ಲಿ ಮಂಗಳವಾರ ಈ ಘಟನೆ ನಡೆದಿದೆ.
ಓರ್ವ ಮಹಿಳೆಯು ತನ್ನ ಗಂಡನು ಸಾರಾಯಿ ಕುಡಿತದ ಚಟಕ್ಕೆ ದಾಸನಾಗಿದ್ದರಿಂದ ಅದನ್ನು ಬಿಡಿಸಲು ಔಷಧಿಯನ್ನು ಹುಡುಕುತ್ತ ತಿರುಗುತ್ತಿದ್ದನ್ನು ಗಮನಿಸಿದ ಈ ವಕೀಲ,  ನನಗೆ ಔಷಧವನ್ನು ಕೊಡುವವರು ಗೊತ್ತಿದ್ದಾರೆ, ನನ್ನ ಜೊತೆಗೆ ಬನ್ನಿ ಎಂದು ಕರೆದು ತನ್ನ ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ  ಮಹಿಳೆಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ ಎಂದು ಆರೋಪಿಸಲಾಗಿದೆ.

ಆ ಮಹಿಳೆಯು ಜೋರಾಗಿ ಕೀರುಚಾಡಿದ್ದರಿಂದ ಅಕ್ಕ ಪಕ್ಕದ ಮನೆಯವರು ಬಂದು ಮಹಿಳೆಯನ್ನು ಕಾಪಾಡಿ ಆ ವಕೀಲನಿಗೆ ಸರಿಯಾಗಿ ಹೊಡೆದು ಬುದ್ದಿ ಕಲಿಸಿ ಕಬ್ಬೂರ ಪೋಲಿಸ್ ಉಪ ಠಾಣೆಗೆ ಒಪ್ಪಿಸಿದ್ದಾರೆ.  ಈ ಕುರಿತು ಚಿಕ್ಕೋಡಿ ಪೋಲಿಸ್ ಠಾಣೆಯಲ್ಲಿ ಪ್ರಖರಣ ದಾಖಲಾಗಿದೆ.

ಪ್ರಗತಿವಾಹಿನಿಗೆ ಮಾಹಿತಿ ನೀಡಿದ ಚೇತನ್ ಪತ್ನಿ ಮೇಘಾ: ಪೊಲೀಸರ ವಶದಲ್ಲಿ ಚೇತನ್